Chapter Title : കുറ്റബോധം 15 [Ajeesh]

" ആൻസിയുടെ ചിരി പെട്ടന്ന് നിന്നു... " ഞാൻ എന്നെക്കുറിച്ചുള്ള ഒരു കാര്യവും പറഞ്ഞിട്ടില്ല സജീഷേട്ടനോട്... " " ഞാനും അവനും തമ്മിൽ ഉണ്ടായതൊക്കെ എങ്ങനെലും അറിഞ്ഞാൽ ..." എനിക്ക് ആകെ പേടി ആവും ചിലപ്പോ... " ഭയം നിറഞ്ഞ വാക്കുകളാൽ അവൾ പറഞ്ഞു... " എടി... അപ്പൊ!!!! ഞാൻ വല്ല തെറിയും പറഞ്ഞു പോവും രേഷ്‌മെ.... " രേഷ്മ നിശബ്ദയായി നിന്നു... " നീ പിന്നെ എന്ത് പിണ്ണാക്കാ കല്യാണത്തിന് മുൻപ് ആ മനുഷ്യനോട് സംസാരിച്ചത്... " " ആൻസി ഞാൻ അതിനൊന്നും പറ്റിയ അവസ്ഥയിൽ ആയിരുന്നില്ല അന്ന്... " നിനക്ക് അറിയാവുന്നതല്ലേ... " രേഷ്മ തന്റെ നിസ്സഹായത്വം തുറന്നു കാട്ടി... " എന്നാ നന്നായി... " ഇപ്പൊ സമാധാനം ആയല്ലോ... " " അതല്ല ആൻസി... " ഞാൻ ഒരിക്കൽ അമ്മയോട് പറഞ്ഞതാ... " " ഇതൊക്കെ പരായണ്ടേ എന്നൊക്കെ ഞാൻ അമ്മയോട് സൂചിപ്പിച്ചതാ... " അന്ന് 'അമ്മ എന്നോട് ചൂടായി... വേണ്ട എന്ന് മുഖത്ത് നോക്കി പറഞ്ഞില്ല എന്നെ ഉള്ളൂ...

അന്ന് അമ്മക്ക് നല്ല വിഷമം ആയിരുന്നു... " അവർക്കൊക്കെ വേണ്ടി അല്ലെ ഞാൻ ഈ കോലം കെട്ടിയത്... " ആൻസി ഒരു നിമിഷം മിണ്ടാതെ നിന്നു... " രേഷ്‌മെ... ഞാൻ ഒരു കാര്യം പറഞ്ഞാൽ നിനക്ക് ഒന്നും തോന്നരുത് ... "" എടി പുല്ലേ ... അത് നിന്റെ 'അമ്മ ആണ്... നിനക്ക് അങ്ങനെ ഒരു തെറ്റ് പറ്റി എങ്കിൽ അത് നിന്റെ അമ്മ ക്ഷമിക്കും... അത് പോലെ ആണോ മറ്റൊരാൾ...."