Chapter Title : കുറ്റബോധം 15 [Ajeesh]

അപ്പോഴും അനുസരണയില്ലാതെ ഒരു മുടിയിഴ അവളുടെ മുഖത്തേക്ക് വീണ് കിടന്നിരുന്നു... അതിൽ നിന്ന് ഒരിറ്റ് വെള്ളത്തുള്ളി വീഴാൻ വെമ്പി നിൽക്കുന്നു.. ഒരു പച്ച സാരിയാണ് വേഷം... ഇന്നലെ ഞാൻ കൈ വച്ച അവളുടെ തുടുത്ത വയറിൽ വെള്ളത്തുള്ളികൾ ചേമ്പിലയിൽ എന്ന പോലെ പറ്റി പിടിച്ചിരുന്നു... ആസ്വാദനം അവസാനിക്കാത്ത പോലെ അവൻ തന്റെ ഭാര്യയെ ഒരു നിമിഷം നോക്കി നിന്നു... പെട്ടെന്ന് എന്തോ ഓർത്തിട്ടെന്ന പോലെ അവൻ ഗ്ലാസ്സ് വാങ്ങി... വളരെ യാന്ത്രികമായി.... അവളെ ഒന്ന് ചേർത്ത് പിടിക്കാൻ ആ ചുണ്ടിൽ ഒന്ന് ചുംബിക്കാൻ ഒക്കെ മനസ്സ് കൊതിച്ചെങ്കിലും അതെല്ലാം അവൻ വേണ്ടാന്ന് വച്ചു... 'അമ്മ..." അവൻ അന്വേഷിച്ചു.. " അടുക്കളയിൽ ആണ്... " ഞാൻ അങ്ങോട്ട് ചെല്ലട്ടെ ഏട്ടാ 'അമ്മ ഒറ്റക്ക... " അവൾ നഖം കൂട്ടി ഉരച്ചു കൊണ്ട് സമ്മതത്തിനായി കാത്ത് നിന്നു...

" അവൻ തലയാട്ടി... " പറഞ്ഞു വിടാൻ ആഗ്രഹം ഉണ്ടായിട്ടല്ല എങ്കിലും അതേ അപ്പോൾ ചെയ്യാൻ പറ്റുമായിരുന്നുള്ളൂ... അവൻ ചായയും എടുത്ത് ഉമ്മറത്ത് പോയി ഇരുന്നു... ചായ ചൂടാറും മുൻപേ പോയി പല്ല് തേക്കാൻ അവൻ മറന്നില്ല... പല്ലുതേക്കാതെ ചായ കുടിക്കുന്ന ശീലം പണ്ടേ ഇല്ല... പ്രകൃതിയുടെ ഭംഗിയൊക്കെ കൂടി തുടങ്ങിയോ അവൾ വന്നപ്പോൾ... അതോ എനിക്ക് തോന്നുന്നതാണോ... ജീവിതത്തിന് ഇപ്പോൾ സൗന്ദര്യം കൂടിയ പോലെ അവന് അനുഭവപ്പെട്ടു... നേർത്ത ഒരു തണുത്ത കാറ്റ് അവനെ തഴുകി പോയി... കയ്യിലെ റോമകൂപങ്ങൾ എഴുന്നേറ്റ് നിന്നു... പെട്ടന്ന് പുറകിൽ നിന്ന് ഒരു വിളി... " ടാ ഇങ്ങനെ ഇരുന്നാൽ എങ്ങനാ... എല്ലാ ബന്ധുക്കളുടെയും വീട്ടിലേക്ക് മോളേം കൊണ്ട് പോണ്ടെ..." അമ്മയുടെ ശബ്ദം മുഴങ്ങി... " പറഞ്ഞപോലെ ഇനി അങ്ങനെ ഒരു ചടങ്ങ് ഉണ്ടല്ലോ... " പേരിന് മാത്രം ഉള്ള ബന്ധങ്ങൾ ആണ്... എങ്കിലും അവളെ എല്ലാവരും കാണട്ടെ... എന്നെ അവഗണിച്ചവർ എനിക്ക് ലഭിച്ച ഏറ്റവും വലിയ ഭാഗ്യവും കാണണമല്ലോ... അപ്പോൾ കിട്ടുന്ന ഒരു സുഖം!!! അത് അനുഭവിക്കാൻ അവന്റെ മനസ്സ് വെമ്പി... പോരാത്തതിന് അവളോട് സംസാരിക്കാൻ കിട്ടുന്ന ഒരു അവസരവും ആയിരിക്കും... ആരുടെയും ശല്യം