Chapter Title : ലക്ഷ്മി 6 [Maathu]

ട്രോളിയും ഉരുട്ടി മാറുകയ്യിൽ അവളുടെ മിനുസമാർന്ന വിരലുകൾ കുടുക്കി ടാക്സി കയറാൻ നടന്നു.

അധികം ഒന്നും നടക്കേണ്ടി വന്നില്ല. പുറത്ത് തന്നെ ധാരാളം ടാക്സി ഉണ്ടായിരുന്നു. ട്രോളി ഡിക്കിയിൽ വച്ച് അടച്ചു പുറകിലെ സീറ്റിൽ ഇരുന്നു. വീണ്ടും അവളെ വിരലുകളെ പൊതിഞ്ഞു. വണ്ടി ചലിക്കാൻ തുടങ്ങിയപ്പോ അവള് തല എന്റെ ചുമലിലേക്ക് വച്ചു എന്നോട് ചേർന്നിരുന്നു.

12.00മണി ആയത് കൊണ്ടാവും പതിവുള്ള ബ്ലോക്കിന് കുറവുണ്ട്.ഒരു ഇരുപത് മിനിറ്റ് കൊണ്ട്  ഫ്ലാറ്റിന്റെ എൻട്രൻസിൽ വണ്ടി എത്തിച്ചേർന്നു. വണ്ടിക്കാരന് കാശും കൊടുത്ത് ട്രോളിയും ഉരുട്ടി ലിഫ്റ്റിലേക്ക് കയറി. ഇവളാണേ ശരീരത്തിൽ ഒട്ടി നിൽക്കാണ്. അർദ്ധ രാത്രി ആയത് കൊണ്ട് തന്നെ ഫ്ലാറ്റിൽ ഉള്ള അധിക ആളുകളും ഉറങ്ങിയിട്ട് ഉണ്ട്.

സുജിൻ ചേട്ടന്റെ ഫ്ലാറ്റിന്റെ ഡോറിന് പുറത്തേക്ക് വെളിച്ചം ഒന്നും വരുന്നില്ല. പുള്ളിയും ഉറങ്ങിയിട്ട് ഉണ്ടാവും. ഞാൻ റൂം തുറന്ന് അവളെ അകത്തേക്ക് ക്ഷണിച്ചു. എന്നിട്ട് ഡോർ ക്ലോസ് ചെയ്തു.

"ദാണ്ടേ... അവിടെയാണ് മുറി... നീ പോയി ഫ്രഷ് ആയിട്ട് വാ ഞാൻ കഴിക്കാൻ എടുക്കാം "

'മ്മ്.. എന്താ കഴിക്കാൻ '

"അതൊക്കെ ഞാൻ അങ്ങട് തരുമ്പോ കണ്ടാ മതി "

'കിച്ചു ഉണ്ടാക്കിയത് ആണോ '

"അല്ല "

'ഓ.. അപ്പൊ റംസീനത്ത ആയിരിക്കും ലെ '

"ആ.... നീ വേഗം ഫ്രഷ് ആയിട്ട് വന്നേ... എന്നിട്ട് വേണം എനിക്കും ഫുഡ്‌ കഴിക്കാൻ....പോയെ പോയെ "

അവളെ ഉന്തി തള്ളി മുറിയിലേക്ക് പറഞ്ഞയച്ചു. ശേഷം അടുക്കളയിൽ പോയി ഇത്ത ഉണ്ടാക്കി തന്ന വെള്ളപ്പവും നല്ല വെജിറ്റബിൾ കുറുമയും ചൂടാക്കാൻ