Chapter Title : ചേച്ചിയുടെ ശിക്ഷണത്തിൽ [കുക്കു]

ഞാൻ ഒന്നും പറഞ്ഞില്ല . "

" ആ ഒന്നും പറയാനും നിക്കണ്ട "

"നിങ്ങൾ എപ്പഴാ ഇനി അത്താഴം കഴിക്കുന്നത് ? "

" അതൊക്കെ കഴിച്ചോളാം . അമ്മ പോയി കിടക്കാൻ നോക്ക് . രാത്രിത്തെ കാല് നൊമ്പരത്തിൻ്റെ ഗുളിക ആ മേശപ്പുറത്ത് എടുത്ത് വെച്ചിട്ടുണ്ട് "

ഞാൻ ചേച്ചിയുടെ മുന്നിൽ ഇതൊക്കെ കേട്ട് അടുത്ത അടി കിട്ടുന്നതും കാത്ത് വിറച്ച് വിറച്ച് ഇരിക്കും .

നാരായണാ ....

ഒന്ന് നെടുവീർപ്പിട്ടുക്കൊണ്ട് അമ്മ അമ്മയുടെ റൂമിൽ കയറി വാതിലടക്കും .

പിന്നെ രാത്രി ഒൻപതേ മുക്കാലിലേക്ക് സൂചി എത്തിയാലെ എനിക്ക് ചേച്ചിയിൽ നിന്ന് ഒരു മോചനം ഉണ്ടായിരുന്നുള്ളൂ .

" ആ മതി പഠിച്ചത് . നീയൊക്കെ വെളുക്കും വരെ ഇരുന്നാലും ഉറക്കം കളയാന്ന് മാത്രം മിച്ചം . നിന്നെയൊക്കെ പഠിക്കാൻ വിടാതെ ജോലിക്ക് വിടണം . എന്നാലെ മോൻ ബുദ്ധിമുട്ടെന്താന്ന് അറിയൂ . എന്നെ പറഞ്ഞാൽ മതിയല്ലോ "

ചേച്ചിയുടെ സ്ഥിരം ക്രിഞ്ചൻ ഡയലോഗ് കേട്ട് ഞാൻ കണ്ണ് ചിമ്മാതെ ആ മുഖത്തേക്ക് നോക്കി ഭയന്ന് ഇരിക്കും .

" മിഴിച്ചിരുന്ന് ഉറക്കം തൂങ്ങാതെ പോയി കൈ കഴുകി വാ ചെറുക്കാ "

ഞാൻ മെല്ലെ ബാഗെല്ലാം കറക്ട് ചെയ്ത് മേശക്ക് മുകളിൽ വെച്ച ശേഷം കൈ കഴുകി അടുക്കളയിലെ ബഞ്ചിൽ ചെന്ന് ഉണ്ണാനിരിക്കും .

ചേച്ചി ചോറും കറിയുമായി വന്ന് എനിക്ക് വിളമ്പി തന്ന ശേഷം എൻ്റെ അടുത്ത് ബെഞ്ചിൽ ഉണ്ണാനിരിക്കും .

സത്യം പറഞ്ഞാൽ തീൻ മേശയിൽ ആഹാരം കഴിക്കാൻ ഇരിക്കുമ്പോൾ പോലും ചേച്ചി അടുത്തിരിക്കുന്ന കാരണം എനിക്ക് ആസ്വദിച്ച് ഭക്ഷണം കഴിക്കാൻ വരെ സാധിക്കാറില്ല .

നമുക്ക് ഒരാളെ പേടിയുണ്ടെങ്കിൽ അയാളുടെ സാനിധ്യം പോലും നമ്മളിൽ അരോചകം ഉണ്ടാക്കും .

പ്ലേറ്റിൽ ചോറോ കറിയോ ബാക്കി വെക്കാൻ പാടില്ല .

ഭക്ഷണം ചവച്ചരച്ച് സാവധാനം കഴിക്കണം .

ഒരു വറ്റ് പോലും താഴെ കളയാൻ പാടില്ല .

ഇതിൽ ഏതെങ്കിലും ഒന്ന് സംഭവിച്ചാൽ ചേച്ചിയുടെ നീട്ടി വളർത്തിയ നഖം കൊണ്ട്