0%

Chapter Title : കളിയാട്ടങ്ങൾ 6 [ലസ്റ്റർ]

Author : ലെസ്റ്റർ Read All Parts 102.6K

താഴേക്ക് ഓടിപ്പോവുകയും ചെയ്തു. പിന്നാലെ വാഹിദും ഓടിയപ്പോൾ ഒരുവേള അമ്പരന്നു നിന്നുപോയ ജൂലിയും അങ്ങോട്ടോടി.

രണ്ടും മൂന്നും പടികൾ ചാടിയിറങ്ങി നിമിഷങ്ങൾക്കൊണ്ട് വനജയെ മറികടന്നു വാഹിദ് താഴെയെത്തുമ്പോൾ കരച്ചിലും കൂവലുമൊക്കെയായി ബഹളം കേട്ടുതുടങ്ങി. അവൻ എൻ‌ട്രൻസ് ഡോറിന്റെ മുന്നിൽ എത്തിയപ്പോൾ കറുത്ത ഗേറ്റിനരികിൽ നിർത്തിയിരുന്ന വാനിലേക്ക് സംഗീതയെ രണ്ടുപേർ വലിച്ചിഴച്ചു ഉള്ളിലേക്ക് കയറ്റുന്നതും അവൾ അലറികരഞ്ഞുകൊണ്ട് തന്നെ വിളിക്കുന്നതും അവൻ കണ്ടു. മുന്നിലുള്ളവരെ തള്ളിയെറിഞ്ഞു മുറ്റത്തേക്ക് ചാടിയിറങ്ങി വാനിനു നേരെ ഓടിയപ്പോൾ വാനിന്റെ വാതിലുകൾ അടയുകയും അത് മുന്നോട്ട് നീങ്ങുകയും ചെയ്തു. മുറ്റം വഴി വലതുഭാഗത്തേക്ക് കുതിച്ച വാഹിദ് ഓടിച്ചെന്ന് കുതിച്ചു ചാടുകയും ഒരാൾ പൊക്കമുള്ള മതിലിന്റെ മുകളിൽ കൈകൾ അമർത്തി പിടിച്ചു നിസ്സാരമായി ഒന്ന് ആടിയുയർന്നു റോഡിലേക്ക് ചാടുകയും ചെയ്തു. അത്രയും നേരം എന്തുവേണമെന്ന് അറിയാതെ ഭയന്ന് നിന്നിരുന്നവർ ആ കാഴ്ചകണ്ടു അന്തം വിട്ടു നോക്കിനിൽക്കുമ്പോൾ അവരുടെ കണ്ണുകളിൽ നിന്ന് അവൻ അപ്രത്യക്ഷമായി. ജൂലി അവന്റെ പിന്നാലെ മുറ്റത്തേക്ക് ചാടി ഗേറ്റിലേക്ക് ഓടി റോഡിലെത്തിയപ്പോൾ വാനിന്റെ പിന്നാലെ കുതിക്കുന്ന വാഹിദിനെ അവൾ കണ്ടു. വാൻ ചീറിപ്പാഞ്ഞു പോയി. വാഹിദ് അതേ വേഗതയിൽ തിരിഞ്ഞോടി പോക്കറ്റിൽ നിന്ന് താക്കോൽ എടുത്തു ബുള്ളറ്റിലേക്ക് കയറി വണ്ടി തിരിച്ചു സ്റ്റാർട്ട് ചെയ്തു. ജൂലി ഓടിവന്നു പിന്നിൽ കയറി. ബുള്ളറ്റ് ഓഫിസിന് പുറത്തേക്ക് അലറിവിളിച്ചു കുതിച്ചു പാഞ്ഞു.

(തുടരും)

💬 Comments

View all comments