Chapter Title : ഗൾഫിലെ മാലാഖമാർ 2 [Jon Snow]

ചിന്തകൾക്ക് ചൂടു പിടിച്ചു, ആ അനന്തു ഡോക്ടർ എന്ത് പാവമാ കാണാൻ അതി സുന്ദരനും എത്ര നാളായി ചേച്ചീടെ പുറകെ നടക്കുന്നു ഞാനാണേൽ കെട്ടി ഇപ്പോൾ മൂന്ന് പെറ്റേനെ , അന്നേരം നാട്ടിലെ ഭർത്താവിനെ ഓർത്തപ്പോൾ അവൾക്ക് അവളോട് തന്നെ വെറുപ്പ് തോന്നി. സ്നേഹ ഫ്ലാറ്റിലെ ലിഫ്റ്റിൽ കയറുമ്പൊ മനസ്സ് മുഴുവനും ഭാരമേറിയ ചിന്തകളായിരുന്നു.

അവൾ മെല്ലെ ലിഫ്റ്റിൽ നിന്നും ഇറങ്ങി റൂമിലേക്ക് നടക്കുമ്പോൾ നെഞ്ചിന് ഭാരമേറും പോലെ ജിജ്ഞാസ ഒരുതരം പേടിയിലേക്ക് വഴിമാറി ദേഹം വിയർത്ത് തണുക്കുന്നപോലെ. ഡോറിന് മുന്നിലെ ടെട്രാപാക്ക് പാലും അത്യാവശ്യ ഗ്രോസറി സാധനങ്ങളും കൈയ്യിലെടുത്ത് അവൾ പിറുപിറുത്തു.സാധാരണ ഈ സമയത്ത് സാധനങ്ങളൊക്കെ എടുത്ത് ആര്യ അടുക്കളയിൽ ആയിരിക്കും.

" ആര്യേച്ചി ഇതുവരെ എഴുന്നേറ്റില്ലെ , ഇത്രയും നേരം കിടന്നുറങ്ങുന്ന പതിവില്ലല്ലൊ. ആ പുതിയ ആളുകൾ വരുമ്പോ പുതിയ പുതിയ മാറ്റങ്ങൾ"

അവൾ മെല്ലെ കോളിംഗ് ബെല്ലമർത്തി, ഉള്ളിൽ നല്ലൊരു ടെൻഷൻ ഉണ്ടായിരുന്നു.

" ഛെ...... ഈ നശിച്ചബെല്ല് , അയാളിതുവരെ ശെരിയാക്കിയില്ലെ. "

ഫ്ലാറ്റിൻ്റെ ഓർണറേയും ചീത്തവിളിച്ച് അവൾ മെല്ലെ കതകിൽ തട്ടി വിളിച്ചു.

"ആര്യേച്ചി....... ആര്യേച്ചി....."

എന്തുകൊണ്ടോ അവളുടെ ശബ്ദം പുറത്തു വരാത്ത പോലെ അവൾക്ക് തോന്നി. മെല്ലെ ഹാൻഡിൽ തിരിച്ചതും ഡോർ തുറന്നു "കർത്താവേ ഡോർ പൂട്ടാതെയാണോ ഇന്നലെ കിടന്നെ"

അവൾ മെല്ലെ അകത്തു കയറി അടുക്കളയിൽ സാധനങ്ങളൊക്കെ വച്ച് പുറത്തിറങ്ങി, ഒരു നിമിഷം ആര്യയുടെ റൂമിലേക്ക് നോക്കി , പതുക്കെ അങ്ങോട്ടേക്ക് നടന്നു, കതക് ചാരിയിട്ടേ ഉള്ളൂ. അവൾ മെല്ലെ കതക് തുറന്നു. കട്ടിലിൽ നാല് കാലുകൾ