Chapter Title : കാലഭ്രംശം 3 [𝐌𝐀𝐘𝐀𝐊𝐀𝐍𝐍𝐀𝐍]

മറച്ചുവെച്ച ആ രഹസ്യമാണ് അമ്മ ഇപ്പോൾ വീണ്ടും കുത്തിപ്പൊക്കുന്നത്!

​"നീ ചോദിക്കാൻ വന്നത് എന്താണെന്ന് എനിക്ക് അപ്പൊഴേ മനസ്സിലായിരുന്നുടാ..."

അമ്മ വീണ്ടും പറഞ്ഞു തുടങ്ങി.

"പിന്നെ ഞാൻ അതങ്ങോട്ട് എടുത്ത് ചോദിക്കാതിരുന്നതാ."

​അമ്മയുടെ ശബ്ദം കൂടുതൽ ആഴമുള്ളതായി മാറി. ആ വലിയ കണ്ണുകൾ എന്നിലേക്ക് തന്നെ തറഞ്ഞുനിൽക്കുകയായിരുന്നു.

​"നീ എന്റെ ആ പഴയ കാമുകൻ അശ്വിനുണ്ടായ മകനാണോ എന്നല്ലേ നിനക്കറിയേണ്ടിയിരുന്നത്?"

​അമ്മ അത് പറഞ്ഞപ്പോൾ ഞാൻ ശരിക്കും ഞെട്ടിപ്പോയി! എന്റെ ഉള്ളിലിരുപ്പ് അമ്മ അത്രത്തോളം കൃത്യമായി വായിച്ചെടുത്തിരുന്നോ? എന്റെ മുഖത്ത് വല്ലാത്തൊരു വിളർച്ച പടർന്നു.

​"അമ്മേ... അത്... ഞാൻ..."

തൊണ്ടയിൽ കുരുങ്ങിയ വാക്കുകൾ പുറത്തേക്ക് വരാതെ ഞാൻ വിക്കി.

ഒരു കള്ളനെപ്പോലെ ഞാൻ അമ്മയുടെ മുഖത്തുനിന്നും കണ്ണുകൾ വെട്ടിച്ചുമാറ്റി.

​"നീ ഒന്നും പറയണ്ട..."

അമ്മ എന്റെ കൈകളിൽ പതുക്കെ പിടിച്ചു.

"നിന്റെ സ്ഥാനത്തു ആരായാലും ഈ കഥകളൊക്കെ കേൾക്കുമ്പോൾ സ്വാഭാവികമായിട്ടും തോന്നുന്ന കാര്യമേ നിനക്കും തോന്നിയുള്ളൂ. അതിന് ഞാൻ നിന്നെ ഒരിക്കലും കുറ്റപ്പെടുത്തില്ല."

​അമ്മ ഒന്ന് ദീർഘമായി ശ്വാസമെടുത്ത് നിർത്തി.

എന്നിട്ട് എന്റെ മുഖത്തേക്ക് ഒന്നുകൂടി ചേർന്നിരുന്നുകൊണ്ട് പറഞ്ഞു.

​"എന്നാൽ നീ ചോദിക്കാതെ ചോദിച്ച ആ ചോദ്യത്തിന് ഞാൻ ഒരു മറുപടി പറയാം. നീ സംശയിച്ചതുപോലെ അതൊരു സത്യം തന്നെയാണ്..."

​എന്റെ ഹൃദയമിടിപ്പ് ഒരു നിമിഷം നിലച്ചുപോകുന്നതുപോലെ തോന്നി. ഞാൻ ശരിക്കും ആ അശ്വിന്റെ മകനാണോ? എന്റെ കാതുകളെ എനിക്ക് വിശ്വസിക്കാൻ കഴിഞ്ഞില്ല.

ഞാൻ തുറിച്ച കണ്ണുകളോടെ ആ മുഖത്തേക്ക് നോക്കി.

​പക്ഷെ എന്റെ ചിന്തകളെ പൂർണ്ണമായും അട്ടിമറിച്ചുകൊണ്ട് അമ്മ പറഞ്ഞു തീർത്തു.

​"പക്ഷെ... അത് നീയല്ല.