Chapter Title : ജീവിതമാകുന്ന നൗക 6 [റെഡ് റോബിൻ]

കൊടുത്തതിലും വലിയ പണി’

അപ്പോഴേക്കും രമേഷ് വന്നവനെ പുറത്തേക്ക് കൂട്ടികൊണ്ടു പോയി. പിന്നെ ക്ലാസ്സിൽ കയറാൻ നിന്നില്ല. രണ്ട് പേരും നേരെ  ബാറിലേക്ക്.

ക്ലാസ്സിൽ തിരിച്ചെത്തിയിട്ടും കീർത്തന ഭയങ്കര ദേഷ്യത്തിൽ ആയിരുന്നു. ദേഷ്യം ഒന്ന് കുറഞ്ഞപ്പോൾ അന്ന അവളോട് പറഞ്ഞു

“ഡി നീ വിചാരിക്കും പോലെ ദീപു പെണ്ണുപിടിയൻ ഒന്നുമല്ല. അന്ന് അറിയാതെ ഞാൻ ആണ് അവൻ്റെ ദേഹത്ത്  ചെന്ന് കയറിയതും. പിന്നെ അന്ന് എൻ്റെ പൊട്ട ബുദ്ധിക്ക് ഞാൻ അത് വിഷയമാക്കി.”

“അതൊക്കെ ഞാൻ കേട്ടിട്ടുണ്ട് അന്നേ. പക്ഷെ എനിക്ക് അവനെ ഇഷ്ടമല്ല . അത്ര തന്നെ”

“പിന്നെ അവൻ്റെ നോട്ടം കണ്ടാൽ തന്നെ അറിയാം അവൻ ആള് ശരിയല്ല”

“എന്നാലും ഇത്രക്ക് വേണ്ടായിരുന്നു കീർത്തു. ഇത് ഇപ്പൊ എല്ലാവരുടെയും മുൻപിൽ “

“എത്രയാണ് എന്ന് വെച്ചാ, ഇത് ഇപ്പോൾ മൂന്നാമത്തെ ആളാണ്. സീനിയർസിൻ്റെ ശല്യം വേറെ. എനിക്കാണെങ്കിൽ ഇതൊന്നും ഇഷ്ടമല്ല. ഒരാൾക്ക് നല്ലത് പോലെ ഒന്ന് കൊടുത്താൽ പിന്നെ ശല്യങ്ങൾ ഒഴുവായികോളും. “

അവളുടെ വാക്ക് കേട്ടപ്പോൾ അർജ്ജുവിനു പണി കൊടുക്കാൻ പോയി സ്വയം പണി കിട്ടിയ സ്വന്തം അനുഭവം ആണ് അന്നക്ക് ഓർമ്മ വന്നത്. അന്ന പിന്നെ കൂടുതൽ ഒന്നും പറയാൻ പോയില്ല.

അന്നുച്ചക്ക് തന്നെ സ്റ്റീഫൻ അന്നയെ ചെന്ന് കണ്ട് കാര്യങ്ങൾ അറിയിച്ചു. അവൻ്റെ ഫോണിൽ എടുത്ത ഫോട്ടോസ് കാണിച്ചു കൊടുത്തു. ഫോട്ടോസ് കണ്ടതും അന്നയുടെ മുഖം സന്തോഷം കൊണ്ട് നിറഞ്ഞു.

“ചേച്ചി നമ്മൾ അന്വേഷിച്ച  കണ്ട് പിടിച്ചു.”

അർജ്ജു ചേട്ടൻ്റെ ശരിക്കുള്ള പേര് ശിവ രാജശേഖരൻ എന്നാണ്.

CAT ഇന്