Chapter Title : മാഷിനെ പ്രണയിച്ച ടീച്ചറും കുട്ടികളും 7 [SAMI]

നിൽക്കുകയായിരുന്നു.

“അത് റെക്കോർഡ് കാണിക്കാൻ വേണ്ടി അല്ലേ…” എയ്ഞ്ചൽ സ്വാഭാവികമായി പറഞ്ഞു.

“പിന്നേ… സാർ ഒറ്റയ്ക്ക് ഉള്ളപ്പോൾ തന്നെയല്ലേ റെക്കോർഡ് കാണിക്കാൻ വരൂ.” ലക്ഷ്മിയുടെ ശബ്ദത്തിൽ സംശയവും കുസൃതിയും ഒരുമിച്ച് ഉണ്ടായിരുന്നു.

“നീ വെറുതെ ഒന്നും പറയേണ്ട,” എയ്ഞ്ചൽ പതുക്കെ പറഞ്ഞു.

“നീ അല്ലേ പറഞ്ഞത് ദേവശ്രീയ്ക്ക് സാറിനോട് ക്രഷ് ഉണ്ടെന്ന്…” ലക്ഷ്മി കൂടുതൽ സ്വകാര്യമായി ചോദിച്ചു.

എയ്ഞ്ചൽ ഒന്ന് മിണ്ടാതെ നിന്നു.

“അങ്ങനെ പറയുന്നത്  കേട്ടു എന്നേ ഉള്ളൂ…”

“കേൾക്കുന്നിടത്ത് എന്തെങ്കിലും ഉണ്ടാകും,” ലക്ഷ്മി പറഞ്ഞു.

“എല്ലാ കേൾവിയും സത്യമാകണമെന്നില്ല ലച്ചൂ…”

“അതെ. പക്ഷേ അവളുടെ ഈ നിൽപ്പ് കണ്ടിട്ട് എനിക്ക് എന്തോ പന്തികേട് തോനുന്നു.”

എയ്ഞ്ചൽ അവളെ ഒന്ന് നോക്കി.

“നീ ഇപ്പോൾ ജെലസി ആണോ?”

“ജെലസി ഒന്നും അല്ല..”

“ആർദ്രയെ  പോലെ സംസാരിക്കാൻ തുടങ്ങി, നീയും.”

“ആർദ്ര ഉണ്ടായിരുന്നെങ്കിൽ ഇപ്പോൾ തന്നെ ഈ കാര്യത്തിൽ ഒരു റിപ്പോർട്ട് റെഡി ആക്കിയേനെ.”

അപ്പോഴേക്കും ദേവശ്രീ റെക്കോർഡ് ബുക്ക് അടച്ച് പുറത്തേക്ക് നടന്നു തുടങ്ങി.

അവൾ പുറത്തേക്ക് വന്നപ്പോൾ, ലക്ഷ്മിയും എയ്ഞ്ചലും ഒന്നും അറിയാത്ത പോലെ നിന്നു.

ദേവശ്രീ ഇരുവരെയും നോക്കി ചെറിയൊരു ചിരി നൽകി.

“റെക്കോർഡ് ആണോ?” ലക്ഷ്മി സാധാരണ പോലെ ചോദിച്ചു.

“ഹ്മ്മ്…” ദേവശ്രീ തലകുനിച്ചു.

“സാർ നോക്കിയോ?”

“കുറച്ച് തെറ്റുണ്ട്. കറക്റ്റ് ചെയ്യാൻ പറഞ്ഞു.”

ദേവശ്രീ അത്രയേ പറഞ്ഞുള്ളൂ.
പക്ഷേ അവളുടെ മുഖത്ത് എന്തോ പറയാതെ വെച്ചിരിക്കുന്നൊരു ഭാവമുണ്ടെന്ന് ലക്ഷ്മിക്ക് തോന്നി.

ദേവശ്രീ പുറത്തേക്ക് പോയതോടെ ലക്ഷ്മിയും എയ്ഞ്ചലും സ്റ്റാഫ് റൂമിലേക്ക് കയറി.

മനു തല ഉയർത്തി നോക്കി.

“എന്താണ് രണ്ടാളും കൂടെ?”

എയ്ഞ്ചലിന്റെ മുഖത്ത് വല്ലാത്തൊരു നാണം തെളിഞ്ഞിരുന്നു.
അവൾ നേരെ മനുവിനെ നോക്കാതിരിക്കാൻ ശ്രമിച്ചു.

ലക്ഷ്മി മാത്രം പതിവുപോലെ നോർമലായി നിന്നു.

“സാർ…” ലക്ഷ്മി വിളിച്ചു.

“ഹ്മ്മ്?”

ഒരു കാര്യം പറയാൻ ഉണ്ടായിരുന്നു…

എന്താ