Chapter Title : ചന്ദ്രവേദം 6 [മന്ത്രവാദി]

പണി തുടർന്നു. മൊബൈൽ ചാർജിൽ ഇട്ടാണ് കാശിയുടെ കൂടെ അവൾ പുറത്ത് പോയത്. ഇന്നലെ ഒരു മെസ്സേജ് പോലും അയച്ചിട്ടില്ല അതിൻ്റെ കാരണം അന്വേഷിച്ചുള്ള വിളി ആവുമെന്ന് അവൾ ഊഹിച്ചു.

" ദൈവമേ 15 മിസ്സ് കോളോ.."

പ്രതീക്ഷിച്ചതിൽ കൂടുതൽ വിളി വന്നതിൽ അവൾക്ക് എന്തോ പന്തികേട് തോന്നി. അയച്ച മെസ്സേജ് ഒന്നും വായിക്കാതെ പെട്ടെന്ന് തന്നെ തിരിച്ച് വിളിച്ചു.

" ഹലോ പറയെടി എന്ത് പറ്റി?"

"എവിടെയായിരുന്നു ശ്രീക്കുട്ടി നീ ? എത്ര നേരമായി ഞാൻ വിളിക്കുന്നു"

" പുറത്തായിരുന്നു ഞാൻ ഫോൺ എടുത്തില്ല. നീ കാര്യം പറ ചുമ്മാ ടെൻഷൻ ആകല്ലേ"

" ആ നാറി പ്രിൻസിപ്പൽ നിന്നെ തിരക്കി. എൻ്റെ കയ്യിൽ നിന്ന് നിൻ്റെ നമ്പർ വാങ്ങിയിട്ടുണ്ട്. എന്തിനുള്ള പുറപ്പാടാനോ എന്തോ. നീ എന്തായാലും സൂക്ഷിച്ചോ. പൈസ വേഗം സെറ്റ് ആകാൻ നോക്ക്"

" ൻ്റെ കൃഷ്ണാ .. എനിക്ക് ഒരു വഴിയും ഇല്ലടി അത്രേം പൈസ ഉണ്ടാക്കാൻ."

Earpod വച്ചിരുന്നതിനാൽ കാശി അവളുടെ സംസാരം ഒന്നും കേട്ടില്ല. ഇന്നലെ മുതൽ നടന്ന എല്ലാ കാര്യവും അണുവിട തെറ്റാതെ അവൾ ഗൗരിയെ അറിയിച്ചു.

" അത് ശെരി ഒരു ദിവസം കൊണ്ട് ഇത്രയും ഒക്കെ സംഭവിച്ചോ. എന്നാലും സ്വപ്നം ഒക്കെ കണ്ടപോലെ നടക്കുമോ? എനിക്ക് വിശ്വസിക്കാൻ പറ്റുന്നില്ല. അതുപോലെ കല്യാണത്തിന് വരാൻ പറ്റില്ല അല്ലേ. സാരമില്ല രണ്ടിനെയും ഞാൻ പിന്നെ കണ്ടോളാം. അവിടെ ഉണ്ടോ ആൾ?"

"ലാപ്ടോപ്പിൽ എന്തോ പണി ചെയ്യുവാ. "

" പുതിയ ആളെ കിട്ടിയ സ്ഥിതിക്ക് എനിക്ക് കുറച്ച് റെസ്റ്റ് ആവലോ അല്ലെ? "

" അതൊന്നും പറ്റില്ല എനിക്ക് വിശ്വാസം ഇല്ല 2 ആളല്ലേ ഉള്ളൂ ഇപ്പോ മൂന്ന്. അതുകൊണ്ട് നിനക്ക് റെസ്റ്റ് ഒന്നുമില്ല. "

" അതൊക്കെ പോട്ടെ തൽക്കാലം അയാളോട് കുറച്ച് പൈസ ചോദിച്ച് നോക്ക്"

" ആരോട് ദേവേട്ടനോടോ? "

" ഹാ അത് തന്നെ നിൻ്റെ കോവേട്ടനോട്. പ്രേമിച്ച് തുടങ്ങിയപ്പോഴേ അവൾ തുടങ്ങി. നിന്നെ എന്താ വിളിക്കാർ മോളെന്നോ? "

" പൊടി