Chapter Title : എന്റെ ഡോക്ടറൂട്ടി 29 [അർജ്ജുൻ ദേവ്]

ഒരുകണക്കിനു നന്നായി... ഞാൻ വിചാരിച്ചിരുന്നേ സിദ്ധുവൊരു മൊരടനാന്നാ... ഇങ്ങനെ ചിരിച്ചുകളിച്ചു ഞങ്ങളിതുവരെ കണ്ടിട്ടില്ലല്ലോ..!!"""_ അതിനിടയിൽ ഏതോ അയൽക്കൂട്ടം ചേച്ചിയുടെ കമന്റുകൂടിയായപ്പോൾ ഞാനൊന്നു സ്റ്റക്കായി... ഈശ്വരാ... എന്റെ മാസ്ഇമേജ്..??

""...അതു ചേച്ചി പറഞ്ഞതുശെരിയാ... കീർത്തൂമ്പറഞ്ഞത് സിദ്ധു ഭയങ്കര റഫ് ആൻഡ് ടഫാന്നാ... ഇത്രേം സിമ്പിളാന്നു കരുതിയേയില്ല..!!"""_ ആ ചേച്ചിപറഞ്ഞത് ഏറ്റുപിടിച്ചുകൊണ്ട് ശ്രുതിചേച്ചിയും പറഞ്ഞു...

...ഏഹ്.! അപ്പൊ നാട്ടിലുമുഴുവൻ ഞാനൊരു ദുരന്തനായ്രുന്നോ ഇത്രേംനാൾ..??

""...ഏയ്... അതുനിങ്ങൾക്കു സിത്തൂനെ അടുത്തറിയാഞ്ഞിട്ടാ... ഇവൻ ഭയങ്കര ജോളിയാ... പക്ഷേ എല്ലാരോടൊന്നുമില്ലാട്ടോ... അവന്റെ വൈബിനുപറ്റിയ കൂട്ടുകിട്ടണം... നമ്മളിടുക്കീലൊക്കെ ചെന്നപ്പോ എന്നാ അടിച്ചുപൊളിയായ്രുന്നൂന്നോ..??"""_ സകല ചിന്തകളെയും അടിച്ചു പറപ്പിച്ചുകൊണ്ടുള്ള മീനാക്ഷിയുടെ വാക്കുകൾ...

...കോപ്പ്.! ഇവൾക്കിതിപ്പോൾ എന്നാത്തിന്റെ കേടാ..?? എന്നഭാവത്തിൽ ഞാനവളെ നോക്കുമ്പോൾ ബാക്കിയെല്ലാരും എന്നെയാക്കിയമട്ടിൽ അളിഞ്ഞചിരി ചിരിയ്ക്കുവാ...

""...അതുപിന്നെ ഇടുക്കീലെ അമ്മാതിരി തണുപ്പിൽ ആരായാലും അടിച്ചുപൊളിച്ചുപോവും... എന്നുവെച്ച് ഇവനെപ്പോഴും ജോളിയാന്നൊക്കെ പറയാൻപറ്റോ..??"""_ എന്റെ നെറുകംതലയ്ക്കിട്ട് ശ്രീ കൊട്ടിത്തന്നപ്പോൾ അമ്മയും ചെറിയമ്മയുമെന്നുവേണ്ട ഇപ്പൊക്കേറിവന്ന കീത്തൂന്റെ കൂട്ടുകാരികൾവരെ തലയറിഞ്ഞു ചിരിയ്ക്കാൻ തുടങ്ങി...

...എനിയ്ക്കാണേൽ സാമ്പാറുകലത്തിലെടുത്തുചാടി ആത്മഹത്യ ചെയ്താലോന്നുപോലും ഒരുനിമിഷം തോന്നാതിരുന്നില്ല... ശേഷം കലിപ്പിച്ച് മീനാക്ഷിയുടെ മുഖത്തേയ്ക്കു നോക്കുമ്പോൾ ആകെ അക്കിടിപറ്റിയ ഭാവത്തിൽ നിൽക്കുവാ മാഡം... എന്നെനോക്കി സോറിയെന്നു കണ്ണുകൾചെറുതാക്കി പറഞ്ഞപ്പോൾ ഞാനും ചിരിച്ചുപോയി...

""...അതുവിട്... ഇപ്പെന്തായാലും ഞങ്ങളൊക്കെ വന്നില്ലേ... ഇനിയിങ്ങനെ ജോളിയായ്ട്ട് നിന്നാമതി കേട്ടോ..!!"""_ ശ്രുതിചേച്ചി വീണ്ടുമിടപെട്ടു...

""...ഏയ്‌.! അങ്ങനെപ്പോഴും ജോളിയായ്ട്ട് നിൽക്കാനൊന്നും പറ്റൂല... അതിന് മീനു ബാറ്ററിമാറ്റണം... അല്ലെങ്കിൽ ട്രിപ്പ് പോണം.. അല്ലേടാ സിത്തൂ..??"""_ കൊണ്ടുവന്ന കവറിൽനിന്നും കപ്പയെടുത്ത് നിലയ്ക്കിട്ടുകൊണ്ട് മാമനങ്ങനെ പറഞ്ഞപ്പോൾ വീണ്ടുമതൊരു കൂട്ടച്ചിരിയിൽ കലാശിച്ചു...

...ഇതിപ്പോൾ പണ്ട് കോമഡിസ്റ്റാർസിലൊക്കെ കാണാൻവരുന്നവരെക്കൊണ്ട് പറഞ്ഞുചിരിപ്പിയ്ക്കുമ്പോലെ ആയല്ലോ...

""...ഓ.! ആയിക്കോട്ടെടേ... എന്റെ ബാറ്ററി മീനൂന്റെ കയ്യിൽത്തന്നാ... എന്നാ നിങ്ങടെ ബാറ്ററികിട്ടാൻ തെക്കേലെ ശാന്തേടെ കട്ടിലന്റടീത്തപ്പണ്ടേ..??"""_ ഞാൻചോദിച്ചതും,

""...ഇപ്പോളതു കിട്ടണോങ്കിൽ നോട്ടീസുമടിച്ച് പഞ്ചായത്തുമുഴുവൻ തപ്പിനടക്കണം..!!"""_ എന്നായ്രുന്നു ശ്രീക്കുട്ടന്റെ മറുപടി...

""...നിങ്ങളതുവിട്... എന്നിട്ടു ഞാമ്പറഞ്ഞതിനു മറുപടിപറ... ഇനി ഫുൾ ജോളിയായി നിൽക്കാൻ പറ്റുവോ സിദ്ധൂഭായ്ക്ക്..??"""_ ശ്രുതിചേച്ചി വിടാൻകൂട്ടാക്കാതെ ചോദിച്ചു...

""...അതിനിപ്പെന്താ..?? നമുക്കങ്ങട് ഫുൾ ജോളിയാക്കിയേക്കാല്ലോ... പക്ഷേ നിങ്ങളിവിടുന്ന് പോയേക്കരുതെന്നു മാത്രം..!!"""_ എന്നുംപറഞ്ഞ് ചിരിച്ചുകൊണ്ട് ഞാൻ ചെറിയൊരു ചീനചട്ടിയെടുത്തു കഴുകി അടുപ്പത്തേയ്ക്കുകേറ്റി... എന്നിട്ട് കുറച്ചുമഞ്ഞപ്പൊടിയും മുളകുപൊടിയും