Chapter Title : ജാതകം ചേരുമ്പോൾ 13 [കാവൽക്കാരൻ]

ഒരു മനുഷ്യനും വിശ്വസിക്കാൻ പറ്റാത്ത കാര്യങ്ങൾ ആണ്.....

ചേച്ചി ആ വീടിനെ വീക്ഷിച്ചുകൊണ്ട് മൗനം തുടർന്നു...

"എന്നാ പോയാലോ.... "

ചേച്ചി എന്റെ നേരേ തിരിഞ്ഞു പറഞ്ഞു... പക്ഷേ ഒരു അർത്ഥം വച്ചുള്ള ചിരിയുണ്ടായിരുന്നു ചേച്ചിയുടെ മുഖത്ത്....

"അഹ്... നല്ല തീരുമാനം... ഞാൻ ഇതങ്ങോട്ട് പറയാൻ നിൽക്കാർന്നു "

മോളേ കല്ല്യാണി.... നിന്റെ പൊന്ന് നിന്റെ അടുത്തേക്ക് വരുവാടി.... 🫣

ഞാൻ തറവാട്ടിലേക്ക് നടക്കാൻ തുനിഞ്ഞതും ചേച്ചി എന്റെ കയ്യിൽ കയറി പിടിച്ചു.....

ഞാൻ ചേച്ചിയേ നോക്കി....

"അങ്ങോട്ടല്ല.... ദേ ഇങ്ങോട്ട്.... "

ചേച്ചി കൈ ചൂണ്ടി ആ വീടിനെ കാണിച്ചുപറഞ്ഞു....

"എങ്ങോട്ടാണെന്ന പറഞ്ഞേ.... "

വിശ്വാസം വരാതെ ഞാൻ വീണ്ടും ചേച്ചിയോട് ചോദിച്ചു...

"ദേ അങ്ങോട്ടെന്ന്...

ചേച്ചി ശബ്ദം കുറച്ചു കടുപ്പിച്ചു.. പറഞ്ഞു...

അപ്പോ ചേച്ചി തമാശ പറയുകയല്ല...

ചേച്ചിയായിപോയി അല്ലെങ്കിൽ ഒറ്റ ചവിട്ട് വച്ച് കൊടുത്തേനെ.... അല്ലേൽ നിങ്ങൾ തന്നെ പറ.. ബുദ്ധിയുള്ള ആരെങ്കിലും രാത്രിയിൽ പറയുന്ന കാര്യമാണോ ഇത്.... 😤വേറേ എങ്ങിട്ടാണെങ്കിലും കുഴപ്പമില്ല.... ആ വീട്ടിലോട്ട് തന്നെ പോവണോ....

"നടക്കില്ല... എന്ന് പറഞ്ഞാൽ നടക്കില്ല...."

ഞാൻ ഉറപ്പിച്ചു തന്നെ പറഞ്ഞു... എന്റെ പെണ്ണവിടെ എന്നേ കാത്തു നിൽക്കുമ്പോൾ.... ഇമ്മാതിരി പൊന്നാരം കാട്ടാൻ ഒന്നും എന്നേ കിട്ടില്ല... അവൾക്ക് ഞാൻ ജീവനോടെ വരാം എന്ന് പോലും വക്കു കൊടുത്തു....

"അപ്പോ നീ വരില്ലേ...."

ചേച്ചി വീണ്ടും ചോദിച്ചു...

"സോറി... സോറി.... സോറി... എന്നേ കിട്ടില്ല... 😏"

"എന്നാ നീ ഇവിടേ നിന്നോ ഞാൻ പോയിട്ട് വരാം...."

അതും പറഞ്ഞു ചേച്ചി അങ്ങോട്ട് നടക്കാൻ തുടങ്ങി...

അങ്ങോട്ട് പോവാൻ ഒരു വേലിയിൽ ഒരു ഗേറ്റ് ഓക്കേ പോലത്തെ സാധനമുണ്ട്.. പക്ഷേ സൂക്ഷിച്ച് നോക്കണം.... ചേച്ചി ആ വേലിയൊക്കെ മാറ്റുന്നത് കണ്ടാണ് ഞാൻ പോലും അത് ശ്രദ്ധിക്കുന്നത്...

ചേച്ചി ടഗണിക്കുപോവേണ്ട വഴിയുണ്ടാക്കി നടക്കാൻ തുടങ്ങി...

ഇതൊക്കെ എന്ത് ജന്മമാണാവോ.. മനുഷ്യനായാൽ കുറച്ചെങ്കിലും പേടി വേണ്ടേ...ഒന്ന് അഭിനയിക്കുകയെങ്കിലും ചെയ്തൂടെ...

സ്വന്തം വീട്ടിലേക്ക് നടന്നു പോകുന്ന ലാഘവത്തോടെയാണ് അങ്ങോട്ട് ചെല്ലുന്നത്...

ചേച്ചി പോകുന്നത് ഞാൻ കുറച്ചുനേരം നോക്കി നിന്നു. അപ്പോഴാണ് എനിക്ക്