Chapter Title : അനുരാഗപുഷ്പങ്ങൾ 2 [രുദ്ര] [Climax]

വന്നിരുന്നില്ല.... പോകുന്നില്ലെന്ന് പറഞ്ഞ് അവിടെ നിന്ന അമലിനെ ഒരുവിധമാണ് ഇന്ദു തള്ളി പറഞ്ഞയച്ചത്.... അടുക്കളയിൽ ജോലി ചെയ്തു കൊണ്ടിരുന്നപ്പോൾ പുറത്തു കാളിങ് ബെൽ അടിക്കുന്ന ശബ്ദം കേട്ട് അവൾ ഹാളിലേക്ക് വന്നു.... " എന്താണ് ഏട്ടാ... ഞാൻ പറഞ്ഞതല്ലേ ഒറ്റയ്ക്ക് നിക്കാമെന്ന്... മര്യാദയ്ക്ക് ജോലിയ്ക്ക് പോകുന്നുണ്ടോ... " അമൽ തിരിച്ചു വന്നതായിരിക്കും എന്ന് വിചാരിച്ച് അവൾ വഴക്ക് പറഞ്ഞു കൊണ്ട് വാതിൽ തുറന്നു.... പക്ഷെ മുൻപിൽ നിൽക്കുന്ന വെള്ള വസ്ത്രധാരിയെ കണ്ട് അവൾ ഞെട്ടി... " മോൾക്ക് എന്നെ ഓർമ്മയുണ്ടോ..?? " അയാൾ ഒരു ചിരിയോടെ ചോദിച്ചു.... " അമലേട്ടന്റെ അച്ഛൻ.... " അവൾ വിറയ്ക്കുന്ന ചുണ്ടുകളോടെ പറഞ്ഞു..... ----------------------------------------------------------------- നാലു വർഷങ്ങൾക്ക് ശേഷം ഒരു സായാഹ്നം..... " എഞ്ഞിട്ട്.... എഞ്ഞിട്ട് അപ്പൂപ്പൻ അമ്മേനെ കൊന്നോ???... " വീടിന്റെ ഉമ്മറത്തു ചാരുകസേരയിൽ ഇരിക്കുന്ന മഹാദേവന്റെ വയറിനു പുറത്ത് ഇരുന്നുകൊണ്ട് നാലു വയസ്സുകാരി മിന്നു എന്ന മീനാക്ഷി ചോദിച്ചു.... " അച്ചോടാ... മിന്നൂന്റെ അപ്പൂപ്പൻ പാവമല്ലേ....അപ്പൂപ്പൻ ആരേം കൊല്ലൂല്ലല്ലൊ.... അങ്ങനെ കൊന്നാരുന്നേൽ അപ്പൂപ്പന് മിന്നൂനെ കിട്ടൂല്ലാരുന്നുല്ലോ.... " അവളുടെ കവിളിൽ നുള്ളിക്കൊണ്ട് അയാൾ പറഞ്ഞു.... "അപ്പോ അച്ചയെ കൊന്നോ??.." " മിന്നൂന്റെ അച്ചയെ അപ്പൂപ്പൻ കൊല്ലുവോ.... മിന്നു അപ്പൂപ്പന്റെ ജീവനല്ലേ... " അയാൾ വീണ്ടും അവളെ കൊഞ്ചിച്ചു... " പിഞ്ഞേ അപ്പൂപ്പൻ പരഞ്ഞയോ കൊല്ലൂന്ന്.... " അവളുടെ സംശയം തീരുന്നില്ലായിരുന്നു....

" അതൊക്കെ അപ്പൂപ്പൻ ചുമ്മ പറഞ്ഞതല്ലിയോ.... മിന്നൂന്റെ അമ്മ ഒരു മണ്ടിയായൊണ്ട് എല്ലാം അത് പോലെ വിശ്വസിച്ചു.... ഒഴിഞ്ഞു പോന്നെ പോട്ടെന്നു വച്ചതാ മിന്നൂസേ.... അപ്പൂപ്പൻ അറിഞ്ഞില്ലല്ലോ മിന്നൂസ് അപ്പൊ അമ്മേടെ വയറ്റിൽ ഉണ്ടാരുന്ന കാര്യം.... " " അപ്പോ അമ്മ എഞ്ഞെ തിഞ്ഞാരുന്നോ..?? " അവളുടെ സംശയം കേട്ട് അയാൾ ചിരിച്ചു... " മിന്നുവെ... നീ അപ്പൂപ്പനെ ബുദ്ധിമുട്ടിക്കാതെ വന്നേ... വാ കുളിക്കാം.." ഇന്ദു അങ്ങോട്ടേക്ക് വന്നു കൊണ്ട് പറഞ്ഞു..... " വേന്റ... മിന്നൂന് കുളിച്ചണ്ടാ.... മിന്നു കച കേക്കുവാ.... " അവൾ ചിണുങ്ങികൊണ്ട് അയാളുടെ തോളിലേക്ക് ചാഞ്ഞു.... " അപ്പൂപ്പന്റെ മിന്നൂസ് പോയി കുളിച്ചിട്ട് വാ...