Chapter Title : അരളിപ്പൂന്തേൻ 6 [Wanderlust]

അയാൾ മനസിലുള്ളത് പുറത്തുപറഞ്ഞു..

: നിന്റെ മോളിന്ന് എങ്ങനാ വീട്ടിലേക്ക് വന്നതെന്നറിയോ…

: ആ… ശ്രീകുട്ടന്റെ കൂടെ

: ചീകുട്ടൻ… അപ്പൊ നീയുംകൂടി അറിഞ്ഞുള്ള കളിയാണ് അല്ലെ. കവലയിൽ നിന്നും ആൾക്കാർ പറഞ്ഞപ്പോൾ എന്റെ തൊലിയുരിഞ്ഞുപോയി.. ഇവളോട് ഞാൻ അന്നേ പറഞ്ഞതാ, കണ്ടവനെ മനസ്സിൽ വച്ചോണ്ട് നിൽക്കേണ്ടെന്ന്.

: അച്ഛന്റെ പ്രശ്നമെന്താ ഇപ്പൊ… തൊലിയുരിഞ്ഞതാണോ? അമ്മേ… അകത്ത് എന്തെങ്കിലും മരുന്നുണ്ടെങ്കിൽ വച്ചുകൊടുക്ക്, നല്ല പുകച്ചിൽ കാണും പാവത്തിന്

: ഡീ… അടിച്ചുനിന്റെ..

: നിങ്ങൾ ഒന്ന് മെല്ലെ പറ മനുഷ്യാ… ആരെങ്കിലും കേൾക്കും

: ഇനിയിപ്പോ ആരാ അറിയാൻ ബാക്കി… മോളായിട്ട് നാട്ടുകാരുടെ മുന്നിൽ എന്നെ നാണംകെടുത്തിയപ്പോൾ സമാധാനമായില്ലേ നിനക്ക്..

: ഞാൻ അന്നേ പറഞ്ഞതല്ലേ കെട്ടിച്ചുകൊടുക്കാൻ…നിങ്ങൾക്കല്ലേ വാശി

: കെട്ടിച്ചുതരാം ഞാൻ രണ്ടിനേം… പോയി ചോറെടുത്ത് വയ്‌ക്കെടി..

: അച്ഛന് ചോറ് കൊടുക്ക് മോളെ ഇന്ദിരേ.. വിശക്കുന്നുണ്ടാവും

: ഡീ.. നിന്നോട് ഒരു കാര്യം പറഞ്ഞേക്കാം, ഇനിയും അവനെ മനസ്സിൽ പ്രതിഷ്ഠിച്ചോണ്ട് നടക്കാനാണ് ഭാവമെങ്കിൽ, പൊന്നുമോളെ…. നീ അച്ഛന്റെ ശരിക്കും സ്വഭാവം കാണുമേ…ഇത് അവനോടും കൂടെ പറഞ്ഞേക്ക്

: അച്ഛാ….. ഉമ്മ. ഏട്ടൻ ഇപ്പൊ വിളിക്കും അപ്പൊ ഞാൻ പറയാം ട്ടോ…

രാജീവന്റെ കൈ ഉയർന്നതും തുഷാര മുറിയിലേക്ക് ഓടി. പഴയ തുഷാര ആണെങ്കിൽ രാജീവന്റെ കാര്യത്തിൽ ഒരു തീരുമാനം ആയേനെ. തുഷാര പോയിക്കഴിഞ്ഞ് കഴിക്കാനായി ടേബിളിലേക്ക് ഇരുന്ന രാജിവന്റെ മുന്നിൽ ഇന്ദിര മുഖവും വീർപ്പിച്ച് ഇരുന്നു.

: ഡീ… ചോറ് വിളമ്പടി

: തന്നത്താൻ എടുത്ത് കഴിച്ചാൽ മതി… നാണമില്ലല്ലോ എന്നോട് വഴക്കിട്ടിട്ട് പിന്നേം