Chapter Title : ഭൂമിയിലെ ഗന്ധർവ്വൻ 3 [Mizmu-The copier]

എല്ലാവരും എന്നെ കണ്ടയുടൻ ആദരവോടെ തലകുനിച്ച് വണങ്ങി.

അവരുടെ കൂട്ടത്തിൽ പ്രായം ചെന്ന ഒരു മുഖ്യപ്രഭു മുന്നിലേക്ക് പടിയിറങ്ങി വന്നു. വിറയാർന്ന കൈകളോടെ അദ്ദേഹം എന്നെ നോക്കി വിനീതമായി സംസാരിച്ചു തുടങ്ങി:

"യുവരാജാവേ... അങ്ങയുടെയും പുതിയ രാജ്ഞിയുടെയും മംഗല്യച്ചടങ്ങുകളിൽ സമയത്തിന് എത്തിച്ചേരാൻ കഴിയാത്തതിൽ ഞങ്ങളുടെ ഹൃദയം നുറുങ്ങുന്ന വേദനയുണ്ട്. ദൂരദിക്കുകളിലെ അപ്രതീക്ഷിതമായ ചില യാത്രാതടസ്സങ്ങളും അതിർത്തിയിലെ ചില അത്യാഹിതങ്ങളുമാണ് ഞങ്ങളെ തടഞ്ഞുവെച്ചത്.

ജീവിതത്തിലെ ഏറ്റവും പവിത്രമായ ആ ചടങ്ങിൽ അങ്ങയുടെ സന്തോഷത്തിൽ പങ്കുചേരാൻ കഴിയാത്തത് ഞങ്ങളുടെ വലിയൊരു കുറവായി ഞങ്ങൾ കരുതുന്നു.

എങ്കിലും, വൈകിയാണെങ്കിലും അങ്ങയുടെ ഈ സന്തോഷത്തിൽ പങ്കുചേരാനും, തെരുവിന്റെ മണ്ണിൽ നിന്ന് ഈ കൊട്ടാരത്തിന്റെ പൂമുഖത്തേക്ക് വിധി കൂട്ടിക്കൊണ്ടുവന്ന അങ്ങയുടെ പ്രാണനാഥയായ മഹാറാണിയെ കണ്ട് ആദരവ് അർപ്പിക്കാനുമാണ് ഞങ്ങൾ ഓടിയെത്തിയത്.

ഞങ്ങളുടെ ഈ വീഴ്ച ക്ഷമിച്ച്, പുതിയൊരു യുഗത്തിലേക്ക് കാൽവെക്കുന്ന അങ്ങേക്കും രാജ്ഞിക്കും ഞങ്ങളുടെ ഹൃദയം നിറഞ്ഞ മംഗല്യാശംസകൾ ഞങ്ങൾ നേരുന്നു..."

.

ആ പ്രഭുക്കന്മാരുടെ മുഖത്തെ ആത്മാർത്ഥമായ ഖേദവും വിനയവും കണ്ടപ്പോൾ എന്റെ മനസ്സ് അലിഞ്ഞുപോയി. വൈകിയെത്തിയ ആ ആശംസകൾ ആ കൊട്ടാരത്തിന്റെ വരാന്തകളിൽ പുതിയൊരു സൗഹൃദത്തിന്റെ വസന്തം തീർക്കുകയായിരുന്നു.

അവളും എന്നോടൊപ്പം വന്നു ചേർന്നു

അവരെല്ലാം ഞങ്ങളെ സന്തോഷത്തോടെ അനുഗ്രഹിച്ചു ... മാത്രമല്ല ഇന്നലെ ഉണ്ടായ ഭയാനക സംഭവത്തിൽഇ ആശങ്കയും അറിയിച്ചു

പിന്നെ അവരുടെ വിരുന്നും മറ്റുമായി സമയം രാത്രിയായി എല്ലാവരും സന്തോഷത്തോടെ തന്നെ യാത്രയായി …

.അല്പം കഴിഞ്ഞ് ഞാൻ രുദ്രനെ വിളിച്ചു ..

എന്റെ ഉള്ളിൽ കുറച്ചു ദിവസമായി നിറഞ്ഞു നിന്ന പല സംശയങ്ങൾക്കും ഉത്തരങ്ങൾ ആവശ്യമായിരുന്നു അത്