Chapter Title : കാന്താരി 8 [Doli]

പക്ഷെ തെറ്റ് അയാൾടെ പ്രവർത്തി അല്ല എന്റെ ചിന്ത ആണെന്ന് ഞാൻ അന്ന് ഓർത്തില്ല, ഇയാള് തല്ലിയില്ലേലും നല്ലതേ ആവൂ, ഇവടെ തല്ലിയും ഇല്ലാ എന്നാ മര്യാദക്ക് വളർന്നും ഇല്ലാ... ആഹ് പോട്ടെ നന്നായി വരാൻ ആണേ അങ്ങനെ ആവട്ടെ അല്ല നശിച്ച് പോവാൻ ആണേ അങ്ങനെ...

പുള്ളി എന്റെ തോളിൽ തട്ടി തിരിഞ്ഞ് നടന്നു

പുള്ളിയെ നോക്കിയതും പപ്പ ഞങ്ങടെ സംസാരം കേട്ടോണ്ട് sitout ല്ല് നിക്കുന്നു...

പെട്ടെന്ന് പാർശു എറങ്ങി വന്നു

പാർശു : ശിവാ അച്ഛൻ വിളിക്കുന്നു ഫോണില്

ഞാൻ വേഗം കേറി അകത്തേക്ക് പോയി

പപ്പ ഒരുമാതിരി വൃത്തിക്കെട്ട നോട്ടം നോക്കി എന്നെ

.
.
Halo അച്ഛാ

അച്ഛൻ : ആഹ് എന്തായി

ഞാൻ : ഇവടെ കൊഴപ്പം ഒന്നും ഇല്ലാ

അച്ഛൻ : ഉം, അതേ അവടെ അവർക്ക് സങ്കടം ഒക്കെ ആയിരിക്കും ചെലപ്പോ നിനക്ക് പിടിക്കാത്ത രീതിക്ക് പലതും നടന്നു വരും കാര്യം ആക്കരുത്

ഞാൻ : ഇല്ലച്ഛാ, ഞാൻ ഒന്നും പറയില്ല

അച്ഛൻ : കഴിച്ചോ

ഞാൻ : ഇല്ലാ

അച്ഛൻ : കഴിക്ക് ഞാൻ പറ്റിയാ കാലത്ത് വരാ

ഞാൻ : വേണ്ട അതിന്റെ ആവശ്യം ഇല്ലാ

അച്ഛൻ : ഉം ...

ഞാൻ : അമ്മ ഒക്കെ

അച്ഛൻ : അവര് വന്നില്ല ഞാനും രാജും മാത്രം വന്നു, കണ്ണൻ ഒരേ നിർബന്ധം പിന്നെ പവി ഒക്കെ പറഞ്ഞപ്പോ ഞാൻ പിന്നെ ഒന്നും പറയാൻ നിന്നില്ല

ഞാൻ : ഉം,

അച്ഛൻ : ശെരി

അച്ഛാ ഞാൻ പെട്ടെന്ന് കട്ടാക്കും മുന്നേ കേറി വിളിച്ചു

അച്ഛൻ : ഓ

ഞാൻ : അച്ഛൻ അവരോടൊന്നും ഇതൊന്നും പറഞ്ഞില്ലല്ലോ

അച്ഛൻ : ഇല്ലാ

ഞാൻ : ഇനി പറയല്ലേ

അച്ഛൻ : മനസ്സിലായി

ഞാൻ : വെറുതെ എന്തിനാ അവർക്ക് ഇഷ്ട്ടം ഇല്ലാത്തത് പറഞ്ഞ് മൂഡ് കളയുന്നത്

അച്ഛൻ : ശെരി ആയിക്കോട്ടെ

ഞാൻ : ആഹ്

ഞാൻ ഫോൺ കട്ടാക്കി തിരിഞ്ഞതും അവള് നിക്കുന്നു