Chapter Title : കലി [Amal Srk]

സിദ്ധു ശ്രദ്ധിക്കില്ല എന്ന ഉറപ്പോടെ അഞ്ജലി ചക്കരയെ നോക്കി ചെറുതായി പുഞ്ചിരിച്ചു.

അവളുടെ മുത്തു പൊഴിയുന്ന ചിരി കണ്ട്‌ ചക്കരയുടെ നെഞ്ച് ഒന്ന് പിടഞ്ഞു. അവൾക്ക് തന്നോട് താല്പര്യമുണ്ട് എന്നതിൻറെ ഗ്രീൻ സിഗ്നലാണ് ഇതെന്ന് അയാൾക്ക് മനസ്സിലായി. ചക്കര തിരിച്ചും ചിരിച്ചു കാണിച്ചു.

ഭക്ഷണം കഴിച്ചശേഷം ജ്യൂസ് കുടിക്കാൻ തുടങ്ങുമ്പോഴാണ് അതിൽ ഒരു ചത്ത പാറ്റയെ ശ്രദ്ധയിൽപ്പെട്ടത്. ഉടനെ തന്നെ സിദ്ധു പണിക്കാരനെ വിളിച്ച് കാര്യം കാണിച്ചു. അത് മാറ്റി വേറെ കൊണ്ട് തരാൻ ദേഷ്യത്തോടെ ആജ്ഞാപിച്ചു. പണിക്കാരൻ അടുക്കളയിൽ ചെന്ന് ജ്യൂസിൽ വീണ പാറ്റയെ എടുത്തു കളഞ്ഞ ശേഷം തിരിച്ചുകൊണ്ടു കൊടുത്തു. ജ്യൂസ് പഴയത് തന്നെ കൊണ്ടു വച്ചതാണെന്ന് സിദ്ദുവിന് മനസ്സിലായി.

" വാ എഴുന്നേൽക്കാം " അവൻ ദേഷ്യത്തോടെ അഞ്ജലിയോട് പറഞ്ഞു. അഞ്ജലി ഒന്നും മിണ്ടാതെ അവിടെ നിന്നും എഴുന്നേറ്റു കൈ കഴുകാൻ ചെന്നു.

" ഞാൻ എന്റെ ജീവിതത്തിൽ ഇന്നേവരെ ഇത്ര വൃത്തികെട്ട ഫുഡ് കഴിച്ചിട്ടില്ല " അവൻ പറഞ്ഞു.

" പോട്ടെ സിദ്ധു ഇന്ന് ഒരു ദിവസത്തേക്ക് അല്ലേ " അഞ്ജലി സമാധാനിപ്പിച്ചു.

സിദ്ധാർത്ഥ് മുഖം തുടച്ചശേഷം ബില്ല് അടക്കാൻ കൗണ്ടറിലേക്ക് ചെന്നു. ഹോട്ടലിന്റെ മുതലാളി ജോണാണ് അവിടെ ഇരിക്കുന്നത്, കൂടെ ചക്കരയും ഉണ്ട്. അവര് പരിചയക്കാരാണെന്ന് തോന്നുന്നു.

" എത്രയാണ് ? " സിദ്ധു ചോദിച്ചു.

" 420 " ജോൺ മറുപടി നൽകി.

" നാലു പൊറോട്ടക്കും ഒരു കറിക്കും കൂടി 420 ? " സിദ്ധു ചോദിച്ചു.

" ഇതുകൂടാതെ രണ്ട് ജ്യൂസും ബില്ലിൽ കാണുന്നുണ്ടല്ലോ ? " ജോൺ തിരിച്ചു ചോദിച്ചു.

" ജ്യൂസ് ഞങ്ങൾ കഴിച്ചിട്ടില്ല. "

സിദ്ധു പറഞ്ഞു.

ജോൺ ഉടനെ ജോലിക്കാരനെ വിളിച്ചു : ഡാ മണി ബില്ലൊക്കെ നോക്കണ്ടെടാ.. സാറ് ജൂസ് കുടിച്ചിട്ടില്ലെന്നാ പറഞ്ഞത്..

" അയാള് ഓർഡർ ചെയ്ത സാധനത്തിന്റെ ബില്ലേ അതിനുള്ളു, അയാള് ജ്യൂസ്‌ കുടിക്കാത്തത് എന്റെ തെറ്റാണോ..? " മണി മറുപടി നൽകി.

" ഭക്ഷണം കഴിച്ചാൽ കാശ് കൊടുക്കുന്നതല്ലേ സാറെ അതിന്റെ മരിയാത.. " ചക്കര