Chapter Title : കല്ല്യാണപെണ്ണ് 10 [ജംഗിള് ബോയ്സ്]

വേഗം കാര്‍ സ്റ്റാര്‍ട്ട് ചെയ്തു പോയി. വിജയന്‍ വേഗം വീടിന്റെയുള്ളിലേക്ക് കയറി. വിജയനെ നോക്കി വിമല: എന്താ അയാള് വേഗം പോയത്..? തനിക്കഭിമുഖമായി വന്നു നില്‍ക്കുന്ന വിമലയെ നോക്കി വിജയന്‍: അയാള് പറഞ്ഞത് നീ കേട്ടോ..? വിമല: എന്താ പറഞ്ഞത്..? വിജയന്‍: നമ്മളെ മോളെ അയാള്‍ക്ക് കെട്ടണമെത്രെ..?

ദേഷ്യത്തോടെ വിമല: നിങ്ങള് എന്ത് പറഞ്ഞ്..? വിജയന്‍: ഞാന്‍ പറയുന്നതിന് മുമ്പ് കാറെടുത്ത് പോയി. ദേഷ്യത്തോടെ വിമല: ചെരുപ്പൂരി തല്ലുകയാണ് വേണ്ടത്. ഭാര്യ ചത്തെങ്കിലേ രണ്ടാം കെട്ട് എന്റെ മോളെയല്ല കെട്ടേണ്ടത്. നാട്ടില് വേറെയും പെണ്ണുങ്ങളുണ്ട്. അങ്ങോട്ട് വന്നുകൊണ്ട് അഷിത: അച്ഛാ എനിക്ക് ഈ വിവാഹത്തിന് സമ്മതമാണ്. അതുകേട്ട് ഞെട്ടുന്ന വിജയനും വിമലയും. ദേഷ്യത്തോടെ വിമല: ഏത് വിവാഹത്തിന് അഷിത: അമ്മാവനും ഞാനുമായിട്ടുള്ള വിവാഹത്തിന് വിജയന്‍: ടീ മോളെ നീ ഇത് എന്തറിഞ്ഞിട്ടാ പറയുന്നേ..? അയാള് വന്ന് ഒരു പൊട്ടത്തരം ചോദിച്ചതിന് നീ സമ്മതിക്കാണോ..? അഷിത: അമ്മാവന്‍ ചോദിച്ചത് പൊട്ടത്തരമല്ല. ഞാന്‍ പറഞ്ഞിട്ടാ അമ്മാവന്‍ ഇവിടെ വന്ന് എന്നെ പെണ്ണ് ചോദിച്ചത്. ദേഷ്യത്തോടെ ഉറക്കെ വിമല: ടീ നിന്റെ പ്രായമെന്താ അയാളെ പ്രായമെന്താ.. നിനക്ക് ഇരുപത്തിനാല്. അയാള്‍ക്ക് അറുപത്തിരണ്ടും. മുപ്പത്തിയെട്ട് വയസിന്റെ വ്യത്യാസമുണ്ട് നിങ്ങള് തമ്മില്‍. അഷിത: ആ വ്യത്യാസമുള്ള ആളല്ലേ എന്റെ വിവാഹത്തിന്റെ കടവും ജിഷിതയുടെ പഠിപ്പിനുമൊക്കെ പണം ചെലവാക്കിയത്. അന്ന് ഇതൊന്നും അമ്മ പറഞ്ഞിരുന്നില്ലല്ലോ..? വിജയന്‍: മോളെ അതു പോലെയാണ് കല്ല്യാണകാര്യം. അയാള് അച്ഛനെക്കാളും പ്രായമുള്ള ആളല്ലേ..? അഷിത: അച്ഛാ, എന്നെ കെട്ടിച്ചുവിടണമെങ്കില്‍ അദ്ദേഹത്തിന്റെ കൂടെ വിടൂ. അല്ലാതെ മറ്റൊരു പുരുഷനെ ഞാന്‍ ഭര്‍ത്താവായി സ്വീകരിക്കില്ല.