Chapter Title : ഏലപ്പാറയിലെ നവദമ്പതികൾ 4 [ആശാൻ കുമാരൻ]

കിട്ടിയതാ....ചൂടുവെള്ളം വെക്കാനും ചോറിന്റെ പണിക്കും പുറത്തുള്ള അടുപ്പിൽ സെറ്റ് ആക്കാം....

റീന : ഞാനും അത് പറയണം എന്നു വെച്ചതാ..... ഗ്യാസ് മുതലാവില്ല....

രാജു : ഭക്ഷണം ആയോ....

റീന : ഇപ്പൊ ആവും....

8 മണിക്ക് മുന്നേ തന്നെ കഞ്ഞിയും ചമ്മന്തിയും പപ്പടവും ആയി റീന മേശയിൽ കൊണ്ട് വെച്ചു....

രാജു വന്നിരുന്നു അതിന്റെ ഒപ്പം തന്നെ റീനയും മാറിയിരുന്നു...

രാജു : എന്തായാലും പള്ളിയിൽ പോയതിന്റെ ഒരു സംതൃപ്തി മുഖത്തുണ്ട്...

കഞ്ഞി കോരി കുടിക്കുന്നതിനിടയിൽ രാജുവിനെ റീന നോക്കി...

റീന : അറിയില്ല... ഒന്ന് പ്രാർത്ഥിച്ചപ്പോൾ സമാധാനം... പക്ഷെ അതോടെ ദുഃഖം തീരില്ലല്ലോ...

രാജു : സമയം എടുക്കും....

റീന : സമയം എത്ര എടുത്താലും തീരുന്നതല്ല എന്റെ ദുഃഖവും.... പിന്നെ പകയും...

അത് പറയുമ്പോൾ റീനയുടെ മുഖം ചുമന്നിരുന്നു.... ഒരു പ്രത്യേക തരം തീക്ഷണതയും ആ കണ്ണുകളിൽ രാജു തിരിച്ചറിഞ്ഞു...

രാജു : നാളെ പാപ്പി വരും....

റീന : ആണോ...

രാജു : എപ്പോഴാ വരാ എന്നറിയില്ല... പക്ഷെ വരും.....

റീന : വിശേഷിച്ചു എന്തെങ്കിലും....

രാജു അതിനു ഉത്തരം പറഞ്ഞില്ല... പക്ഷെ എന്തോ ഉണ്ടെന്നാണ് രാജു തന്നെ നോക്കിയതിലൂടെ മനസ്സിലായത്...

രാജു : കഴിക്ക്...

റീന ചൂടി കഞ്ഞി കോരി കുടിച്ചു....ഒപ്പം രാജുവും...

അത്താഴം കഴിഞ്ഞു ബാക്കിയുള്ള പണികളൊക്കെ റീന തീർത്തു വെച്ചു.... രാജുവിന്റെ അലക്കിയ വസ്ത്രങ്ങൾ റീന അവന്റെ മുറിയിൽ കൊണ്ട് വെച്ചു...

രാജു ഉമ്മറത്തു കസേരയിലിരുന്നു എന്തോ കാര്യമായി ആലോചിക്കുകയായിരുന്നു...

റീനയും ഉമ്മറത്തു വന്നു... മേരിയുടെ വീട്ടിൽ നിന്നു കുട്ടികളെ പഠിപ്പിക്കുന്ന ശബ്ദം റീന കേട്ടു ചിരിച്ചു...

റീന : മഹാ വികൃതികളാ രണ്ടു പേരും...

രാജു : ങേ...

രാജു അപ്പോഴാണ് റീനയെ ശ്രദ്ധിച്ചത്

റീന : മേരി ചേച്ചിയുടെ പിള്ളേരെ...

രാജു : ആഹ്....

രാജു ചിരിച്ചു....

റീന : എന്തിനാ ഈ തണുപ്പത് ഇരിക്കുന്നത്... കിടക്കുന്നില്ലേ

രാജു : ഇത്ര നേരത്തെയൊന്നും കിടന്നു ശീലമില്ല....ഇനി ഞാൻ കിടന്നാലും ഉറക്കം വരില്ല...

റീന : ശരിയാ...