ദേവാൻഷ് 4

Devansh Part 4 | Author : Mahi

[ Previous Part ] [ www.kkstories.com]

"മൈര്........"

ഇന്ദ്രൻ ദേഷ്യത്തിൽ അലറിവിളിച്ചുകൊണ്ട് ടേബിളിൽ കറങ്ങിക്കൊണ്ടിരുന്ന ഫാൻ എടുത്തുയർത്തി ചുമരിൽ അടിച്ചു... അത് പലതായി പൊളിഞ്ഞുവീണു

"എന്താണ് ഡ്യൂഡേ പ്രശ്നം...."
നിലത്തിരുന്ന അപ്പെക്സ് എന്ന് പേരുള്ള ഒരുവൻ ക്ഷീണിച്ച മുഖം ഉയർത്തി ചോദിച്ചു....കറുത്തിട്ട് നീണ്ടുമെലിഞ്ഞ ഒരുവനായിരുന്നു അപ്പെക്സ്...

"ആ മൈരൻ.....എന്റെ മുഖത്തിട്ട് ചാമ്പിയ ആ തായോളി, ദക്ഷകിനെ പണ്ണിവിട്ടെന്ന്..."

"ഏത് നിന്റെ കോളേജിലെ...."

"വോ... അവനെ തന്നെ....."
ഇന്ദ്രൻ കൈയിലിരുന്ന ചുരുട്ട് വായിൽ വച്ചമർത്തി പുക ഉള്ളിലേക്ക് വലിച്ചു, ദേഷ്യത്തോടെ മുറിയുടെ തെക്കും വടക്കും നടന്നു

"നീ ഇങ്ങനെ ടെൻഷൻ ആകാതെ ഡ്യൂടെ....."

"ടെൻഷനോ.... ആ പന്നിയെ എനിക്ക് കൊല്ലണം.... അവളുടെ മുന്നിലിട്ട്.... അത്രയും പിള്ളേരുടെ മുമ്പിലിട്ടാ അവനെന്നെ ഇടിച്ചത്....."

"ഹാ... ഈ അപ്പെക്സ് അല്ലെ പറയണേ.... നമുക്ക് അവനെ തൂക്കാം....."
സിഗററ്റിന്റെ ഉപയോഗം കാരണം കറപിടിച്ച പല്ലുകൾ കാട്ടി അവൻ ചിരിച്ചു....
"നമുക്ക് അവനെ തൂക്കാം ഡ്യൂടെ...."
.
.
.
.
ശനിയും ഞായറുമായി രണ്ടുദിവസങ്ങൾകൂടെ കഴിഞ്ഞു, മറ്റൊരു തിങ്കളാഴ്ച ഉണർന്നു....തികച്ചും സ്വാഭാവികമായൊരു ക്യാമ്പസ്‌ ദിനം...

... മനുവും ആൽവിനും അന്നത്തെ assignment നുള്ള തയ്യാറെടുപ്പിലാണ്.... പേന കൈവിരലുകൾക്ക് ചുറ്റുമിട്ട് കറക്കി കളിച്ചുകൊണ്ട് അൻഷ് ചുവരിൽ ചാരിയിരുന്നു... അവന് ബോറടിച്ചു.... ആരെയെങ്കിലും പിടിച്ച് ഇടിക്കാൻ കൈ തരിച്ചതും അൻഷ് മടുപ്പോടെ ക്ലാസ്സ്‌ മുറിയിലാകെ കണ്ണോടിച്ചു....അഭിരാമിയുടെ ഒപ്പം ക്ലാസ്സിലേക്ക് കയറി വരുന്ന ദക്ഷായണിയെ കണ്ടതും അവന്റെ മുഖം സൂര്യകിരണം പതിഞ്ഞതുപോലെ തെളിഞ്ഞ....ദേവതയെ മുന്നിൽ കണ്ടതുപോലെ അവൻ എഴുന്നേറ്റു....

പ്രാവിന്റെ നിറത്തിലെ പഫ് സ്ലീവ് ഇന്നർ ടോപ്പും, മുട്ടോളം ഇറക്കമുള്ള ഒരു ലെയേർഡ് ഫ്ലോറൽ സ്ലിപ് ഡ്രസ്സും ആയിരുന്നു അവളുടെ വേഷം...ചിത്രകാരൻ വെണ്ണയിൽ നിന്ന് കടഞ്ഞെടുത്ത നിറംകൊണ്ട് വരഞ്ഞതുപോലെയുള്ള അവളുടെ കാലുകളുടെ അഴകിൽ അൻഷിന്റെ കണ്ണുകൾ തങ്ങി നിന്നു....ഏകദേശം അവൾക്കും ദേവാൻഷിന്റെ അതേ നിറമായിരുന്നു

"ദേ നിന്നെ നോക്കുന്നു..."
അൻഷിന്റെ നോട്ടം കണ്ട് അഭിരാമി ദക്ഷയുടെ ചെവിയിൽ പതിയെ പറഞ്ഞു....ദക്ഷ അവനെ നോക്കി കണ്ണുരുട്ടി

"എന്താടാ... നീ ഡൽഹിയിൽ പെണ്ണുങ്ങളെ കണ്ടിട്ടില്ലേ....."
അൻഷിന്റെ മുന്നിൽ ദക്ഷ കൈകെട്ടി നിന്നു.... ശബ്ദം കേട്ട് മനുവും ആൽവിനും മുഖം ഉയർത്തി, ദക്ഷയെ കണ്ടതും ഇരുവരും വേഗം മുഖം താഴ്ത്തി...

"കണ്ടിട്ടുണ്ട്.... എങ്കിലും ഇത്രയും വൈഫു മെറ്റീരിയലായ ഒരാളെ കണ്ടിട്ടില്ല...."

അൻഷ് പറഞ്ഞു നിർത്തിയതും ദക്ഷയുടെ വലതുകൈ അവന്റെ കവിളിൽ പതിഞ്ഞു... അഭിരാമി ഒരുനിമിഷം പകച്ചുപോയി.... മനുവും ആൽവിനും മുഖമൊന്ന് ഉയർത്തി അൻഷിനെ നോക്കി , അവന്റെ മുഖത്ത് ചിരിയാണെന്ന് കണ്ട് അവർ വീണ്ടും തങ്ങളുടെ ജോലിയിൽ മുഴുകി.... ക്ലാസ്സിലുള്ള വിദ്യാർത്ഥികളുടെയെല്ലാം ശ്രദ്ധ അവരുടേമേലെ പതിഞ്ഞു... കോളേജിനെ മുഴുവൻ വിറപ്പിച്ചു നടന്ന ഒരുവനെ നിമിഷ നേരം കൊണ്ട് നിലത്തെടുത്ത് അടിച്ച ദേവാൻഷിനെയാണ് ദക്ഷ കൈവച്ചത്

"Damn sweet...."
അവൻ അടികിട്ടിയ കവിളിന്റെ ഉൾഭാഗത്ത് നാവുകൊണ്ട് തഴുകി....

"അൻഷിന്റെ മേലെ കൈവെച്ച രണ്ടാമത്തെ പെണ്ണിനുള്ള പട്ടം നിന്റെ തലയിൽ