ജീവന്റെ അമൃതവർഷം 6 [ഏകൻ]

പോകും. കരയും. അതൊക്കെ തന്നെ. "

ആര്യ പറഞ്ഞു നിർത്തി പിന്നെ ജീവനെ നോക്കി.

"പക്ഷെ ഇതൊക്കെ എങ്ങനെ സംഭവിച്ചു. ഈ ആൾ മാറാട്ടം ആരും അറിഞ്ഞില്ലേ..? " ജീവൻ ചോദിച്ചു.

"ഇല്ല. ഈ ഞാൻ പോലും. കുറച്ചു മാസങ്ങൾക്ക് മുൻപ് ആണ് ഞാൻ പോലും ഇത് അറിഞ്ഞത്. കൃത്യമായി പറഞ്ഞാൽ. അമൃതേച്ചിക്ക് വിശേഷം ഉണ്ടെന്ന് അറിഞ്ഞ അന്ന്."

പിന്നെ വർഷ പറഞ്ഞ കാര്യങ്ങളും വർഷ വീട്ടിൽ നിന്നും ഇറങ്ങി പോയതും മുഴുവൻ ആര്യ ജീവനോട് പറഞ്ഞു. മുഴുവനും കേട്ടപ്പോൾ ജീവൻ ആര്യയോട് ചോദിച്ചു.

"എന്നിട്ട് ഇപ്പോൾ വർഷ എവിടെ ഉണ്ട്..? "

*****

താൻ ഇവിടെ ഉണ്ടെന്ന് എങ്ങനെ ജീവേട്ടൻ അറിഞ്ഞു എന്ന വർഷയുടെ ചോദ്യത്തിന്റെ ഉത്തരം പറയുകയായിരുന്നു ഇതുവരെ ജീവൻ.

". ജീവേട്ട എന്നിട്ട് ചേച്ചിയോട് ജീവേട്ടൻ പറഞ്ഞോ ഇതൊക്കെ..?" വർഷ ജീവനോട് ചോദിച്ചു.

"ഇല്ല. പറയാൻ തോന്നിയില്ല. ആദ്യം വർഷയെ കാണുക അതായിരുന്നു എന്റെ ആഗ്രഹം."

"അപ്പോൾ ജീവേട്ടൻ ആരോടും ഒന്നും പറഞ്ഞില്ലേ...? "

"പറഞ്ഞു. "

"ആരോട്...?"

"അമ്മയോട് പറഞ്ഞു."

"ആരെ അമ്മയോട്..? ജീവേട്ടന്റെ അമ്മയോടോ..? "

"മ്. അതേ എന്റെ അമ്മയോട് തന്നെ. "

" ജീവേട്ടാ..!! " വർഷ ഞെട്ടി എന്നിട്ട് വിളിച്ചു. പിന്നെ ചോദിച്ചു.

" എന്നിട്ട് അമ്മ എന്തു പറഞ്ഞു..? "

ജീവൻ കുറച്ചുസമയം വർഷയെ തന്നെ നോക്കി.

പിന്നെ പറഞ്ഞു.

" എവിടെയാണെങ്കിലും പോയി കൊണ്ടുവരണം. എനിക്ക് കാണണം.. അത്രയേ അമ്മ പറഞ്ഞുള്ളൂ. "

" അമ്മ ഇപ്പോൾ എന്നെ വെറുക്കുന്നുണ്ടാകും അല്ലേ ജീവേട്ടാ..? "

" എന്തിന്...? എനിക്കില്ലാത്ത വെറുപ്പ് എന്തിനാ അമ്മയ്ക്ക്..? "

"ജീവേട്ടന് ഇപ്പോഴും എന്നോട് ഇഷ്ടമുണ്ടോ...?"

" ഇല്ലെങ്കിൽ ഇത്രയും ദൂരം ഞാൻ ഈ കാറും എടുത്തു വരില്ലായിരുന്നല്ലോ...? "

പിന്നെ ജീവൻ ചോദിച്ചു.

"വർഷേ വർഷ എന്തുകൊണ്ടാണ് ഇതൊന്നും വീട്ടിൽ പറയാതിരുന്നത്..?"

" ഞാൻ ഇതെങ്ങനെ പറയും ജീവേട്ടാ.. ഞാനൊരിക്കലും ഇതു പ്രതീക്ഷിച്ചിരുന്നില്ല. പക്ഷേ കിട്ടിയപ്പോൾ ഒരുപാട് സന്തോഷം തോന്നി. "

വർഷ സ്വന്തം വയറിൽ തലോടിക്കൊണ്ട് പറഞ്ഞു.

"വർഷക്ക് എന്നെ ഇഷ്ടമായിരുന്നോ..?"

"എനിക്കറിയില്ല. ജിവേട്ട. പക്ഷേ ഒന്നിനും ജീവേട്ടനെ വിലക്കാൻ എനിക്ക് കഴിഞ്ഞില്ല. പക്ഷേ ഇന്ന് എന്റെ കുഞ്ഞിന്റെ അച്ഛനാണ് ജീവേട്ടൻ . ആ ജീവേട്ടനെ ഇഷ്ടപ്പെടാതിരിക്കാൻ എനിക്ക് ആകുമോ ജീവേട്ടാ.."

ജീവൻ കുറച്ചുസമയം ഒന്നും മിണ്ടിയില്ല. പിന്നെ വീണ്ടും ചോദിച്ചു.

" ആരോടും ഒന്നും പറയാതെ പിന്നെ എങ്ങനെയാണ് വീട്ടിൽ നിന്നും ഇറങ്ങിയത്..?"

" ആര്യ അവൾ ഉണ്ടായിരുന്നു എല്ലാത്തിനും. എന്റെ എല്ലാം എല്ലാമായ കൂട്ടുകാരി. എന്നാൽ ഇതൊന്നും ആദ്യം അവളോട് പോലും പറയാൻ എനിക്കായില്ല. ചേച്ചിക്ക് ജീവേട്ടനെ ഇഷ്ടമാണ് ആ ഇഷ്ടം സാധിച്ചു കൊടുക്കുക അതുമാത്രമായിരുന്നു എന്റെ മനസ്സിൽ. അതുകൊണ്ടാണ് ചേച്ചി പറഞ്ഞപ്പോഴൊക്കെ ഞാൻ അമൃതയായി വേഷം കെട്ടിയത്. അതിനുള്ള സമ്മാനമാണ് ഇത് എന്റെ വയറ്റിൽ കിടക്കുന്ന എന്റെ കുഞ്ഞ്.

അന്ന് വീട്ടിൽ നിന്നും മനപ്പൂർവ്വം വഴക്കുണ്ടാക്കി ആര്യയുടെ കൂടെ ഇറങ്ങിപ്പോയതിനു ശേഷം