Chapter Title : ഏദൻ തോട്ടത്തിന്റെ കാവൽക്കാരൻ 12 [സഞ്ജു സേന]

ഞാൻ ഓർക്കുന്നില്ല ,..എന്നിട്ടു അവരെവിടെ ?''

'' കള്ളൻ , ഓർക്കാത്തതല്ല ,കുറച്ചു ഡിമാൻഡ് ഇട്ടതാണെന്നു മനസ്സിലായി ,അത് പോട്ടെ .. ,ദാ അവിടെ ഇരിപ്പുണ്ട് , ,വാ രണ്ടും ആകെ ത്രില്ലടിച്ചു ഇരിക്കുകയാണ് .'''

'' പോ പെണ്ണെ ,കാണലൊക്കെ പിന്നെയാകാം ,ഇപ്പൊ എനിക്ക് വേറെ കുറച്ചു കാര്യങ്ങളുണ്ട്..''

''ചേട്ടാ ഇനിയും ഷോ കാണിക്കല്ലേ , ദേ രാവിലെ മുതല് സുലുവിന്റെ ഉമ്മച്ചി വിളിച്ചു കൊണ്ടിരിക്കുന്നതാ ,അവസാനം മടുത്തിട്ടാ പാവം ഇങ്ങോട്ട് വന്നത്.ഇവിടെ വന്നു .എന്നെയും കൂട്ടി തറവാട്ടിലേക്ക് വരാനായിരുന്നു പ്ലാൻ..അന്നേരം ഞാനാ പറഞ്ഞത് രാവിലെ മുതല് ആളെ എനിക്ക് കൂടി കാണാൻ കിട്ടിയിട്ടില്ലെന്ന്..പറഞ്ഞു തീർന്നില്ല അതിനു മുന്നേ സുലുവാ പറഞ്ഞത് ദേ അതല്ലേ നിന്‍റെ ചേട്ടനെന്നു..,എന്നാലും അവളെ സമ്മതിക്കണം ഒറ്റനോട്ടത്തിൽ തിരിച്ചറിഞ്ഞില്ലേ ?..''

പറയുന്നതിനൊപ്പം മാളു എന്നെ പിടിച്ചു വലിച്ചു കൊണ്ട് പോകാൻ നോക്കുകയാണ് ,ചുറ്റും നോക്കി ആരെങ്കിലും കാണുന്നുണ്ടോന്നു ,

''പെണ്ണെ ..കൈ വിട് ആള് കാണും ..''

''കണ്ടോട്ടെ, അതിനെന്താ ,പിന്നെ ആരു കണ്ടില്ലെങ്കിലും സുലു കാണണം ,അതെന്റെയൊരു വാശിയാ ..''

'' മാളു നീ.. .....''

''ചേട്ടനൊന്നു പേടിക്കാതിരി ,.. പെട്ടെന്ന് ഒന്ന് കണ്ടു പരിചയപ്പെട്ടാൽ മതി ,ബാക്കിയൊക്കെ നിങ്ങൾ ഫോണിലൂടെയും ,നേരിട്ടുമായിക്കോ ..''

അത്യാവശ്യം വലിയൊരു ക്യാബിനിലേക്കാണ് അവളെന്നെ വലിച്ചു കൊണ്ട് പോയത്...വി ഐ പി കസ്റ്റമേഴ്‌സ് നു വേണ്ടിയുള്ള ഇടമാണെന്ന്‌ തോന്നുന്നു ..ഭംഗിയായി സജ്ജീകരിച്ചിരിക്കുന്ന ടേബിളും , രാജകീയമായ കസേരകളുമൊക്കെ അതിന്റെ തെളിവാണ് ..

'' ഇവിടെയിരിക്ക് ആളെ ഞാൻ ഇങ്ങോട്ട് പറഞ്ഞു വിടാം, പിന്നെയൊരു കാര്യം, പോകുന്നേനു മുന്നേ അവരുടെ മുന്നിൽ വച്ചു എന്നെ ചേർത്തു പിടിച്ചു ഒരുമ്മ തന്നേക്കണം, ചുമ്മാ സുലുവിനെ ഒന്ന് കൊതിപ്പിക്കാനാ..''

'' ഡി.. '''

കേൾക്കാൻ നിൽക്കാതെ മാളു അവരെ വിളിക്കാനായി ഓടി,.. ശേ.. ഈ പെണ്ണിതു ആളെ കുഴപ്പത്തിലാക്കുമെന്ന തോന്നുന്നത്.. ഒരു പാട് കാര്യങ്ങൾ ചെയ്തു തീർക്കാൻ കിടക്കുമ്പോൾ പെട്ടുപോയല്ലോ ഒന്ന് കൂടി ആ ക്യാബിൻ മൊത്തമൊന്നു നോക്കി, ഭാഗ്യം സി സി ക്യാമെറകൾ ഉള്ളതിന്റെ ലക്ഷണമൊന്നും കാണുന്നില്ല ,