Chapter Title : കുറ്റബോധം 15 [Ajeesh]

കൈകൾ പ്രവർത്തിക്കുന്നു... " എനിക്ക് കാമാസക്തി കൂടുതൽ ആണോ... " അവനിൽ ഒരു സംശയം ജനിച്ചു... അപ്പോഴേക്കും കൈകൾ അവളുടെ ഇടുപ്പിന് മുകളിൽ എത്തിയിരുന്നു... വല്ലാത്ത മിനുസം...

നെഞ്ചിനുള്ളിൽ ഏതോ മെറ്റൽ ബാൻഡ് ന്റെ ഡ്രംസ് അടി തകൃതിയായി നടക്കുന്നുണ്ട്... അവൻ കണ്ണുകൾ ഇറുക്കിയടച്ചു... പെട്ടന്ന് കൈകൾ പിൻവലിച്ച്‌ കിടക്കയിൽ നിന്ന് എഴുന്നേറ്റ് നിന്നു... " വല്യേ ഡയലോഗ് ഒക്കെ അടിച്ചപ്പഴേ ഞാൻ വിചാരിച്ചതാ എല്ലാം കയ്യീന്ന് പോവും എന്ന്... " കട്ടിലിൽ കിടക്കുന്ന തന്റെ ഭാര്യയെ അവൻ വീണ്ടും നോക്കി... വീണ്ടും വീണ്ടും മനസ്സ് കൈവിട്ട് പോവുന്നു... ഇവിടെ കിടന്നാൽ ശരിയാവില്ല... സജീഷ് അവളുടെ കാലുകൾക്ക് സമീപത്ത് പോയി ഇരുന്നു... അവളെ നോക്കാതെ ഇരിക്കാൻ അപ്പോൾ മനസ്സിൽ തോന്നിയ ഒരു അടവ്... അവളുടെ അച്ഛൻ വാങ്ങിക്കൊടുത്ത സ്വർണ്ണ കൊലുസ് കാലിൽ കിടന്ന് മിന്നുന്നുണ്ട്... അവൻ കൊലുസിന്റെ മുകളിലൂടെ കൈ ഓടിച്ചു... ഇവൾക്ക് എന്തിനാണ് ആഭരണങ്ങൾ ... അത് അവളുടെ ഭംഗി കുറക്കുകയാണ് ചെയ്യുന്നത് എന്ന് അവന് തോന്നി... മണ്ണിൽ കാല് കുത്താത്ത ഒരു കൊച്ചു കുഞ്ഞിന്റെ പാദം പോലെ ചുവന്ന് തുടുത്ത് ഇരിക്കുന്ന അവളുടെ പാദങ്ങളിൽ അവന്റെ കണ്ണുകൾ തറച്ചു നിന്നു... ഇത്രയും നിറമോ ??? ചിലപ്പോൾ അത് റൂമിലെ ചുവന്ന വെളിച്ചത്തിൽ തോന്നുന്നതാവും... അതേ അതു തന്നെ... എന്നാലും അവൻ അങ്ങനെ വിശ്വസിക്കാൻ ആണ് കൊതിച്ചത്... " നിന്നെ ഞാൻ സ്നേഹിക്കും പെണ്ണേ... ഈ ലോകത്തുള്ള മറ്റാരേക്കാളും മറ്റെന്തിനേക്കാളും... " സജീഷ് പതിയെ എഴുന്നേറ്റ് ലൈറ്റ് ഓഫ് ചെയ്തു... പിന്നെ അവളുടെ അടുത്തായി വെറുതെ കണ്ണടച്ച് കിടന്നു... ഓർമ്മകളിൽ തേരോടിക്കൊണ്ട് എപ്പഴോ അവനും ഉറക്കത്തിലേക്ക് വഴുതി വീണു... പിറ്റേന്ന് രാവിലെ തന്റെ ദേഹത്ത് തട്ടിയുള്ള വിളി കേട്ടപ്പോഴാണ് അവൻ ഉറക്കത്തിൽ നിന്ന് ഉണർന്നത്... കണ്ണുകൾ തുടച്ച് ഉറക്കം നഷ്ട്ടപ്പെട്ട ആലസ്യത്തിൽ പതുക്കെ എഴുന്നേൽക്കുമ്പോൾ.. മുൻപിൽ രേഷ്മ കുളിയൊക്കെ കഴിഞ്ഞു നിൽക്കുവാണ്... ഒരു സ്റ്റീൽ ഗ്ളാസ്സിൽ ചായ ഉണ്ടാക്കി കൊണ്ടുവന്നത് അവളുടെ കയ്യിൽ ഉണ്ട്... നെറുകയിൽ സിന്ദൂരം തൊട്ടിരിക്കുന്നു... മുടിയിൽ വെളുത്ത തോർത്ത് കൊണ്ട് ചുറ്റി കെട്ടിയിട്ടുണ്ട്...