Chapter Title : മാഷിനെ പ്രണയിച്ച ടീച്ചറും കുട്ടികളും 1 [SAMI]

സ്പെഷ്യൽ ക്ലാസ് ദിവസമാണ് ഞാൻ അത് മെഹറിനോട് പറയുന്നത്.

അതിന് ഒരു കാരണം ഉണ്ടായിരുന്നു.
ആ ദിവസം, സ്പെഷ്യൽ ക്ലാസ് എന്ന് പറഞ്ഞ് വീട്ടിൽ നിന്നും ഇറങ്ങിയ ആര്യ എന്ന പെൺകുട്ടിയെ, അവളുടെ കാമുകനൊപ്പം ഒരു ഹോട്ടലിൽ നിന്ന് പിടിച്ചു.
പ്രായപൂർത്തിയാകാത്തവളാണോ എന്ന സംശയത്തിലാണ് പിടിച്ചത്, പോലീസ് ആദ്യം വിവരം അറിയിച്ചത് സ്കൂളിലേക്കായിരുന്നു.

അതിനാൽ, ഞാനും മെഹറും ചേർന്നാണ് പോയി അവളെ തിരികെ കൊണ്ടുവന്നത്.
അന്നത്തെ ദിവസം ക്ലാസ് എല്ലാം നേരത്തേ അവസാനിപ്പിച്ച് ഞങ്ങൾ സ്റ്റാഫ്‌റൂമിൽ ഇരുന്നു…..
പതിവ് സംസാരത്തിനായി…

എന്നാൽ സംസാരം മുഴുവൻ ആര്യയെ കുറിച്ചായിരുന്നു.
“ഇത്ര ചെറുപ്പത്തിൽ തന്നെ…” മെഹർ തലകുനിച്ച് പറഞ്ഞു.
“ഇവർകെങ്ങിനെ ഇത്രയും ധൈര്യം…”

അവളുടെ ശബ്ദത്തിൽ, ഒരു ആശങ്കയും… ഒരു അതിശയവും ഉണ്ടായിരുന്നു….

അത് പറഞ്ഞപ്പോൾ എനിക്ക് ലക്ഷ്മിയുടെ കാര്യം മെഹറിനോട് പറയണമെന്ന് തോന്നി….

ഒരു നിമിഷത്തെ മൗനത്തിന് ശേഷം ഞാൻ പതിയെ വിളിച്ചു
“മെഹറേ…”

അവൾ ഞാൻ പറയാൻ പോകുന്നത് ശ്രദ്ധിച്ചു ഇരുന്നു.
“ഒരു കാര്യം പറയട്ടെ…”

ഞാൻ എല്ലാം പറഞ്ഞു.
സ്റ്റാഫ് റൂമിൽ അവൾ വന്നത്… ആ ചോദ്യം… ആ ചോദ്യത്തിന്റെ അർത്ഥം…. അവളുടെ ആ ആത്മവിശ്വാസം…
എല്ലാം.

മെഹർ ആദ്യം അത് കേട്ട് ചിരിക്കുകയാണ് ചെയ്തത്……
“ഇപ്പോൾ കുട്ടികൾക്കും ഭയമൊന്നുമില്ലല്ലോ…” അവൾ ചിരിച്ചുകൊണ്ട് പറഞ്ഞു.

പക്ഷേ ചിരി മാറിയതിന് ശേഷം, അവൾ കുറച്ച് ഗൗരവമായി.
“എങ്കിലും… ഇവരുടെയൊക്കെ ഈ ധൈര്യം…”
അവൾ വാചാലയായി.
“അത് ചെറിയ കാര്യമല്ല മനു…”

ആ ദിവസത്തെ ശേഷമുള്ള സമയം മുഴുവൻ, ഞങ്ങളുടെ സംസാരം ആര്യയെയും ലക്ഷ്മിയെയും ചുറ്റിപ്പറ്റി തന്നെയായിരുന്നു.

ഇന്നത്തെ