ലവ് ബൈറ്റ് 6

Love Bite Part 6 | Author : Kavalkkaran

[ Previous Part ] [ www.kkstories.com ]

പിറ്റേന്ന് രാവിലെ ഞാൻ കണ്ണുതുറന്നത് തന്നെ വലിയൊരു ബഹളം കേട്ടാണ്.

മുറ്റത്ത് എവിടെയോ നാദസ്വരവും തകിലും മുഴങ്ങുന്നുണ്ട്. കാതടപ്പിക്കുന്ന ശബ്ദം! ഞാൻ പതുക്കെ എഴുന്നേറ്റ് പുറത്തേക്ക് നോക്കി.

എന്റെ ഈശ്വരാ... വീടിനുള്ളിൽ ഒരു യുദ്ധം നടക്കുന്ന പ്രതീതിയാണ്. ആർക്കും ഒരു നിൽപ്പും ഇരിപ്പുമില്ല.

ബാത്‌റൂമിന് മുന്നിൽ വലിയൊരു ക്യൂ, ഇസ്തിരിപ്പെട്ടിക്ക് വേണ്ടിയുള്ള പിടിവലി, കുട്ടികളുടെ കരച്ചിൽ, അമ്മയുടെയും അമ്മായിമാരുടെയും ഉറക്കെയുള്ള കമാൻഡുകൾ... ഇതിനിടയിലൂടെ കാപ്പിയും പലഹാരങ്ങളുമായി പായുന്ന വേറെ ചില ആളുകൾ.

ഒരു ടിപ്പിക്കൽ കേരള കല്യാണവീടിന്റെ എല്ലാ ലക്ഷണങ്ങളും അവിടെ പൂർണ്ണമായിരുന്നു.

"എടാ എടാ പോയി കുളിക്കടാ.... മുഹൂർത്തമൊക്കെ ദേ എന്ന് പറയുമ്പോഴേക്കും ആവും!"

പ്രതീക്ഷിച്ചതുപോലെ തന്നെ ചേച്ചിയുടെ വക ആദ്യത്തെ ഡോസ് കിട്ടി.

ഞാൻ വേഗം ചാടിയെഴുന്നേറ്റ് കുളിയൊക്കെ പാസ്സാക്കി. എനിക്കായി എടുത്തുവെച്ച ആ പുതിയ കസവു മുണ്ടും ഇളം സുവർണ്ണ നിറത്തിലുള്ള സിൽക്ക് കുർത്തയും ഒക്കെ ഇട്ട് ഞാൻ കണ്ണാടിക്ക് മുന്നിൽ ചെന്നു നിന്നു. മുടിയൊക്കെ സെറ്റ് ചെയ്ത് ഒന്ന്

നോക്കിയപ്പോൾ സത്യം പറയാമല്ലോ, എന്നെ കണ്ടിട്ട് എനിക്ക് തന്നെ ഒരു രാജകുമാരന്റെ ലുക്ക് തോന്നി! അപ്പോഴേക്കും കിരണും ഗിരിയേട്ടനും മറ്റ് കൂട്ടുകാരും ഒക്കെ വന്ന് എന്നെ വട്ടമിട്ടു. പിന്നെ ഫോട്ടോയെടുപ്പും കളിയാക്കലുകളും ആയി സമയം പോയതറിഞ്ഞില്ല.

അങ്ങനെ ബന്ധുക്കളുടെയും നാട്ടുകാരുടെയും അകമ്പടിയോടെ ഞങ്ങൾ അലങ്കരിച്ച കാറിലേക്ക് കയറി. കാർ മുന്നോട്ട് എടുത്തതും എന്റെ നെഞ്ചിടിപ്പ് വല്ലാതെ കൂടിത്തുടങ്ങി. ഒടുവിൽ ആ സുദിനം വന്നെത്തിയിരിക്കുന്നു.

ലക്ഷ്മിയമ്മയുടെ ഏക മകളുടെ കല്യാണമല്ലേ, അത് നടത്താൻ അവർ തിരഞ്ഞെടുത്തിരുന്നത് നഗരത്തിലെ തന്നെ ഏറ്റവും വലിയ ഓഡിറ്റോറിയം ആയിരുന്നു. വണ്ടി അവിടെ എത്തിയപ്പോൾ ഞാൻ ശരിക്കും അന്തംവിട്ടുപോയി. അതൊരു കല്യാണമണ്ഡപം ആണെന്ന് പറഞ്ഞാൽ ആരും വിശ്വസിക്കില്ല, സ്വർണ്ണവും ചുവപ്പും കലർന്ന നിറങ്ങളിൽ അലങ്കരിച്ച ഒരു വലിയ കൊട്ടാരം! മുറ്റത്ത് നിരന്നുകിടക്കുന്ന ആഡംബര കാറുകൾ കണ്ടാൽ തന്നെ അറിയാം വന്നവരിൽ പകുതിയും വമ്പൻമാരാണെന്ന്. വാതിൽക്കൽ തന്നെ അതിഥികളെ സ്വീകരിക്കാൻ പെൺകുട്ടികൾ നിൽപ്പുണ്ട്. പനിനീർ തളിച്ചും ചന്ദനം നൽകിയും വലിയ രാജകീയ സ്വീകരണം!

ക്യാമറക്കാരുടെ ഫ്ലാഷുകൾക്കിടയിലൂടെ, ബന്ധുക്കളുടെയും കൂട്ടുകാരുടെയും കൂവലുകൾക്കും ആരവങ്ങൾക്കുമിടയിലൂടെ ഞാൻ ആ വലിയ മണ്ഡപത്തിലേക്ക് കയറി.

പൂക്കൾ കൊണ്ട് അലങ്കരിച്ച ആ മണ്ഡപത്തിൽ നിൽക്കുമ്പോൾ എന്റെ കണ്ണുകൾ ആ വലിയ വാതിലിലേക്ക് തന്നെയായിരുന്നു. എന്റെ പെണ്ണ് എപ്പോഴാണ് വരിക എന്നോർത്ത് ഹൃദയം പടപടാന്ന് മിടിച്ചുകൊണ്ടിരുന്നു.

പെട്ടെന്നാണ് നാദസ്വരത്തിന്റെ താളം മാറിയത്. ഓഡിറ്റോറിയത്തിലെ മുഴുവൻ ആളുകളുടെയും കണ്ണുകൾ ആ പ്രധാന വാതിലിലേക്ക് തിരിഞ്ഞു. ക്യാമറക്കാരെല്ലാം അങ്ങോട്ടേക്ക് ഓടി. എന്റെ ശ്വാസം