Chapter Title : ഗൗരി എന്ന സ്ത്രീയും ഞാനും [ഋഷി]

വീണ്ടും.

മനുഷ്യരോട് എടപെടുന്നതിൽ നല്ലൊരു എക്സ്പീരിയൻസായിരുന്നു മാഡം. ഞാൻ പറഞ്ഞു.

വെരി ഗുഡ്. ഈ മേഖലയിൽ മിക്കവാറും ആളുകളോട് ഇടപഴകേണ്ടി വരും.... ആ പിന്നെ?

ഇവിടത്തെ പ്രൊസീഡിയേർസിൽ ധാരാളം മാറ്റങ്ങൾ വരുത്തേണ്ട ആവശ്യമുണ്ട് മാഡം...

തീർച്ചയായും കാണും. പഴയ ചിട്ടിക്കമ്പനീടെ ഹാങ്ങോവറല്ലേ! ആ നിന്നെ വിളിച്ചത് വേറൊരു കാര്യം പറയാനാണ്. അടുത്ത വെള്ളിയാഴ്ച്ച നമ്മടെ ബാങ്കിൻ്റെ ആനുവൽ കോൺഫറൻസാണ്. ഇന്ത്യയിൽ മൊത്തം നമുക്ക് പതിനഞ്ചു സോണൽ ബ്രാഞ്ചുകളുണ്ട്. ഈ സോണിൽ നിന്നും എന്നെയാണ് സെലക്റ്റു ചെയ്തത്. ഇത് നിന്നോടെന്തിനാ പറയണേന്നല്ലേടാ ആലോചിക്കണത്? ( ദേ പിന്നേം എടാ പോടാന്ന്)

സത്യം പറഞ്ഞാൽ അതെ. ഞാൻ ചിരിച്ചു. ഒപ്പം ഗൗരിയമ്മയും.

കോൺഫറൻസ് കോഴിക്കോടാണ്. നമ്മുടെ ബാങ്കിന് മലബാർ മേഖലയിൽ ധാരാളം ബ്രാഞ്ചുകളുണ്ട്. എൻ്റെയൊപ്പം നീയും വരണം.

ഞാനന്തം വിട്ടുപോയി. ഞാനോ മാഡം!

ഗൗരിയമ്മ എണീറ്റ് എൻ്റെ വശത്തുള്ള കസേരയിൽ വന്നിരുന്നു. ഇപ്പോൾ ആ സ്ത്രീയുടെ മയക്കുന്ന ഗന്ധം മെല്ലെയെന്നെ പൊതിഞ്ഞുതുടങ്ങി.

കേശൂ! ബോസെൻ്റെ കസേരക്കയ്യിലിരുന്ന കരം കവർന്നു. ആ മടിയിലേക്കു വെച്ച് മെല്ലെത്തലോടി. ഞാനൊന്നു കിടുത്തുപോയി. ആഹ്... ആ വിരലുകളുടെ മാർദ്ദവം!

എനിക്ക് എന്താണവിടെ പ്രസൻ്റ് ചെയ്യണ്ടത് എന്നറിയില്ല. നമ്മുടെ സോണിനെയാണ് ഞാൻ റെപ്രസൻ്റു ചെയ്യണത്. എനിക്ക് നിൻ്റെ ഹെൽപ്പു വേണം.

എനിക്കെന്താണ് ചെയ്യാൻ പറ്റുക മാഡം? ഞാനിത്തിരി അമ്പരപ്പിലായി.

എടാ! ആ നീണ്ട വിരലുകൾ എൻ്റെ കൈപ്പത്തിയെ ഞെരിച്ചു. നീ വന്നതീപ്പിന്നെ ഈ ഡിപ്പാർട്ട്മെൻ്റിൽ കൊറേ മാറ്റം വന്നിട്ടുണ്ട്. ഇത് ഞാൻ ശ്രദ്ധിച്ചിട്ടുമുണ്ട്. നല്ല ഇംപ്രൂവ്മെൻ്റ്! കണ്ണഞ്ചിക്കുന്ന ഒരു പുഞ്ചിരി ഗൗരിയമ്മ എൻ്റെ നെഞ്ചിലേക്കെയ്തു! ഞാൻ മുറിവേറ്റവശനായിപ്പോയി!