Chapter Title : അനുരാഗപുഷ്പങ്ങൾ 2 [രുദ്ര] [Climax]

വരെ അച്ഛൻ ഒന്നും അറിയരുത് എന്ന് അമൽ നിശ്ചയിച്ചിരുന്നു... ഒരു മാസത്തിന് ശേഷം.... അമൽ ജോലിക്ക് പോയിരുന്നു.... ഇന്ദുവിന് കൂട്ട് നിൽക്കാൻ വരുന്ന സ്ത്രീ പനിയായത് കൊണ്ട് വന്നിരുന്നില്ല.... പോകുന്നില്ലെന്ന് പറഞ്ഞ് അവിടെ നിന്ന അമലിനെ ഒരുവിധമാണ് ഇന്ദു തള്ളി പറഞ്ഞയച്ചത്.... അടുക്കളയിൽ ജോലി ചെയ്തു കൊണ്ടിരുന്നപ്പോൾ പുറത്തു കാളിങ് ബെൽ അടിക്കുന്ന ശബ്ദം കേട്ട് അവൾ ഹാളിലേക്ക് വന്നു.... " എന്താണ് ഏട്ടാ... ഞാൻ പറഞ്ഞതല്ലേ ഒറ്റയ്ക്ക് നിക്കാമെന്ന്... മര്യാദയ്ക്ക് ജോലിയ്ക്ക് പോകുന്നുണ്ടോ... " അമൽ തിരിച്ചു വന്നതായിരിക്കും എന്ന് വിചാരിച്ച് അവൾ വഴക്ക് പറഞ്ഞു കൊണ്ട് വാതിൽ തുറന്നു.... പക്ഷെ മുൻപിൽ നിൽക്കുന്ന വെള്ള വസ്ത്രധാരിയെ കണ്ട് അവൾ ഞെട്ടി... " മോൾക്ക് എന്നെ ഓർമ്മയുണ്ടോ..?? " അയാൾ ഒരു ചിരിയോടെ ചോദിച്ചു.... " അമലേട്ടന്റെ അച്ഛൻ.... " അവൾ വിറയ്ക്കുന്ന ചുണ്ടുകളോടെ പറഞ്ഞു..... ----------------------------------------------------------------- നാലു വർഷങ്ങൾക്ക് ശേഷം ഒരു സായാഹ്നം..... " എഞ്ഞിട്ട്.... എഞ്ഞിട്ട് അപ്പൂപ്പൻ അമ്മേനെ കൊന്നോ???... " വീടിന്റെ ഉമ്മറത്തു ചാരുകസേരയിൽ ഇരിക്കുന്ന മഹാദേവന്റെ വയറിനു പുറത്ത് ഇരുന്നുകൊണ്ട് നാലു വയസ്സുകാരി മിന്നു എന്ന മീനാക്ഷി ചോദിച്ചു.... " അച്ചോടാ... മിന്നൂന്റെ അപ്പൂപ്പൻ പാവമല്ലേ....അപ്പൂപ്പൻ ആരേം കൊല്ലൂല്ലല്ലൊ.... അങ്ങനെ കൊന്നാരുന്നേൽ അപ്പൂപ്പന് മിന്നൂനെ കിട്ടൂല്ലാരുന്നുല്ലോ.... " അവളുടെ കവിളിൽ നുള്ളിക്കൊണ്ട് അയാൾ പറഞ്ഞു.... "അപ്പോ അച്ചയെ കൊന്നോ??.." " മിന്നൂന്റെ അച്ചയെ അപ്പൂപ്പൻ കൊല്ലുവോ.... മിന്നു അപ്പൂപ്പന്റെ ജീവനല്ലേ... " അയാൾ വീണ്ടും അവളെ കൊഞ്ചിച്ചു... " പിഞ്ഞേ അപ്പൂപ്പൻ പരഞ്ഞയോ കൊല്ലൂന്ന്.... " അവളുടെ സംശയം തീരുന്നില്ലായിരുന്നു....