Chapter Title : അഞ്ചന ചേച്ചി 6 [Eros - God of Lust]

കാര്യം വിടാതെ ഇവർ എല്ലാം ചർച്ച ചെയ്യുകയാണോ? എനിക്ക് പെട്ടന്ന് ദേഷ്യം കേറി, പക്ഷേ ആ ദേഷ്യം ആരോടാണെന്ന് മാത്രം മനസ്സിലായില്ല.

“കെട്ടാൻ സമ്മതിക്കില്ലെങ്കിലും എന്റെ മനസ്സിൽ അഞ്ചന തന്നെയാണ് എന്റെ ഭാര്യ. എനിക്ക് അവളുടെ സ്നേഹം കിട്ടുന്നുണ്ട്.. അതുകൊണ്ട്‌ ഞാൻ ഇങ്ങനെ തന്നെ ജീവിച്ചോളാം.” ദേഷ്യത്തില്‍ ഞാൻ ചീറിയതും മറിയ പെട്ടന്ന് ഞെട്ടി പിന്നോട്ട് ആഞ്ഞു.

ഒന്നും സംസാരിക്കാന്‍ കഴിയാതെ അവള്‍ വായ അടയ്ക്കുകയും തുറക്കുകയും മാത്രം ചെയ്തു.

“പിന്നേ നി അഞ്ചനയോട് അങ്ങനെ പറഞ്ഞത് കുഴപ്പമില്ലെങ്കിൽ, അതേ കാര്യങ്ങളെ ഞാൻ നിന്റെ ഭര്‍ത്താവിനോട് പറഞ്ഞാലും കുഴപ്പമുണാടാവില്ല, അല്ലേ? നിന്റെ അനുവാദം ഇല്ലാതെ നിന്റെ ഏതെങ്കിലും കൂട്ടുകാരിയോട് ഞാൻ പറഞ്ഞിരുന്നെങ്കിൽ നി സഹിക്കുമായിരുന്നോ?”

കലി അടങ്ങാതെ ഞാൻ ചോദിച്ചതും അവള്‍ പേടിയോടെ നോക്കിയിരുന്നു.

“അന്ന് നമ്മൾ പൂര്‍ണമായ സെക്സ് ചെയ്യാൻ ഒരുങ്ങിയതാണ്, പക്ഷേ നിന്റെ കുറ്റബോധവും നിന്റെ മാനസിക അവസ്ഥയും മനസിലായത് കൊണ്ട്‌ ഞാനായിട്ട് ഒഴിഞ്ഞുമാറി. എന്നാല്‍ നമ്മൾ മാത്രം അറിയാവുന്ന കാര്യം ആയിരുന്നിട്ട് പോലും, എന്റെ വികാരത്തെ ഞാൻ അന്ന് ദേഷ്യത്തില്‍ പറഞ്ഞപ്പോൾ നീ എന്നെ തല്ലുകയാണ് ചെയ്തത്. അങ്ങനെയിരിക്കെ, ഇക്കാര്യം നി മൂന്നാമത് ഒരാളോട് പറഞ്ഞത് മാത്രം നിനക്കെങ്ങനെ ന്യായീകരിക്കാൻ കഴിഞ്ഞു?”

ഞാൻ ചോദിച്ചത്‌ കേട്ട് അവളുടെ മുഖം വിളറി വെളുത്തു.

അവൾ എന്തൊക്കെയോ പറയാൻ ശ്രമിച്ചു.. പക്ഷേ ഒറ്റ വാക്ക് പോലും അവള്‍ക്ക് ഉരുവിടാനായില്ല.

“നീയെന്റെ ബെസ്റ്റ് ഫ്രണ്ട് ആണ്, അല്ലേ?”

ഞാൻ ചോദിച്ചതും അവൾ തലയാട്ടി.

“നി എന്റെ ബെസ്റ്റ് ഫ്രണ്ട് എന്ന് നി പോലും പറഞ്ഞിട്ടുണ്ട്, ശരിയല്ലേ?”

അതിനും