Chapter Title : ♥️അവിരാമം♥️ 7 [കർണ്ണൻ]

അവളെ അധിക സമയം എടുത്തു നിൽക്കാൻ അവനു കഴിയുമായിരുന്നുമില്ല...

അത് കൊണ്ട് തന്നെ അവൻ അനീറ്റയെ താങ്ങി പിടിച്ചു കൊണ്ട് അവളുടെ റൂമിലേക്ക്‌ നടന്നു...

കൊച്ചു കുട്ടികളെ കിടത്തുന്ന പോലെ അവൻ അവളെ കട്ടിലിൽ കിടത്തി... പക്ഷെ പിൻവാങ്ങാൻ അവനു കഴിഞ്ഞില്ല.. അപ്പോളും അവളുടെ പിടുത്തം...പിൻവലിയാൻ അവൻ ശ്രെമിക്കുമ്പോളും അവൾ ആ പിടുത്തം വിടാതെ മുറുക്കി.....

ഹിരൺ........

കണ്ണുകൾ അടച്ചു കൊണ്ട് ആ പിടുത്തം വിടുവിക്കാതെ തന്നെ അവൾ ആർദ്രമായി അവനെ വിളിച്ചു....

മ്മ്......

അവളുടെ മനസ് എന്തെന്ന് മനസ്സിലാകാതെ ഒന്ന് മൂളുക മാത്രം ആണ് അവൻ ചെയ്തത്..

ഇന്ന് എന്റെ ഒപ്പം കിടക്കുവോ.....

അവളുടെ ആ ചോദ്യത്തിൽ അവൻ ഒന്ന് പതറി പോയി... മനസുകൊണ്ട് അവനു അതിനു ആയിരം വട്ടം സമ്മതം ആയിരുന്നു. എങ്കിലും അവന്റെ വിവേക ബുദ്ധി അതിനെ മറി കടന്നു ചിന്തിക്കാൻ പ്രേരിപ്പിച്ചു.....

ഒന്ന് പോയെ പെണ്ണെ ഭ്രാന്ത് പറയാതെ.....

പോവണ്ട... ഞാൻ വിടില്ല....

പറഞ്ഞു കൊണ്ട് അവൾ അവനെ വലിച്ചു അവളിലേക്ക് അമർത്താൻ ശ്രെമിച്ചു......

പെട്ടന്ന് ഉള്ള വലിയിൽ നില തെറ്റിയ അവൻ അവൾക്കു മുകളിൽ വീഴാതിരിക്കാൻ ഇരു വശങ്ങളിലും ആയി കൈ കുത്തി നിന്നു...

ദേ... പെണ്ണെ ചുമ്മാ കളിക്കാൻ നിക്കല്ലേ...

പെണ്ണല്ല... അമ്മു.... അങ്ങനെ വിളിച്ച മതി....

പിന്നെ കുരുത്തക്കേട് കാണിക്കുന്നതിനെ ഒക്കെ കൊഞ്ചിക്കുവല്ല ചന്തിക്കു നല്ല പെട തരുവാ വേണ്ടത്.....

പതിവ് ശൈലിയിൽ അവൾ കുണുങ്ങി ചിരിച്ചു..

ഹിരൺ പ്ലീസ്.. ഈ ഒരു കാര്യം മാത്രേ ഞാൻ പറയുന്നുള്ളു.. ഇന്ന് ഇവിടെ കിടക്കാം...

കാണുമ്പോ തൊട്ടു പറയുന്നതാ ഈ ഒരു കാര്യം മാത്രം ഈ ഒരു കാര്യം മാത്രം എന്നിട്ട് ഇപ്പൊ കാര്യം എത്രയായി എന്ന് എനിക്ക് പോലും അറിയില്ല......

ആ പറഞ്ഞത് അവൾക്കു ഇഷ്ടം ആയില്ല... അവൾ മുഖം വെട്ടിച്ചു പിണക്കം നടിച്ചു തല ചെരിച്ചു കിടന്നു...അതോടൊപ്പം അവൾ അവന്റെ കഴുത്തിലെ പിടുത്തവും വിടുവിച്ചു....

അവളുടെ പിണക്കം അത് ഹിരണിനു മറ്റെന്തിനെക്കാളും ആസ്വാദനം നൽകുന്ന ഒന്നായി ഇതിനോടകം തന്നെ മാറിയിരുന്നു...

വിരിഞ്ഞ പുഞ്ചിരിയോടെ അവൻ അവൾക്കു അരികിലായി