Chapter Title : കുറ്റബോധം 15 [Ajeesh]

കാറ്റ് ഇടക്ക് ശക്തിയായി വീശുന്നുണ്ട്... പെട്ടെന്ന് ഒരു ഓടക്കുഴൽ നാദം അവളുടെ കാതിൽ മുഴങ്ങി... രേഷ്മ ഞെട്ടിത്തരിച്ചു... ചുറ്റും അവൾ നോക്കി... രാഹുൽ ഇപ്പോഴും തന്റെ കൂടെ ഉണ്ട് എന്ന് അവൾക്ക് തോന്നി. വീണ്ടും ആ ശബ്ദം... അവൾ ശബ്ദം കേട്ട് ദിക്കിലേക്ക് നോക്കി... ഒരു വലിയ മുളയുടെ നടുവിൽ എങ്ങനെയോ വീണ തുള അവളുടെ ശ്രദ്ധയിൽ പെട്ടു... രേഷ്മ കണ്ണടച്ച്‌ ഇരുന്നു... അവൻ തന്റെ മടിയിൽ കിടന്ന് ഓടക്കുഴൽ വായിക്കുന്നതായി മനസ്സിൽ സങ്കൽപ്പിച്ചു... " ഹാ... വല്ലാത്ത അനുഭൂതി... " അതേ അവൻ ഇപ്പോഴും തന്റെ കൂടെ തന്നെ ഉണ്ട് " എന്താണ് എനിക്ക് ഇപ്പോഴും ഇങ്ങനെ തോന്നുന്നത്... ഇനിയും ഞാൻ അവനെ ഓർത്ത് ദുഃഖിക്കരുത്... അത് ഞാൻ എന്റെ ഭർത്താവിനോട് ചെയ്യുന്ന വലിയ പാതകം ആയിരിക്കും... " ഇനിയിപ്പോ ഞാൻ മാത്രം ആയിരിക്കുമോ ഇങ്ങനെ ചിന്തിക്കുന്നത്... ?.. ചിലപ്പോൾ എല്ലാ പെണ്കുട്ടികളും തന്റെ ആദ്യ പ്രണയത്തെ മനസ്സിൽ ഇങ്ങനെ ഒളിച്ചു താലോലിക്കുന്നുണ്ടാവണം... " ജീവിതത്തിലെ ഏറ്റവും വലിയ വികാരമായ പ്രണയത്തെ ആദ്യമായി സമ്മാനിച്ച ഒരാളെ എങ്ങനെ മറക്കാനാണ്...

ഇല്ല ആർക്കും അതിന് കഴിയില്ല..." നേടിയാലും ഇല്ലെങ്കിലും ആദ്യ പ്രണയം ഇതിഹാസമാണ്, പിന്നീടുള്ളതെല്ലാം ആവർത്തനവും. " രേഷ്മ നീണ്ട ചിന്തയിൽ ആണ്ടു... സജീഷ് പറമ്പിന്റെ മൂലയിൽ നിന്ന് നടന്ന് വരുന്നത് അവൾ അകലെ നിന്ന് കണ്ടു... എന്തോ അപ്പോൾ അവിടെ നിന്ന് എഴുന്നേറ്റ് പോവാൻ അവൾക്ക് തോന്നിയില്ല... അവൻ രേഷ്മയുടെ അടുത്ത് വന്നിരുന്നു... " എന്തുപറ്റി ഇങ്ങനെ ഒറ്റക്ക് വന്നിരിക്കാൻ...?? " രേഷ്മ തല താഴ്ത്തി ഇരുന്നു... " ഹേയ് ചുമ്മാ... ഇവിടെ ഇങ്ങനെ ഇരിക്കാൻ നല്ല സുഖം ഉണ്ട്... " നല്ല കാറ്റും തണലും... " " അതൊക്കെ ശരിയാ... പക്ഷെ ഈ വെയിൽ ഇറങ്ങുന്ന സമായത്താ ഇഴജന്തുക്കൽ കൂടുതൽ ഉണ്ടാവാണെ... " " എനിക്ക് ആകെ നീ മാത്രേ ഉള്ളു... " സജീഷിന്റെ മുഖത്ത് ഒരു ചിരി വിരിയുന്നത് അവൾ കണ്ടു... അവൾ സജീഷിന്റെ കൈകൾക്കുള്ളിൽ കൈ കോർത്ത് ആ തോളിൽ ചാഞ്ഞു കിടന്നു...