Chapter Title : ഖൽബിലെ മുല്ലപ്പൂ 6 [കബനീനാഥ്]

അതു തന്നെ ....?" ഒരല്പം കുസൃതി അവളുടെയുള്ളിലും തോന്നിത്തുടങ്ങിയിരുന്നു ...

" അതെന്താണെന്നാ ചോയ്ച്ചേ .... "

" ഇഷ്ടത്തിന് ഇഷ്ടം എന്നല്ലാതെ വേറെന്തു പേരാ ഷാനൂ ഉള്ളേ ...?"

അവനല്പ നേരം മിണ്ടാതെ കിടന്നു ... ശേഷം അവളുടെ ചെവിക്കരികിലേക്ക് വായ ചേർത്തു ...

"കാറിൽ വെച്ചുണ്ടായ ഇഷ്ടം പോലല്ലേ ...?"

തീ പിടിപ്പിക്കുന്ന പോലുള്ള  അവന്റെ മന്ത്രണം കേട്ടവൾ ഒന്നു വിറച്ചു ... ഹൃദയധമനികളിലൂടെ ഒരു കൊള്ളിയാൻ പാഞ്ഞു പോയതവളറിഞ്ഞു ...

"നിക്കറ്യാം ജാസൂമ്മയ്ക്കതിഷ്ടായീന്ന് ...."

" എ... ന്നാരു പറഞ്ഞു ...?"

" നമ്മളു രണ്ടു പേരും മാത്രമറിയുന്ന കാര്യം വേറാരു പറയാനാ ..."

അടിവയറ്റിൽ നിന്നൊരു കാളൽ വന്നു കയറിയത് അവൾക്കനുഭവേദ്യമായി ...

തങ്ങൾ രണ്ടുപേരും മാത്രമറിയുന്ന രഹസ്യം ... ഷാനു ഉന്നം വെയ്ക്കുന്നതും അതാണ് ... പക്ഷേ അവനിൽ എങ്ങനെ താനെന്ന വികാരം ഉണ്ടായി എന്ന് അവൾക്കു മനസ്സിലായില്ല ...

"ജാസൂമ്മാ .... ന്നെ ഇഷ്ടമല്ലേ ...?" അവൻ വീണ്ടും നിരങ്ങിച്ചേർന്നുകൊണ്ട് കാറ്റൂതുന്ന സ്വരത്തിൽ ചോദിച്ചു ... ആ മന്ത്രണം അവളുടെ ഹൃദയത്തിന്റെ അടിവാരങ്ങളിൽ അലയടിച്ചങ്ങനെ നിലകൊണ്ടു..

" ന്നോട് പിണക്കാ.?" കുറച്ചു മിനിറ്റുകൾക്കു മുൻപ് കവിളത്ത് തല്ലു കിട്ടിയ ഒരു ലാഞ്ഛന പോലും അവന്റെ സ്വരത്തിലുണ്ടായിരുന്നില്ല..

"നിക്ക് പിണക്കമൊന്നുമില്ല ...."

" പിന്നെന്താ മിണ്ടാത്തെ ....?"

" ഞാൻ മിണ്ടുന്നുണ്ടല്ലോ ...."

അവനല്പം കൂടി നിരങ്ങി ... വലതു കൈത്തലം അരിച്ചരിച്ച് തന്റെ വയറിനു മുകളിലേക്ക് കയറിയതവൾ അറിയുന്നുണ്ടായിരുന്നു....

"ഷാനൂ ....." തീക്കാറ്റൂതുന്നതു പോലെ അവൾ വിളിച്ചു ...