അച്ചായൻ പറഞ്ഞ കഥ അർജുന്റെ റിയ കുട്ടി നിലാവ് പോലെ വന്നവൾ 4[ഏകൻ]

ഇങ്ങനെ പെരുമാറാൻ പാടില്ല. " ഞാൻ പറഞ്ഞു..

"അതാണ് ഞങ്ങളുടെയും ആഗ്രഹം എന്തായാലും.. എന്തായാലും ഞാൻ സംസാരിക്കട്ടെ..? "

S I സാർ പറഞ്ഞു.. പിന്നെ കോൺസ്റ്റബിളിനെ വിളിച്ചു.. ആലിയെ കൊണ്ട് വരാൻ പറഞ്ഞു.

"സാർ... " ആലി വന്നു വിളിച്ചു.

"എന്താടോ തന്റെ പേര്? " S I സാർ ചോദിച്ചു.

"ആലി... ആലി മുസ്തഫ" ആലി പറഞ്ഞു.

"തനിക്കു എത്ര വയസ്സായി? S I സാർ ചോദിച്ചു.

"എൺപത് വയസ്സായി സാർ" ആലി പറഞ്ഞു.

"ഇയാളുടെ വിവാഹം കഴിഞ്ഞതാണോ? " S I സാർ ചോദിച്ചു.

"അത് സാർ " ആലി പരുങ്ങി കളിച്ചു.

"എന്താടോ തനിക്കു ചെവി കേൾക്കില്ലേ? "

"കേൾക്കും സാർ "

"പിന്നെ എന്താടോ ഉത്തരം പറഞ്ഞാൽ..."

"കഴിഞ്ഞു സാർ . "

"എന്നിട്ട്! അവര് ഇപ്പോൾ ജീവിച്ചിരിപ്പില്ലേ? "

"ഉണ്ട് സാർ "

"പിന്നെ എന്താടോ ഇപ്പോൾ? വേറെ ഒരു പെണ്ണിനെ കെട്ടാൻ കാര്യം. അതും പതിനെട്ടു വയസ്സ് മാത്രം പ്രായം ആയ പെണ്ണിനെ? താൻ ഡൈവോഴ്‌സ് ആയതാണോ ?"

"അല്ല സാർ! എന്റെ കൂടെ തന്നെ ഉണ്ട് "

"എന്നിട്ടാണോടാ റാസ്കൽ .. പതിനെട്ടു വയസുള്ള കൊച്ചുപെണ്ണിനെ കെട്ടാൻ നടക്കുന്നത്? "

"പ്രായം ആയിവരികയല്ലേ സാർ അപ്പോൾ ഒരു സഹായത്തിനു?

"അതിന് .. ഇനിയും കെട്ടണോടാ തനിക്ക്... മുൻപ് കെട്ടിയതൊന്നും പോരെ തന്നെ നോക്കാൻ.?

എത്രാമത്തെ കെട്ടാണെടോ ഇത്?"

"നാലാമത്തെ "

"പന്ന പട്ടി കഴുവേറിട മോനെ .. എന്നിട്ടും നിനക്ക് കൊച്ചു പെണ്ണിനെ തന്നെ വേണം കെട്ടാൻ അല്ലേടാ നാറി.. "

"ആരാടാ തന്റെ കൂടെ ഉള്ള ആ ചെക്കൻ?"

"എന്റെ മകളുടെ മകളുടെ മകനാണ്..

S I സാർ കോൺസ്റ്റബിളിനോട് പറഞ്ഞു.

"വിളിക്കടോ അവനെ.." അതിന് ശേഷം ആലിയോട് ചോദിച്ചു.

"അവനാണോ തനിക്കു എല്ലാത്തിനും കൂട്ടുനിൽക്കുന്ന കൂട്ട് പ്രതി?

"അയ്യോ! അല്ല സാർ എനിക്ക് പ്രായം ആയി വരുന്നത് കൊണ്ട്. അവനാണ് എപ്പോഴും കൂടെ ഉണ്ടാകാറുള്ളത്.. അവനാണ് എല്ലാം നോക്കുന്നത്. "

"അതെന്താടോ വേറെ മൂന്നെണ്ണം കെട്ടിയിട്ടും തന്നെ നോക്കാൻ ആരും ഇല്ലേ കൂടെ അത് ഒരു അതിശയം ആണല്ലോ?? ശരി തന്റെ ബാക്കി ഭാര്യമാരും മക്കളും എവിടെ "

"ആദ്യ ഭാര്യ മാത്രമേ എന്റെ കൂടെ ഉള്ളൂ.. ബാക്കി രണ്ടു പേരും അവരുടെ വീട്ടിലാണ് ഉള്ളത്. "

"അപ്പോൾ മക്കളോ? മക്കൾ ആരും കൂടെ ഇല്ലേ? മകളും മകളുടെ മകളും ഒക്കെ ഉണ്ടല്ലോ? എത്ര മക്കൾ ഉണ്ട് തനിക്ക്?

"പതിനഞ്ചു മക്കൾ. അതിൽ കൂടുതലും പെൺമക്കൾ ആണ്.

അവരൊക്കെ ഭർത്താക്കാൻമാരുടെ വീട്ടിലും വിദേശത്തും ഒക്കെ ആണ് സാർ. .. എന്റെ കൂടെ ഫൈസി മാത്രമേ ഉള്ളൂ . അവരൊക്കെ ചിലപ്പോൾ വരും വന്നപോലെ പോകും. അത്രയേ ഉള്ളൂ സാർ .. ആദ്യ ഭാര്യക്ക് സുഖം ഇല്ലാത്തതാണ് "

"അപ്പോൾ ആൺ മക്കളോ?"

" അവരെല്ലാവരും വിദേശത്താണ് ".

അപ്പോഴേക്കും ഫൈസി അവിടെ വന്നു.