Chapter Title : മാഷിനെ പ്രണയിച്ച ടീച്ചറും കുട്ടികളും 7 [SAMI]

മുടി തോളിലൂടെ താഴേക്ക് വീണു കിടക്കുന്നു.
അവൾ വിരലുകൾ കൊണ്ട് മുടി ഒന്ന് ചീകി പിന്നിലേക്ക് മാറ്റി.

“മുടി നല്ലതാണ്…”

പിന്നെ മുഖത്തേക്ക് വീണ്ടും നോക്കി.

“നിറവും മോശമല്ല…”

അവൾ സ്വന്തം കണ്ണുകളിലേക്ക് നോക്കി.

ഇതുവരെ മറ്റുള്ളവർ എന്ത് പറയും എന്ന പേടിയിലാണ് അവൾ തന്റെ രൂപത്തെ നോക്കിയിരുന്നത്.

ഇന്ന് ആദ്യമായി, ഒരാൾ പറഞ്ഞ ഒരു നല്ല വാക്ക് അവളെ സ്വന്തം മുഖം വീണ്ടും കാണാൻ പഠിപ്പിച്ചു.

അവളുടെ ഉള്ളിൽ എന്തോ പതുക്കെ ഉണരുന്നതുപോലെ തോന്നി.

മനു സാർ തന്നോട് പറഞ്ഞത് വെറും ആശ്വസിപ്പിക്കാൻ ആയിരുന്നോ?
അല്ലെങ്കിൽ ശരിക്കും അങ്ങനെ തോന്നിയോ?

ആ ചോദ്യം വീണ്ടും വന്നപ്പോൾ അവളുടെ മുഖത്ത് ഒരു മൃദുവായ നാണം തെളിഞ്ഞു.

“നീ നിന്റെ മുഖം ഒളിപ്പിച്ച് നടക്കേണ്ട പെൺകുട്ടിയല്ല…”

ആ വാക്ക് അവളുടെ ഉള്ളിൽ വീണ്ടും മുഴങ്ങി.

അവൾ കുറച്ച് നേരം കണ്ണാടിക്ക് മുന്നിൽ തന്നെ നിന്നു.

പിന്നെ, സ്വന്തം പ്രതിബിംബത്തോട് തന്നെ വളരെ പതുക്കെ പറഞ്ഞു—

“നാളെ ക്ലാസ്സിൽ തല താഴ്ത്തി ഇരിക്കില്ല…”

അത് പറഞ്ഞപ്പോൾ തന്നെ അവൾക്ക് ഒരു ചെറിയ ധൈര്യം തോന്നി.

മനു സാർ പറഞ്ഞതുപോലെ.

നേരെ നോക്കണം.
സംശയം ചോദിക്കണം.
ആരെന്ത് പറഞ്ഞാലും, അതുകൊണ്ട് തന്റെ പഠനവും മനസ്സും തകർന്നുപോകരുത്.

പക്ഷേ അതെല്ലാം ചിന്തിച്ചിട്ടും, അവളുടെ മനസ്സ് വീണ്ടും മറ്റൊരു വാക്കിലേക്കാണ് മടങ്ങിയത്.

“എനിക്ക് പ്രശ്നമില്ല…”

അവളെയും മനു സാറിനെയും ചേർത്ത് അങ്ങനെ മോശമായി പറയുന്നതിന് പോലും സാറിന് പ്രശ്നമില്ലെന്ന്…

അത് ഓർത്തതോടെ അവളുടെ കവിളുകൾ വീണ്ടും ചൂടായി.

അവൾ രണ്ട് കൈകളും കവിളിൽ വെച്ച്