Chapter Title : ചക്രവ്യൂഹം [കത്തനാർ]

മറ്റൊരു ചലനവും.

ആ ബാക്കിയുള്ള മൂന്നുപേർ, അജുവിൽ നിന്ന് നേരത്തെ പ്രഹരം ഏറ്റിരുന്നെങ്കിലും മറ്റുള്ളവരെക്കാൾ പരിക്ക് കുറവായിരുന്നവർ.

അവർ പരസ്പരം നോക്കി.

പിന്നെ ലച്ചുവിനെ നോക്കി.

“ലച്ചു, നിൽക്ക്!”

അജുവിന്റെ ശബ്ദം പുറത്തുവന്നില്ല.

വന്നത് ഒരു മങ്ങിയ മുന്നറിയിപ്പ് മാത്രം.

അവൾ കേട്ടില്ല.

അല്ലെങ്കിൽ കേൾക്കാൻ വൈകി.

ആദ്യ ഗുണ്ട വശത്തുനിന്ന് ചാടിവന്ന് അവളുടെ കൈയിൽ പിടിച്ചു.

ലച്ചു ഭയന്ന് തിരിഞ്ഞു.

“വിടെടാ!”

അവൾ കൈ വലിച്ചെടുത്തു രക്ഷപ്പെടാൻ ശ്രമിച്ചു. മറ്റൊരാൾ മറുവശത്തെ കൈ പിടിച്ചു. അവൾ കാൽ ഉയർത്തി അവന്റെ മുട്ടിൽ ചവിട്ടി.

അയാൾ വേദനയോടെ പിന്നോട്ടുമാറി.

പക്ഷേ മൂന്നാമൻ പിന്നിൽനിന്ന് അവളുടെ തോളിലും കൈകളിലും പിടിമുറുക്കി.

“അജൂ!”

ലച്ചു ശരീരം മുഴുവൻ ഉപയോഗിച്ച് കുതറി.

അവളുടെ നഖങ്ങൾ ഒരാളുടെ കൈയിൽ ആഴത്തിൽ പതിഞ്ഞു. അയാൾ ചീത്തവിളിച്ചുകൊണ്ട് പിടി കൂടുതൽ മുറുക്കി. മറ്റൊരാൾ അവളുടെ രണ്ടു കൈകളും പിന്നിലേക്ക് ചേർത്തുപിടിച്ചു.

“വിട്!”

അവൾ തല പിന്നോട്ടടിച്ചു.

പിന്നിൽ നിന്നിരുന്നവന്റെ മുഖത്ത് അത് തട്ടി. അവൻ ഒരു നിമിഷം പിടിവിട്ടെങ്കിലും അടുത്ത രണ്ടുപേരും ഉടനെ അവളെ പിടിച്ചു നിർത്തി.

മൂന്നുപേരുടെയും കരുത്തിനിടയിൽ അവളുടെ പ്രതിരോധം ക്രമേണ പരിമിതമായി.

എങ്കിലും അവൾ നിർത്തിയില്ല.

“അജൂ! എന്നെ വിടാൻ പറ!”

അജുവിന്റെ കണ്ണുകളിലെ വേദന മാറി.

അവിടെ ദേഷ്യം നിറഞ്ഞു.

അവൻ തൂണിൽ നിന്ന് കൈ മാറ്റി മുന്നോട്ട് നടക്കാൻ ശ്രമിച്ചു.

ആദ്യ ചുവടിൽ തന്നെ കത്തി ശരീരത്തിനുള്ളിൽ അനങ്ങി.

അവന്റെ ശ്വാസം നിലച്ചു.

മുട്ടുകൾ വളഞ്ഞു.

എങ്കിലും വീഴുന്നതിന് മുമ്പ് വീണ്ടും നേരെ നിന്നു.

“അവളെ വിട്.”

ആരും