Chapter Title : ?എന്റെ കൃഷ്ണ 08 ? [അതുലൻ ]

കുളിപ്പിച്ച് കുട്ടപ്പനാക്കി ഇട്ടിരിക്കുന്നു........ആശാന് അഞ്ഞൂറും, അപ്പുവിന് ഒരു നൂറും ചായക്കാശ് കൊടുത്തു... അത് പതിവാണ്....പിന്നെ നേരെ വീട്ടിലേക്ക് വിട്ടു..... ഒരു 2.30ആയപ്പോഴേക്കും  വീടെത്തി......ആരോക്കെയോ  വന്നിട്ടുണ്ടെന്ന് തോന്നുന്നു..... അകത്തേക്ക് ചെന്നപ്പോ എന്റെ മുറിയിൽ നിന്ന് പാട്ടൊക്കെ കേൾക്കുന്നുണ്ട്...... വാതിൽ പയ്യെ തുറന്ന് നോക്കിയപ്പോ അമ്മൂസും ജെസ്സിയും കട്ടിലിലിരുന്ന് വർത്താനം പറയുകയാണ്..... രണ്ടും കൂടി എന്റെ കമ്പ്യൂട്ടർ ഓണാക്കി സ്പീക്കറിൽ പാട്ടും  വെച്ച് തകർക്കുകയാണ്..... രണ്ടിനേം ഒന്ന് പേടിപ്പിക്കാമെന്ന് വിചാരിച്ച് ചെറുതായിട്ട് ഒച്ചയെടുത്ത് ചാടി  അകത്തേക്ക് കേറി ?...രണ്ടും ഒച്ചകേട്ട് പേടിച്ച് അലറിപ്പോയി ?..... രണ്ടും കിടന്ന് ഓടിയ കണ്ട് ഞാൻ ചിരിച്ചൊരു വഴിയായി........

'എന്താ അവിടെ......' അടുക്കളയിൽ നിന്ന് അമ്മ വിളിച്ചുചോദിക്കുന്നുണ്ട്. ഒന്നുല്ലമ്മേ.... ഞാൻ വിളിച്ചു പറഞ്ഞതും അമ്മ പിന്നൊന്നും ചോദിച്ചില്ല....... പിന്നെ രണ്ടും കൂടി തലയിണയെടുത്ത് എന്നെ അറ്റാക്ക് ചെയ്യാൻ തുടങ്ങിയതും ഞാൻ ചാടി കട്ടിലിലേക്ക് കമഴ്ന്നു  കിടന്നു...... രണ്ടുപേരിൽ ആരോ ഒരാൾ കൈ വെച്ചും നല്ല താങ്ങ് താങ്ങി.... ?.....തിരിഞ്ഞ് നോക്കാൻ പോയില്ല.....മുഖത്തിന്റെ ഷേപ്പ് മാറാൻ സാധ്യതയുണ്ട്....... 'എന്തുവാ പിളേളരെ മൂന്നും കൂടി കാട്ടുന്നെ....'ലിസ്സിയാന്റിയുടെ ഒച്ച കേട്ടപ്പോഴാണ് ഒരു റസ്റ്റ്‌ കിട്ടിയത്.... 'ദേ ഇവറ്റകൾ രണ്ടും കൂടിയ ആന്റി എന്നെ കൊല്ലുന്നേ 'ഞാൻ ഒന്നിനുമില്ലെന്ന പോലെ പറഞ്ഞൊഴിയാൻ നോക്കി... ഉവ്വാഡാ..... പെണ്ണ്കെട്ടാനായി.... എന്നിട്ടവൻ പിളേളര് കളിക്കണ്‌..... കൃഷ്ണമോൾക്ക് ഇത്തിരി കാര്യവിവരം ഉളളതുകൊണ്ട് കുഴപ്പമില്ലെന്ന് പറഞ്ഞ് ലിസിയാന്റി തിരികെ അടുക്കളയിലേക്ക് നടന്നതും ഞാൻ കണ്ണുമടച്ചു ഒറ്റ കിടപ്പായിരുന്നു...... എന്റേം കിച്ചൂന്റേം കാര്യം ഇനി ആരൊക്ക അറിഞ്ഞെന്നാവോ..... അമ്മൂസിന്റേം ജെസ്സിയുടെയും ചിരി കേട്ട് ഞാൻ ചെവി കൂടി പൊത്തിപിടിച്ചു..........