Chapter Title : അസ്ത്രലാഭം [കത്തനാർ]

പഴയ കസേര.

അമ്മയുടെ ഭക്ഷണം.

ദിവ്യയുടെ കളിയാക്കൽ.

ആശുപത്രിയിലെ മോണിറ്ററിന്റെ ശബ്ദം.

വിമാനത്താവളത്തിൽ അവസാനമായി അവന്റെ മുഖം കണ്ടത്.

അപരിചിതമായ രാജ്യത്തിലെ ആദ്യരാത്രി.

തനിച്ചിരുന്ന മുറിയിൽ ആദ്യമായി അവനെ വിളിച്ചത്.

ക്ലാസിലെ തിരക്കിനിടയിൽ എത്തിയ സന്ദേശങ്ങൾ.

അവന് ജോലി ലഭിച്ച ദിവസം.

ഒരു മാസത്തെ ശമ്പളം ചെലവാക്കാതെ വീട്ടിലേക്ക് അയച്ചെന്ന് പറഞ്ഞപ്പോൾ തോന്നിയ അഭിമാനം.

തിരികെ വരാനുള്ള തീരുമാനമെടുത്ത രാത്രി.

മീരയെ വിളിച്ച് പറഞ്ഞ രഹസ്യം.

ഇന്നലെ വിമാനം നാട്ടിലിറങ്ങിയപ്പോൾ അനുഭവപ്പെട്ട ആശ്വാസം.

ഇപ്പോൾ അവന്റെ മുന്നിൽ നിൽക്കുമ്പോൾ നെഞ്ചിനുള്ളിൽ നിറയുന്ന പഴയ ചൂട്.

അജു എന്തോ പറയാൻ ശ്രമിച്ചു.

“ലച്ചു...”

“ഹും?”

പറയാൻ അനവധി കാര്യങ്ങളുണ്ടായിരുന്നു.

ഞാൻ നിന്നെ മിസ് ചെയ്തു.

നീ തിരികെ വരുമെന്ന് കാത്തിരുന്നു.

ഇനി പോകല്ലേ.

അഞ്ചുവർഷം മുമ്പുണ്ടായിരുന്നതുപോലെ ഇന്നും എനിക്ക് നിന്നെ ഇഷ്ടമാണ്.

നമുക്ക് എവിടെനിന്നാണ് വീണ്ടും തുടങ്ങേണ്ടത്?

പക്ഷേ ഒന്നും പുറത്തുവന്നില്ല.

ലച്ചുവിനും സംസാരിക്കാൻ കഴിഞ്ഞില്ല.

തന്റെ ജീവിതത്തിൽ എന്തൊക്കെ മാറിയാലും അവന്റെ മുന്നിലെത്തുമ്പോൾ അഞ്ചുവർഷം മുമ്പത്തെ പെൺകുട്ടിയായി മാറുന്നതുപോലെ അവൾക്കു തോന്നി.

ആരാണ് ആദ്യം മുന്നോട്ടുവന്നതെന്ന് ഇരുവർക്കും പിന്നീട് ഓർമ്മയുണ്ടായിരുന്നില്ല.

ഒരു നിമിഷം അവർ അങ്ങനെ കെട്ടിപിടിച്ചു പരസ്പരം നോക്കിനിന്നു.

അടുത്ത നിമിഷം അവർക്കിടയിൽ ഉണ്ടായിരുന്ന ഇച്ചിരിദൂരം പോലും ഇല്ലാതായി.

ലച്ചു അവന്റെ നെഞ്ചിലേക്ക് ചേർന്നു.

അജുവിന്റെ കൈകൾ അവളെ ചുറ്റിപ്പിടിച്ചു.

അത് ആലോചിച്ചെടുത്ത തീരുമാനമായിരുന്നില്ല.

അനുമതി ചോദിച്ചുമില്ല.

അഞ്ചുവർഷമായി തടഞ്ഞുനിന്നിരുന്ന രണ്ടു ഹൃദയങ്ങളുടെ സ്വാഭാവികമായ മറുപടിയായിരുന്നു.

അവരുടെ അധരങ്ങൾ ഇണച്ചേർന്നു. ലച്ചു അവനെ മുറുകെ ചേർത്തുപിടിച്ചു.

അഞ്ചുവർഷം മുമ്പ് ഇതുപോലെ ചേർത്തുപിടിക്കുമ്പോൾ അവന്റെ ശരീരത്തിൽ മുറിവുണ്ടായിരുന്നു.