Chapter Title : അഴകാന രാക്ഷസി…. 2[മനൂപ് ഐദേവ്]

ഉണ്ട്. ഇത്രകാലമത്രയും എന്റെ അച്ഛനോ അമ്മയോ ആരും എന്നെ തല്ലിയിട്ടില്ല.. ശെരിയാ ഞാൻ ചെയ്തത് തെറ്റ് തന്നെയാ.. എന്ന് കരുതി ഇന്ദുവേച്ചി എന്തിനാ എന്നെ മാത്രം ഇങ്ങനെ ശിക്ഷിക്കുന്നേ... ഞാൻ അങ്ങനെ ഓരോന്നും ചിന്തിച്ച്‌ കൊണ്ടവിടെ ഇരുന്നു.

കുറച്ച് കഴിഞ്ഞു കൃഷ്ണേച്ചി അങ്ങോട്ട് വന്നു കൊണ്ട് എന്റെ കവിളിൽ തടവി.
ഞാൻ വേഗം ഉള്ളിലേക്ക് നോക്കി ചേച്ചിയുടെ കൈ തട്ടിമാറ്റി.

" നീ.. പേടിക്കേണ്ട അവൾ ബെഡ്‌റൂമിലാണ്... ഒരുവിധം ഞാൻ പറഞ്ഞു നിർത്തിയിട്ടുണ്ട്.... "

"മ്മ്മ്...."

ഞാൻ ഒന്നു മൂളുക മാത്രം ചെയ്തു...

" അവൾ നിന്നെ തല്ലിയത് ചേച്ചിക്കും ഒട്ടും ഇഷ്ടപ്പെട്ടിട്ടില്ല... അതിനവൾക്ക് ഒരു മറുപടി കൊടുക്കാനുള്ള അവസരവുമായിട്ടാണ് അവൾ തന്നെ വന്നിരിക്കുന്നത്... "

ഞാൻ മുഖമുയർത്തി ചേച്ചിയെ നോക്കി...

" നീ ഇങ്ങ് വാ.. അവൾ തന്നെ പറയും നിന്നോട്... "

അതും പറഞ്ഞു ചേച്ചി എന്റെ കൈ പിടിച്ച് വീടിനകത്തേക്ക് കൊണ്ട് വന്നു. അകത്ത് ബെഡ്‌റൂമിൽ ഒരു ചെയറിൽ കാലിന്മേൽ കാൽ കയറ്റി ഇരിക്കുകയായിരുന്നു അവൾ. എന്നെ കണ്ടതും അവൾ മുഖം തിരിച്ചു...

ഞാൻ ആ മുറിയുടെ വാതിലിൽ വെറുതെ ചാരി നിന്ന് താഴേക്ക് നോക്കി.

" ഇന്ദു.. ഞങ്ങൾ ചെയ്തത് തെറ്റാണ്.. പറ്റിപ്പോയി.. പക്ഷെ അതിനിയും ചെയ്യില്ല എന്നുറപ്പ് തരാനൊന്നും പറ്റില്ല.. നിനക്കെന്താ പറയാൻ ഉള്ളതെന്ന് വെച്ചാൽ പറഞ്ഞോ... "

" എനിക്കൊന്നും പറയാനില്ല.. നിങ്ങളെന്താണെന്ന് വെച്ചാ ആയിക്കോ.. ഇനി ഇപ്പോ ഇവന്റെ മാമനോട് വിളിച്ച് ഇവൻ തന്നെ കാര്യം പറഞ്ഞോട്ടെ... "

ഞാൻ രണ്ട് പേരുടെയും മുഖത്തേക്ക് പരസ്പരം നോക്കി.