Chapter Title : ജാതകം ചേരുമ്പോൾ 12 [കാവൽക്കാരൻ]

ഞങ്ങൾ എന്ന് വച്ചാൽ ഞാനും കല്ല്യാണിയും ദേവുചേച്ചിയും, നന്ദു ചേച്ചിയും പിന്നേ അരുണും..

ഈയിടെയായി ദേവൂചേച്ചിയെ കാണുമ്പോൾ അരുണിന് ഇളക്കം കൂടുതൽ ആണ്... 😤ചേച്ചിയും അരുണിനോട് ഇപ്പോൾ നല്ല കമ്പനിയാണ്..

പിന്നെ നന്ദുചേച്ചിയെ തിരിച്ചു കൊണ്ടുവന്ന ആൾ അല്ലേ ഒന്നും ചോദിക്കാൻ ഒന്നും പോയില്ല..

ബാക്കി ഉള്ളവർ എല്ലാവരും ആദ്യമേ പോയി...നേരം അൽപ്പം ഇരുട്ടി തുടങ്ങിയിരുന്നു...

കളിയും ചിരിയും തമാശയും ഒക്കെയായി ഓരോന്ന് പറഞ്ഞു കാട്ടിലൂടെ നടക്കുന്നതിനിടയിൽ നന്ദു ചേച്ചി ഒരു സ്ഥലമെത്തിയപ്പോൾ പൊടുന്നനെ നിന്നു ...

ഞങ്ങൾ ചേച്ചിയെ നോക്കുമ്പോൾ ചേച്ചി ഒരു ദിശയിലേക്കായി നോക്കികൊണ്ടിരിക്കുകയാണ്...

അവിടേ കുറച്ച് ദൂരത്തേക്ക് നോക്കിയപ്പോൾ ഞാൻ കാണുന്നത് ആ ആളാണക്കമില്ലാത്ത വീടാണ്... ഞാൻ സ്വപ്നം കണ്ട വീട്.. ചേച്ചിയേ ബോധമില്ലാതെ കിട്ടിയ വീട്....

അങ്ങോട്ട് നോക്കിയപ്പോൾ തന്നെ ദേഹമാസകലം ഒരു കുളിരു കോരി...

വല്ലാത്ത ഒരു നിശബ്ദത അനുഭവിക്കാൻ കഴിഞ്ഞു....

ആ ചെറിയ വീട് കാണുമ്പോൾ തന്നെയറിയാം... ഒരുപാട് വർഷമായി ആ വീട് ഇവിടേ സ്ഥിതി ചെയ്യുന്നുഎന്ന്.. എന്നിട്ട്പോലും അത്രയും വർഷത്തിന്റെ പഴക്കം ആ വീട്ടിൽ കാണുന്നില്ല.....

ചേച്ചി ആ കാഴ്ച്ചയിൽ മുഴുകി നിൽക്കുകയാണ്...

"നന്ദു... "

ദേവുചേച്ചി തട്ടിവിളിച്ചപ്പോളാണ് ചേച്ചി പരിസര ബോധം വീണ്ടെടുത്തത്...

"എന്താ അങ്ങോട്ട്... നോക്കുന്നേ.."

ദേവുചേച്ചി നന്ദുചേച്ചിയോടായി തിരക്കി...

"ഏയ് ഒന്നുല്ല ചേച്ചി... ഞാൻ വെറുതെ.. "

അതും പറഞ്ഞു നന്ദു ചേച്ചി വീണ്ടും നടക്കാൻ തുനിഞ്ഞതും ദേവുചേച്ചി നന്ദു ചേച്ചിയുടെ കയ്യിലായി കയറി പിടിച്ചു...

ദേവൂചേച്ചിയെ കണ്ടാൽ അറിയാം ചേച്ചി രണ്ടും കല്പിച്ചാണ് എന്ന്...

"നന്ദു.... "

"എന്താ ചേച്ചി.. "

"നിനക്ക് ഞങ്ങളോട് എന്തെങ്കിലും പറയാൻ ഉണ്ടോ... "

വളരെ ഉറച്ച ശബ്ദമായിരുന്നു ദേവൂചേച്ചിയുടേത്..

ചേച്ചിയെ കണ്ടാൽ അറിയാം ചേച്ചി കാര്യമറിയാതെ പിന്മാറില്ല എന്ന്...

അതും നന്ദു ചേച്ചിക്കും മനസ്സിലായി കാണണം...

"ചേച്ചി... അത്... "

ചേച്ചിയുടെ മറുപടിക്കായി ഞങ്ങൾ എല്ലാവരും കാതോർത്തു..

"മ്മ്... അന്ന്... "

"അന്ന് ഞാൻ നമ്മുടെ സിദ്ധുനെ സ്വപ്നത്തിൽ കണ്ടിരുന്നു...പക്ഷേ വെറുമൊരു സ്വപ്നമായിരുന്നില്ല അത്.."

"പിന്നേ... "

"അന്ന് ഞാൻ ഒരു സ്വപ്നം കണ്ടിരുന്നു എന്ന്