Chapter Title : ❤️അനന്തഭദ്രം 7❤️ [രാജാ]

ഒന്ന് പുഞ്ചിരിച്ചു.... ചിരിയോടൊപ്പം തെല്ലു നാണവും ആ മുഖത്തുണ്ടായിരുന്നു….ഞാൻ അടുത്തേക്ക് വരുന്തോറും ആ ശ്വാസഗതികളുടെ ശബ്ദവിന്യാസം ത്വരിതപ്പെടുന്നതും നാണത്തോടൊപ്പം പരിഭ്രമവും ആ മുഖത്ത് മിന്നിമറയുന്നതെനിക്ക് കാണാമായിരുന്നു.... ""താനിതുവരെയും കിടന്നില്ലടോ... ഇന്നലെയും ശരിക്ക് ഉറങ്ങാത്തതല്ലേ.. ക്ഷീണം കാണും... കിടന്നോളു... ഗുഡ് നൈറ്റ്...."' അത്രയും പറഞ്ഞു ബെഡിൽ നിന്നും പില്ലോയും ബ്ലാങ്കേറ്റും എടുത്ത് സോഫയുടെ അരികിലേക്ക് നടക്കവേ ആ പൂർണേന്ദുമുഖം വിവർണ്ണമാകുന്നത് ഞാൻ കണ്ടിരുന്നു... പില്ലോയും ബ്ലാങ്കേറ്റും സോഫയിൽ വച്ചിട്ട് ഇരുന്നു തിരിഞ്ഞു നോക്കിയ ഞാൻ കണ്ടത് ഈറനണിഞ്ഞ മിഴിയിണകളോടെ എന്നെത്തന്നെ ഉറ്റുനോക്കി കൊണ്ട് നിൽക്കുന്ന ഭദ്രയെയാണ്‌.... ഇരു കൈയ്യും നേരെ നീട്ടി ഒരു കുസൃതി ചിരിയോടെ അവളെ എന്റെ അരികിലെക്ക് വിളിക്കുമ്പോൾ സങ്കടം മാറി ആ മുഖത്ത് അതിശയവും സന്തോഷവും ഇരച്ചെത്തി...

ഓടി വന്ന് എന്റെ നെഞ്ചിൽ തല്ലിയലച്ചു വീണു കൊണ്ട് എന്നെ മുറുകെ പുണരുമ്പോൾ പെണ്ണിന്റെ ഇടനെഞ്ചിൽ നിന്നും ഉയർന്നു കേട്ട എങ്ങലടികൾ നിമിഷങ്ങളുടെ ആയുസ്സ് മാത്രമുണ്ടായിരുന്ന മാനസികപിരിമുറക്കങ്ങൾ നീർകുമിളകൾ പോലെ പൊട്ടിയടർന്നതിന്റെ പ്രതിഫലനങ്ങളായിരുന്നു.....""ഒറ്റ കുത്ത് വച്ച് തന്നാലുണ്ടല്ലോ... എന്തിനാ ഏട്ടാ എന്നെ ഇങ്ങനെ വിഷമിപ്പിക്കണേ......''" അൽപനേരം എന്റെ തോളിൽ മുഖമമർത്തി ഇരുന്ന ഭദ്ര എന്റെ കവിളിൽ നുള്ളിക്കൊണ്ട് പരിഭവം നടിച്ചു..... ""ചുമ്മാ ഒരു തമാശയ്ക്ക് ചെയ്തതല്ലെടാ....സങ്കടായോ എന്റെ മോൾക്ക്.... സോറി...."" ""ഹ്മ്മ്...''' മടിയിൽ വിലങ്ങനെ ഇരിക്കുന്ന ഭദ്രയുടെ മൂക്കിൻത്തുമ്പിൽ പിടിച്ചാട്ടിക്കൊണ്ട് ഞാൻ ആശ്വസിപ്പിച്ചപ്പോഴും പരിഭവം വിട്ടൊഴിയാത്ത ആ കവിളിണകൾ നെഞ്ചിൽ പതിയെ ഉരസിക്കൊണ്ട് കാതിൽ ഒരു നേർത്ത മർമ്മരം നൽകി അവൾ എന്റെ കഴുത്തിലേക്ക് മുഖം പൂഴ്ത്തി കിടന്നു.... ""അമ്മു....."'' ""മ്മ്മ്..."' '''ഡീ അമ്മുസേ....."" ""എന്തോ...."""