Chapter Title : ?Evil on earth✨ 5 [Jomon]

വന്നു

“ദേവ്…ദേവിക…അവൻ ദേവികയുടെ മകൻ ആണെങ്കിലും ഞാനാണ് അവന്റെ തന്തയെയും തള്ളയെയും കൊന്നതെന്ന് അവനറിയാൻ വഴിയില്ല…അറിഞ്ഞിരുന്നെങ്കിൽ അവന്റെ പെരുമാറ്റം ഇതുപോലെ ആകില്ലല്ലോ…?

സ്വയം ചോദിച്ചു കൊണ്ടയാൾ ചിരിച്ചു….

”അപ്പോൾ ഞാൻ പേടിക്കുന്നതെല്ലാം വെറുതെയാണ്….ആഹാഹാഹാ…..!

പൊട്ടിച്ചിരിച്ചുകൊണ്ടയാൾ കസേരയിൽ നിന്നെണീറ്റു…..

പെട്ടന്ന് ആണ് മൂർത്തി കതകു തുറന്നകത്തേക്ക് വന്നത്….അലസമായി പൊട്ടിച്ചിരിച്ചുകൊണ്ട് നിൽക്കുന്ന വിശ്വനാഥനെ അയാൾ സംശയത്തോടെ നോക്കി

“താൻ ഇങ്ങനെ നോക്കുകയൊന്നും വേണ്ട…എനിക്ക് വട്ടിളകിയിട്ടില്ല…!

മൂർത്തിയുടെ നോട്ടം കണ്ട വിശ്വൻ ചിരിയോടെ പറഞ്ഞു

”അല്ല തനിപ്പോ ഇറങ്ങി പോയതല്ലേ ഉള്ളു…“

”അതെ സർ…പക്ഷെ സാറ് പറഞ്ഞ കാര്യങ്ങൾ കിട്ടി….പതിനഞ്ചു മിനിറ്റ് പോലും വേണ്ടി വന്നില്ല ആ പയ്യന്റെ ഡീറ്റെയിൽസ് എടുക്കാൻ…“

”അതെന്താ…?

വിശ്വൻ കസേരയിലേക്ക് ഇരുന്നുകൊണ്ട് ചോദിച്ചു

“കാരണം അവനെക്കുറിച്ചു അധികമാർക്കും അറിയില്ല…ഡാനിയെലൂടെ രണ്ട് മക്കളിൽ മൂത്തവൻ ആണ്….ഇളയത് ഒരു പെണ്ണാ…തന്തേയെ പോലെ തന്നെ പടുത്തം കഴിഞ്ഞു ബിസിനസ്സിൽ സഹായിക്കാൻ ഇറങ്ങിയത…പക്ഷെ അധികവും അടിപിടിയിലെ അവസാനിക്കാറുള്ളു…അതുകൊണ്ട് തന്നെ കൊറച്ചു കാലമായി ആള് ബാംഗ്ലൂർ ആണ് താമസം….ഇടക്ക് ബിസിനസ് മീറ്റിങ് ഒക്കെ ആയി പുറത്തും പോകാറുണ്ട്….!

മൂർത്തി അയാൾക്ക് ലഭിച്ച വിവരങ്ങൾ വിശ്വനോട് പറഞ്ഞു…എന്നാൽ അയാൾക്ക് അതൊന്നും കേട്ടിട്ട് വല്യ പുതുമയൊന്നും തോന്നിയില്ല…

”ഡാനിയേലിന്റെ മകൻ ആണെന്നതിന് തെളിവ് വല്ലോം ഉണ്ടോടോ…?

പുച്ഛം നിറഞ്ഞൊരു ചിരിയോടെ വിശ്വൻ ചോദിച്ചു…

“സാറെന്താ അങ്ങനെ ചോദിച്ചേ..?

സംശയം നിറഞ്ഞ ദൃഷ്ടിയോടെ മൂർത്തി ചോദിച്ചു

”അത് ചോദിച്ചാലും ഇല്ലേലും അതിന്റെ ഉത്തരം എനിക്കറിയാം….രക്തം തന്റെ തന്നെ രക്തത്തെ തിരിച്ചറിയുമെന്ന….എന്റെയീ ഞരമ്പിലും ഹരിയുടെ ഞരമ്പിലുമോടുന്ന രക്തം ഒന്ന് തന്നെയാ….“

അയാൾ മുകളിലെ സീലിങ്ങിലേക്ക് നോക്കിക്കൊണ്ട് പറഞ്ഞു…മൂർത്തി ആകട്ടെ