Chapter Title : അഞ്ചു ശരങ്ങൾ 2 [കബനീനാഥ്]

കൂടുമ്പോഴാണ് പാത്രം കഴുകുക തന്നെ…

അതും ഭക്ഷണം കഴിക്കാൻ പ്ലേറ്റ് ഇല്ലാതെ വരണം…

ദേവി ചേച്ചിയെ ബുദ്ധിമുട്ടിക്കുന്നത് ശരിയല്ല…

അവർക്കു പറ്റുന്നതു പോലെ സഹായിക്കുന്നുണ്ട്…

കൃത്യമായ ശമ്പളമില്ല.

കൊടുത്താൽ തന്നെ വാങ്ങുകയുമില്ല…

സഞ്ജു പാത്രങ്ങൾ കഴുകി, എല്ലാം സ്റ്റാൻഡിൽ കമിഴ്ത്തി വെച്ചു…

സിങ്ക് വൃത്തിയാക്കിയ ശേഷം നോക്കുമ്പോൾ , ഒരു പാത്രം അടച്ചു വെച്ചിരിക്കുന്നതു കണ്ടു…

അതവൻ തുറന്നു നോക്കി…

കഴിച്ചു തുടങ്ങിയ ചോറ് ബാക്കി വെച്ചിരിക്കുന്നു…

അഞ്ജു ഭക്ഷണം കഴിച്ചിട്ടില്ല…

പുറത്തിറങ്ങി , അവൻ രെച്ചുമോളെ ഒന്നുകൂടി ശ്രദ്ധിച്ചു…

അവളും നല്ല ഉറക്കമാണ്…

അവൻ വീണ്ടും അഞ്ജുവിനടുത്തു ചെന്നു…

ഇപ്പോൾ പുതപ്പെടുത്തു കഴുത്തു വരെ പുതച്ചിട്ടുണ്ട്…

സഞ്ജു കിടക്കയിലേക്കിരുന്നു…

കൈ തൊട്ടു നോക്കിയപ്പോൾ ചൂടുണ്ട്….

നെറ്റിയിൽ തണുത്ത വിരൽ സ്പർശം അറിഞ്ഞതും അഞ്ജു ഒന്നിളകി…

“ചഞ്ചൂ………......'’

അവൾ ദീനതയോടെ വിളിച്ചു…

സഞ്ജുവല്ലാതെ മറ്റാരുമല്ലെന്ന് അവൾക്കും അറിയാമായിരുന്നു…

“എന്താടാ…….”

അവൻ അവളുടെ ശിരസ്സിൽ തലോടി…

“തണുക്കണ്…….”

“ നീ എഴുന്നേൽക്ക്… ഹോസ്പിറ്റലിൽ പോയി വരാം……”

“ കുറച്ചു കഴിയട്ടെ…….”

“എഴുന്നേൽക്കന്നേ……..”

“ചഞ്ചു ഇവിടിരുന്നാൽ മതി......”

അവൾ കിടക്കയിലൂടെ നിരങ്ങി അവനോടടുത്തു…

“ഇപ്പോ പോയാൽ പെട്ടെന്ന് മാറില്ലേ, പൊന്നാവേ…….”

അവൻ അവളുടെ കവിളിൽ മൃദുവായി തലോടി…

“ കുറച്ചു കഴിയട്ടെ...”

അവൾ പഴയ പല്ലവി ആവർത്തിച്ചു…

സഞ്ജു കട്ടിൽ ക്രാസിയിലേക്ക് പുറം ചാരി നേരെയിരുന്നു…

അതറിഞ്ഞിട്ടാകണം, അവൾ അവന്റെ മടിയിലേക്ക് മുഖമെടുത്തു വെച്ചു.

“ചഞ്ചു ങ്ങനിരുന്നാ മതി… ഞാനുറങ്ങിക്കോളാം…….”

അവൾ പതിയെ പറഞ്ഞു…

അവൻ അവളുടെ മുടിയിഴകളിലും ചുമലുകളിലും കഴുത്തിലും പതിയെ തലോടിക്കൊണ്ടിരുന്നു…

“ നീയെന്താ ചോറുണ്ണാതെ… ….?”