Chapter Title : ഏദൻ തോട്ടത്തിന്റെ കാവൽക്കാരൻ 9 [സഞ്ജു സേന]

നാടുവിട്ടു വേറെ എവിടേക്കെങ്കിലും ...പക്ഷെ പുതിയ നാട്ടിൽ എങ്ങനെ ജീവിതം മുന്നോട്ടു പോകും ,മുന്നിൽ തെളിഞ്ഞത് ദേവമ്മയുടെ മുഖമാണ് , വിളിച്ചു കാര്യം പറഞ്ഞപ്പോൾ ദേവമ്മ എന്നെ കാണാൻ വന്നു ,അരുണുമായി സംസാരിച്ചു പിണക്കം മാറ്റാതെ എവിടെ പോയാലും സ്വസ്ഥമായി ജീവിക്കാൻ പറ്റില്ലെന്ന് പറഞ്ഞു കുറെ നിർബന്ധിച്ചപ്പോൾ ഞാനവരുടെ കൂടെ കാറിൽ കയറി ,നേരെ കമ്പനിയിലേക്കാണ് പോയത്... ഇത് വരെയുള്ള കണക്കും ആനുകൂല്യങ്ങളും നോക്കി കൂടെ അവരുടെ സമ്മാനമായി ഒരു തുകയും ചേർത്ത് 10 ലക്ഷം രൂപ തന്നു .പിന്നെ അവനെ കാണാനുള്ള കാത്തിരിപ്പായി ,ഒടുവിൽ അവനെത്തി .... പൊയ്ക്കോ....പക്ഷെ പോകും മുന്നേ ഒരിക്കൽ കൂടി ഒന്ന് കൂടണമെന്നായി അവനു ,...സമ്മതിച്ചോളാൻ ദേവമ്മ ആംഗ്യം കാട്ടി...ഞാൻ തലയാട്ടിയതോടെ എന്നെ പൊക്കിയെടുത്തവൻ കാറിലേക്കിട്ടു ....''

സ്മിത ഒരു പെഗ്ഗ് കൂടി ഒഴിച്ച് വെള്ളം ചേർക്കാതെ വലിച്ചു ...

ഞങ്ങളുടെ സ്ഥിരം താവളത്തിലേക്ക് തന്നെയായിരുന്നു കാർ പോയത് ,നേരെ അവന്‍റെ വീട്ടിലേക്ക് ,പഴയ പ്രണയ പാരവശ്യത്തോടെ അവനെന്നെ വാരിപുണർന്നു ,ചുംബിച്ചപ്പോൾ ഞാനെല്ലാം മറന്നു , എനിക്കറിയാമായിരുന്നു അവനോടു ഏറ്റുമുട്ടി ഈ ലോകത്തു ജീവിക്കാൻ കഴിയില്ലെന്ന് ,സന്തോഷിപ്പിച്ചു നിർത്തി പോകാൻ കഴിഞ്ഞാൽ പിന്നെ എവിടെയെങ്കിലും ബാക്കിയുള്ള കാലം നല്ലൊരു അമ്മയായി ഭാര്യയായി എനിക്ക് ജീവിക്കാൻ കഴിയും ....അതോടെ ഞാൻ .പഴയ സ്മിതയായി അവനിലേക്ക് പടർന്നു കയറി .കൂടെ മദ്യം കൂടിയായപ്പോൾ , അരുണും പഴയ ആവേശത്തിലായിരുന്നു ,ആ ഭാവമാറ്റം എന്നെ കൂടുതൽ സന്തോഷവതിയാക്കി , ഒരിക്കൽ കൂടി ഞാനവനെ വിശ്വസിച്ചു..പോകും മുന്നേ എല്ലാവരുമായി ഒന്ന് കൂടിയിട്ട് പോകാമെന്നു പറഞ്ഞു സ്ഥിരം ടീമുകളെയും