Chapter Title : കുളിരിൽ വിരിയുന്ന കനൽ പൂവ് 3 [സ്പൾബർ]

വിനോദ് ഞെട്ടിക്കൊണ്ട് അവളെ നോക്കി.
താനൊരു ബൈക്ക് വേണമെന്ന് പറഞ്ഞ് പിന്നാലെ നടന്നിട്ട് ഇത് വരെ വാങ്ങിത്തന്നിട്ടില്ല.. എങ്ങിനെയൊക്കെയോ തട്ടിയൊപ്പിച്ച് വാങ്ങിയ പഴയൊരു ബൈക്കാണ് തന്റെ..
അപ്പോഴാണ് ഇന്നലെ കയറി വന്ന ഇവൾക്ക് പുതിയ സ്കൂട്ടിയും, ദേഹത്തിടാൻ ആഭരണങ്ങളും.

ലാഭമില്ലാത്ത ഒരു പണിക്കും അയാൾ നിൽക്കില്ല.
അയാൾക്കെന്തോ ലാഭമുണ്ട്..അതെന്താവും..?

തന്റെ മുന്നിൽ വിരിഞ്ഞ് വിടർന്ന് നിൽക്കുന്ന തന്റെ സുന്ദരിയായ ഭാര്യയെ വിനോദൊന്ന് നോക്കി.
ഇത് തന്നെ… ഇവളാണ് അയാളുടെ ലാഭം.. കൊടുത്തതെല്ലാം ഇവളിലൂടെ അയാൾ മുതലാക്കും..

വെട്ടിക്കീറും താനാ പട്ടിയെ…

വിനോദ് ദേഷ്യം കൊണ്ട് വിറച്ചു.

“എന്നാ തൽക്കാലം നീ കടയിലേക്ക് പോണ്ട..ഇതെല്ലാം ഇന്ന് തന്നെ അയാൾക്ക് അഴിച്ച് കൊടുത്തേക്ക്..”

തീർപ്പ് കൽപിക്കുന്നത് പോലെ വിനോദ് പറഞ്ഞു.

“ശരി.. പോകുന്നില്ല… പക്ഷേ ഇവിടുത്തെ ചിലവെല്ലാം നിങ്ങള് നോക്കണം.. അന്ന് ഞാൻ ജോലി നിർത്താം.. നിങ്ങളെന്തൊക്കെ പറഞ്ഞാലും നാളെ മുതൽ ഞാൻ കടയിൽ പോകും..”

അതും പറഞ്ഞ് ഷിഫാന മുറിയിൽ നിന്നും ഇറങ്ങിപ്പോയി.

അവളുടെ കടുത്ത ഭാഷയിലുള്ള സംസാരത്തിൽ വിനോദ് അമ്പരന്ന് നിൽക്കുകയാണ്..ഇങ്ങിനെയൊക്കെ അവൾ പറയുമെന്ന് അവൻ കരുതിയതേയല്ല.

എല്ലാം അയാളുടെ ബുദ്ധിയാവും. കാണിച്ച് കൊടുക്കാം രണ്ടിനേയും. വിനോദാരാണെന്ന് അവർക്കറിയില്ല.

നിലം ചവിട്ടിക്കുലുക്കി അവൻ ചെന്ന് ബൈക്കിൽ കയറി.

അവനോട് രണ്ട് വർത്തമാനം പറഞ്ഞ സംതൃപ്തിയോടെ ഷിഫാനയത് നോക്കി നിന്നു.

🌹🌹🌹

വിനോദ് നേരെ പോയത് സുരയുടെ അടുത്തേക്കാണ്. വിവരങ്ങളെല്ലാം അവനോട് പറഞ്ഞു.

വിനോദിന്റെ ജീവിതത്തിൽ കുത്തിത്തിരിപ്പുണ്ടാക്കാൻ ഗൂഢപദ്ധതികളാലോചിച്ച് കൊണ്ടിരുന്ന സുരക്ക് ഇതൊരവസരമായി. ഇത് വെച്ച് ഇവന്റെ കുടുംബം തകർക്കണം.. തനിക്ക് കിട്ടാത്തത് ഇവനും വേണ്ട..

വിനോദവളെ തിരിച്ചും