Chapter Title : ജാതകം ചേരുമ്പോൾ 20 [കാവൽക്കാരൻ]

കൊണ്ട് അവനെ അടിവയറ്റിൽ ആഞ്ഞടിച്ചു. അടികൊണ്ട അവൻ പിന്നോട്ടൊന്നു ചെരിഞ്ഞു

കൂടുതൽ പ്രയാസപെടേണ്ടി വന്നില്ല എനിക്ക്... ഓരോ അടിയിൽ തന്നെ അവന്മാർ വീണു... എന്റെ ശരീരത്തിൽ ഉണ്ടായ മാറ്റം എനിക്കനുഭവിച്ചറിയാൻ പറ്റുന്നുണ്ടായിരുന്നു....

ഏതോ ഒരു അദൃഷ്യ ശക്തി എന്നെ സഹായിക്കുന്നത് പോലെ.....

ഞാൻ വീണ്ടും കല്യാണിയെ മറഞ്ഞു നിന്നു അപ്പോഴേക്കും അവളുടെ കണ്ണിൽ നിന്നും കണ്ണുനീർ വരാൻ തുടങ്ങിയിരുന്നു...

അരുൺ ഇല്ലാതെ എന്നെ പെട്ടെന്ന് കീഴ്പ്പെടുത്താം എന്നുള്ള പരമേശ്വരന്റെ കണക്കുകൂട്ടൽ തെറ്റിയത് എനിക്കയാളുടെ മുഖത്ത് നിന്നും വായിച്ചെടുക്കാൻ പറ്റി..

"നിന്നേ ഓക്കെ എന്തിനാടാ ഞാൻ തീറ്റി പോറ്റുന്നെ..... പോയി കൊല്ലടാ അവളെ....അതിന് തടസ്സം നിൽക്കുന്ന ആരെയും കൊന്നേക്ക്... "

പരമേശ്വരൻ ദേഷ്യം കൊണ്ട് അലറി

വീണ്ടും നാലുപേർ എന്റെ അടുത്തേക്ക് പാഞ്ഞു വന്നു

അവർ ചുറ്റും കൂടിയപ്പോൾ ഞാൻ ഒരടി പിന്നോട്ട് മാറി. ആദ്യത്തെയാൾ എന്റെ മുഖം ലക്ഷ്യമാക്കി അടിക്കാൻ തുനിഞ്ഞതും ഞാൻ പെട്ടെന്ന് തല വെട്ടിച്ചു, അതേസമയം, അവന്റെ കൈ പിടിച്ച്‌ തിരിച്ചു ഒടിക്കാനും ഞാൻ മറന്നില്ല.

രണ്ടാമത്തെയാൾ എന്റെ വയറ്റിൽ അടിക്കാൻ ശ്രമിച്ചെങ്കിലും, അത്‌ എന്റെ കൈമുട്ട്‌ കൊണ്ട്‌ തടഞ്ഞു. ശേഷം ഒരു നിമിഷം പോലും പാഴാക്കാതെ, അയാളുടെ താടിക്ക്‌ ആഞ്ഞൊരടി കൊടുത്തു. അയാളുടെ വായിൽ നിന്നും തെറിച്ച ചോര എനിക്ക് കൂടുതൽ ഊർജം പകരുകയാണ് ചെയ്തത്....

മൊത്തം നാലു പേരെ ഞാൻ അടിച്ചിട്ടു

ഇതൊക്കെ ചെയ്യാൻ കഴിഞ്ഞത് അവർ വെറും കൈയ്യോടെ വന്നതുകൊണ്ട് മാത്രമാണ്....

എന്നാൽ അവിടം മുതലാണ് എന്റെ കയ്യിൽ നിന്നും കാര്യങ്ങൾ കൈ വിട്ടു പോവാൻ തുടങ്ങിയതും

അടി കൂടുന്നതിന്റെ ഇടയിൽ ഞാൻ കല്ല്യാണി തനിച്ചായത് അറിഞ്ഞില്ല....

പരമേശ്വരൻ ആ വീടിന്റെ വാതിലിൽ ബന്ധിപ്പിച്ചിരുന്ന,ദേവിയേ പൂർണമായും ഇല്ലാതെയാക്കാനുള്ള കത്തിയുമായി അവളുടെ അടുത്തേക്ക് നടന്നു തുടങ്ങിയിരുന്നു....

എന്റെ ശ്വാസമെടുക്കൽ വേഗത്തിലായി... കൈ കാലുകൾ വിറക്കാൻ തുടങ്ങി...

ഞാൻ കല്ല്യാണിയേ നോക്കിയപ്പോൾ അവൾ എന്നേ നോക്കി കരയുകയാണ്...

ആ കാഴ്ച എനിക്കു കണ്ടു നിൽക്കാനായില്ല...

ഞാൻ അവളുടെ അടുത്തേക്ക് പോവാൻ തുനിഞ്ഞതും ഏതോ ഒരുത്തൻ വന്നെന്നെ പിടിച്ചു നിർത്തി ശേഷം വേറൊരുത്തൻ ഒരു കത്തികൊണ്ട്