Chapter Title : കുളിരിൽ വിരിയുന്ന കനൽ പൂവ് 1 [സ്പൾബർ]

വിഷമിപ്പിച്ചു.

“ചേട്ടൻ വാ.. ഒരു കട്ടില് പിടിക്കാനുള്ള ആരോഗ്യമൊക്കെ എനിക്കുണ്ട്..”

അവൾ വാശിയോടെ പറഞ്ഞു.

“വേണ്ടെടീ.. ഇന്നൊരു ദിവസമല്ലേ… ?’”

“വേണം… ചേട്ടൻ വാ…”

അവൾ മുറിയിലേക്ക് കയറി.

വേറെ നിവൃത്തിയില്ലാതെ ദാസനും കയറി.

ആദ്യം മുറിയിലുണ്ടായിരുന്ന കട്ടിൽ രണ്ടാളുംമെല്ലെ മെല്ലെ പിടിച്ച് പുറത്തിറക്കി.
പിന്നെ ദാസന്റെ കട്ടിൽ അകത്തേക്ക് കയറ്റി. പൊക്കിയും, നിലത്തൂടെ വലിച്ചും വളരെ ബുദ്ധിമുട്ടിയാണത് കയറ്റിയത് .. അതിന് നല്ല ഭാരമുണ്ടായിരുന്നു.
അലമാരയും പിടിച്ചിടാൻ അവൾ തയ്യാറായെങ്കിലും, അവൾക്കതിന് കഴിയില്ല എന്ന് ദാസനുറപ്പായിരുന്നു.

കിടക്കയും ഇട്ട് ബെഡ്ഷീറ്റും വിരിച്ചാണവൾ മുറിയിൽ നിന്ന് പുറത്തിറങ്ങിയത്.

“നീ ഭക്ഷണം വിളമ്പെടീ.. അവനെയൊന്ന് വിളിച്ച് നോക്ക്.. “

ഷിഫാന മുറിയിൽ കയറി വിനോദിനെ വിളിച്ചു.

“ഏട്ടാ.. വാ… ഭക്ഷണം കഴിക്കാം..”

“എനിക്ക് വേണ്ട..”

“ അതെന്താ… ?’”

“ഇനി അതും ഞാൻ വിശദീകരിച്ച് തരണോ..?”

ഷിഫാന ഒന്നും മിണ്ടാതെ പുറത്തിറങ്ങി.
അടുക്കളയിൽ ചെന്ന് പാത്രങ്ങളെടുത്ത് വന്ന് ദാസനുള്ള ഭക്ഷണം വിളമ്പി.നല്ല ചിക്കൻ ബിരിയാണി.

“നിങ്ങള് കഴിക്കുന്നില്ലേ…?”

കൈ കഴുകി വന്നിരുന്ന ദാസൻ ചോദിച്ചു.

“അത്.. കുറച്ച് കഴിഞ്ഞിട്ട് കഴിക്കാമെന്ന് പറഞ്ഞു ഏട്ടൻ… “

“ ഉം….”

ആ മൂളലിന് ഒരുപാട് അർത്ഥങ്ങളുണ്ടെന്ന് ഷിഫാനക്ക് തോന്നി.

ദാസൻ സാവകാശം കഴിച്ചെഴുന്നേറ്റു.

“അമ്മൂ… ഞാൻ കിടക്കെട്ടെ.. നിങ്ങള് ആവുമ്പോ കഴിച്ചോ..പിന്നെ പാലോ, ഫ്രൂട്ട്സോ എന്തേലും വേണേൽ ഫ്രിഡ്ജിലുണ്ടാവും..
ശരിയെന്നാ..ഗുഡ്നൈറ്റ്…”

അതും പറഞ്ഞ് ദാസൻ മുറിയിൽ കയറി വാതിലടച്ചു.

ഇനിയെന്താണ് ചെയ്യേണ്ടത് എന്നറിയാതെ ഷിഫാന സെറ്റിയിലേക്കിരുന്നു.
ഇന്ന് ഈ വീട്ടിലേക്ക് കയറി വന്ന പെണ്ണാണ് താൻ… ഒന്ന് സംസാരിക്കാൻ പോലും ഒരാളില്ല..വല്ലാത്തൊരേകാന്തത