Chapter Title : ❤️അനന്തഭദ്രം 7❤️ [രാജാ]

ഭദ്ര……. ഒരു ദിവസം ഓഫീസിൽ ഇരിക്കവേ ആണ് ഭദ്രയുടെ കാൾ വരുന്നത്…..വൈകീട്ട് നേരത്തെ വരണമെന്നും എല്ലാവർക്കും കൂടി ഒരുമിച്ചു ദേവീക്ഷേത്രത്തിൽ പോകാനാണെന്നും ഭദ്ര പറഞ്ഞു…നേരത്തെ എത്തിക്കോളാംമെന്ന് വാക്കു കൊടുത്തു ഞാൻ ഫോൺ വച്ചു..പറഞ്ഞ പോലെ നേരത്തെ വീട്ടിൽ എത്തിയ എന്നെ കണ്ടതും ഏട്ടത്തിയുടെ മുഖത്ത് ആകെ അമ്പരപ്പും ചെറിയ ഒരു പരിഭവവും…..ഏട്ടത്തിയുടെ കയ്യിൽ നിന്ന് ഒരു നുള്ളും വാങ്ങി കാര്യമെന്തെന്ന് അറിയാതെ പകച്ചു നിന്ന എന്നോട് പുറകെ വന്ന ഭദ്രയാണ്‌ വിഷയം അവതരിപ്പിച്ചത്…….ഞാൻ ഇന്ന് നേരത്തെ വരുമെന്ന് ഉറപ്പ് തന്നിട്ടുണ്ടെന്നു ഭദ്ര പറഞ്ഞപ്പോൾ ഏട്ടത്തി അവളെ കളിയാക്കി…വേറൊന്നുമല്ല എന്നൊക്കെ ഇതുപോലെ നേരത്തെ വരുമെന്ന് ഞാൻ പറഞ്ഞിട്ടുണ്ടോ അന്നൊക്കെയും ഞാൻ ലേറ്റ് ആയാണ് വരാറുള്ളതെന്ന് ഏട്ടത്തി ഭദ്രയോട് പറഞ്ഞു….. സംഗതി സത്യമായതു കൊണ്ട് അമ്മയും ഏട്ടത്തിയെ സപ്പോർട്ട് ചെയ്തപ്പോൾ ഭദ്രയ്ക്ക് നിരാശയായി….എന്നാലും അവൾ വിട്ടുകൊടുക്കാൻ ഒരുക്കമല്ലായിരുന്നു……..ഞാൻ വാക്കു തന്നത് പോലെ തന്നെ നേരത്തെ വരുമെന്ന് ഭദ്ര തറപ്പിച്ചു പറഞ്ഞു…….പോരാത്തത്തിന് പെണ്ണ് ആ പേരും പറഞ്ഞ് ഏട്ടത്തിയോട് ബെറ്റും വച്ചു…..എന്നെ നന്നായി അറിയാവുന്നതു കൊണ്ട് ബെറ്റിൽ താൻ തന്നെ ഈസിയായി ജയിക്കുമെന്നുള്ള വിശ്വാസത്തിലാണ് ഏട്ടത്തി ഇരുന്നിരുന്നത്….പാവത്തിന്റെ ആ വിശ്വാസമാണ് ഞാൻ ഇന്ന് തകർത്തത്…..ആ ദേഷ്യം പതിവ് പോലെ തന്നെ എന്റെ ചെവിയിൽ നുള്ളിയും നടുംപുറം നോക്കി മുഷ്ടി ചുരുട്ടി ഇടിച്ചും പുള്ളിക്കാരിത്തി തീർത്തു….. കല്യാണത്തിന് ശേഷം എന്റെ സ്വഭാവത്തിൽ നല്ല മാറ്റം വന്നു എന്നും അനുസരണ ശീലമൊക്കെ തുടങ്ങിയെന്നും പറഞ്ഞ് ആളെന്നെ ശരിക്കൊന്നു വാരി….സംഭവം എന്തെന്ന് വച്ചാൽ ബെറ്റ് തോറ്റ പൈസ ഭദ്ര ചോദിച്ചപ്പോൾ പുള്ളിക്കാരിത്തി നൈസ് ആയിട്ട് വിഷയം