Chapter Title : ഡെലിവറി ബോയ് ഡയറി 7 [സാഹിൽ]

“ഇതൊക്കെ ആരെങ്കിലും അറിഞ്ഞാലോ?”

“ആരുമറിയില്ല അമ്മേ. പേടിക്കണ്ട.”

“അറിഞ്ഞില്ലെങ്കിൽ നിനക്ക് കൊള്ളാം. അവളുടെ ഓരോ തമാശകൾ…” അലീന പിറുപിറുത്തു.

അത്രയും പറഞ്ഞ് അവൾ അവിടെ നിന്ന് എഴുന്നേറ്റ് പോയി.

അലീനയുടെ മുഖഭാവം കണ്ടപ്പോൾ മരിയക്ക് ചെറിയൊരു ആശ്വാസം തോന്നി.

നേരിട്ട് ‘ഞങ്ങൾ വീണ്ടും സംസാരിച്ചോട്ടെ’ എന്നോ ‘അവനെ വീണ്ടും കാണട്ടെ’ എന്നോ ചോദിക്കാൻ അവൾക്ക് ധൈര്യമുണ്ടായിരുന്നില്ല.

എന്നാലും ഒരു കാര്യം അവൾ നേടിയിരുന്നു.

അമ്മയോട് സാഹിലിനെക്കുറിച്ച് വീണ്ടും സംസാരിക്കാൻ അവൾക്ക് കഴിഞ്ഞു. അവരുടെ ബന്ധം അത്ര serious ആയിരുന്നില്ലെന്നും, അതിൽ വലിയ പ്രശ്നമൊന്നുമില്ലെന്നുമുള്ള സൂചന അമ്മയ്ക്ക് നൽകി.

അതിൽ കൂടുതൽ ഇപ്പോൾ വേണ്ടെന്ന് അവൾ തീരുമാനിച്ചു.

ബാക്കി കാര്യങ്ങൾ പതിയെ നടക്കട്ടെ.

എന്തായാലും, അമ്മ മുമ്പത്തെ പോലെ ശക്തമായി എതിർക്കുന്നില്ലെന്ന് തോന്നിയത് മരിയക്ക് വലിയൊരു ആശ്വാസമായിരുന്നു.

“ഭാഗ്യം…” അവൾ മനസ്സിൽ പറഞ്ഞു.

അതിനൊപ്പം തന്നെ സാഹിലിന്റെ മുഖം വീണ്ടും അവളുടെ മനസ്സിലേക്ക് വന്നു.

അറിയാതെ തന്നെ അവളുടെ ചുണ്ടിൽ ഒരു ചെറിയ പുഞ്ചിരി വിരിഞ്ഞു….

മരിയയോട് ഇടയ്ക്കിടെ order ചെയ്യാൻ പറയുന്നത് അലീനയുടെ പതിവായി മാറി. അതിന്റെ ഫലമായി സാഹിലും മരിയയും ദിവസവും കുറച്ചുനേരമെങ്കിലും കാണാൻ തുടങ്ങി.

ആ ചെറിയ കൂടിക്കാഴ്ചകൾ തന്നെ ഇരുവർക്കും വലിയ സന്തോഷമായിരുന്നു.

അങ്ങനെ മൂന്ന് ദിവസങ്ങൾ കടന്നുപോയി.

നാലാം ദിവസം സാഹിലിന്റെ ഫോൺ റിംഗ് ചെയ്തു.

സ്ക്രീനിൽ തെളിഞ്ഞ പേര് കണ്ടപ്പോൾ അവൻ ചിരിച്ചു.

“ആന്റി , എന്തുണ്ട് വിശേഷം?”

“നീ അവളെ കണ്ടിട്ട് പോകും. എന്നെ ഒന്ന് അന്വേഷിക്കാനെങ്കിലും തോന്നില്ലല്ലോ.”

“അതിന് ആന്റി ഒന്ന് പുറത്തേക്ക് വരണ്ടേ? ഞാൻ വന്നാൽ എപ്പോഴും അന്വേഷിക്കാറുണ്ട്.”

“നിന്റെ സംസാരമൊക്കെ കൊള്ളാം,” അലീന ചിരിച്ചു. “അതൊക്കെ വിട്. വേറെ ഒരു കാര്യം പറയാനാണ് വിളിച്ചത്.”

“എന്താ?”

“ഞാൻ നാളെ എന്റെ അമ്മാവന്റെ വീട്ടിലേക്ക് പോകും. തിരിച്ചു വരാൻ വൈകും. നീ