Chapter Title : Avalude Ravukal 7

കുട്ടിയുടെ ഓപ്പറേഷൻ നീ പൈസ അയച്ചു തന്നതുകൊണ്ടു ആ ടെൻഷൻ ഒഴിവായിക്കിട്ടി എന്നാലും കുറച്ചു സീരിയസ് ആയ ഓപ്പറേഷൻ ആണ് അതാ എല്ലാര്ക്കും വല്ലാത്ത ടെൻഷൻ "

അവളുടെ വാക്കുകളിൽ പ്രതിഫലിച്ച സ്നേഹം, ഭയം, സ്വന്തം കുട്ടിയുടെ കാര്യം പറയുന്ന ഒരമ്മയുടെ വാത്സല്യം എല്ലാം എനിക്ക് ഫീൽ ചെയ്തു, പക്ഷെ എന്റെ മനസ്സിൽ ഒരു ചിന്ത മാത്രമായിരുന്നു " ഈ കുട്ടിയുടെ കാര്യത്തി ഇവളെന്തിനാ ഇത്ര ടെൻഷൻ എടുക്കുന്നെ "

" അല്ല ചാരൂ , ഈ റിയാസ്, പിന്നെ ഈ കുട്ടി ഇവരൊക്കെ ആരാ ? ഞാൻ വളരെ കൂളായി ചോദിച്ചു

" ഓഹ് സോറി ഇതൊക്കെ പറഞ്ഞിട്ടും ഞാൻ അവരെയൊന്നും നിനക്ക് പരിചയപെടുത്തിയില്ലാലോ, പറയാം. നീ എന്നെ വിട്ടു പോയ സങ്കടവും പിന്നെ മാഷിനെ അവഗണനയുമെല്ലാം മറികടന്നു ജീവിതത്തെ ഇന്നത്തെപോലെ ആസ്വദിക്കാൻ എന്നെ ഹെല്പ് ചെയ്ത ആളുകളാ ഇവരൊക്കെ. ഇക്ക , ശോഭയേച്ചി , പിന്നെ ചേച്ചിയുടെ ഭർത്താവു മുരളിയേട്ടൻ. ഇക്ക എന്റെ ഓഫീസിലെ ഡ്രൈവറാണ് , ശോഭയേച്ചി എന്റെ ഓഫീസിലെ ക്ലാർക്ക് പിന്നെ മുരളിയേട്ടൻ ചെന്നൈയിൽ ജോലിചെയ്യുന്നു ഇവരൊക്കെയാണ് ഇപ്പൊ എന്റെ ഫാമിലി "

ഒഴുക്കൻ മട്ടിലുള്ള ഒരു മറുപിടിയാണ് അവൾ തന്നതെങ്കിലും, കൂടുതൽ അറിയാനുള്ള എന്റെ ആഗ്രഹം ഞാനും മറച്ചുവച്ചില്ല

" പണ്ടേ മറ്റുള്ളവരെ സഹായിക്കാൻ നിനക്ക് വല്ലാത്തൊരു ആവേശമാണെന്നു എനിക്കറിയാം, പക്ഷെ ഇത്രയധികം തുക കൊടുത്തു സഹായിക്കാൻ മാത്രം ഉള്ള അടുപ്പം എന്താ നിനക്ക് ആ കുട്ടിയോട് " കാര്യം അറിഞ്ഞേ അടങ്ങു എന്ന മട്ടിലായിരുന്നു എന്റെ ചോദ്യം

"ചാരൂ