Chapter Title : സാഗരസർഗ്ഗം [ഭൂതത്താൻ]

വായിച്ചെടുക്കാമായിരുന്നു.

​അതിനിടയിലാണ് അവളുടെ മടിയിൽ തളർന്നുകിടന്നിരുന്ന അനിയത്തി പതിയെ ഞരങ്ങിക്കൊണ്ട് കണ്ണുകൾ തുറന്നത്. അപരിചിതമായ ആ അന്തരീക്ഷം കണ്ട് അവൾ ആദ്യം ഒന്ന് അമ്പരന്നെങ്കിലും, ചേച്ചി അവളെ ചേർത്തുപിടിച്ച് പതുക്കെ സമാധാനിപ്പിച്ചു. പേടിയോടെ ചുറ്റും നോക്കിയ ആ പെൺകുട്ടിയുടെ കണ്ണുകൾ പെട്ടെന്ന് അഖിലിലുടക്കി. മയക്കമുണർന്നതിന്റെ ആലസ്യത്തിനിടയിലും ആ മുഖം അവൾക്കെവിടെയോ കണ്ടുമറന്നതുപോലെ തോന്നി.

​"ചേച്ചീ..." അവൾ ചേച്ചിയുടെ കയ്യിൽ മുറുകെ പിടിച്ചുകൊണ്ട് ചെവിയിൽ മന്ത്രിച്ചു, "ആ നിൽക്കുന്ന ചേട്ടനെ ഞാൻ കണ്ടിട്ടുണ്ട്..."

​"നിനക്ക് പരിചയമുള്ള ആളാണോ? എവിടെ വെച്ച്?" ചേച്ചി ആകാംക്ഷയോടെ ചോദിച്ചു.

​"കൃത്യമായി ഓർമ്മ കിട്ടുന്നില്ല ചേച്ചീ... പക്ഷെ എവിടെയോ കണ്ടിട്ടുണ്ട്." അവൾ അഖിലിനെത്തന്നെ നോക്കിക്കൊണ്ട് പറഞ്ഞു.

അനിയത്തിയുടെ ആ വാക്കുകൾ കേട്ടിട്ടും ചേച്ചിയുടെ മുഖത്തെ ഭാവത്തിന് യാതൊരു മാറ്റവുമുണ്ടായില്ല. എവിടെയോ കണ്ടുപരിചയമുണ്ടെന്നത് മുന്നിൽ നിൽക്കുന്നയാളെ വിശ്വസിക്കാനുള്ള ഒരു കാരണമായി അവൾക്ക് തോന്നിയില്ല. എങ്ങനെ ഈ നടുക്കടലിൽ എത്തിയെന്നോ, എന്താണ് സംഭവിക്കുന്നതെന്നോ അറിയാത്ത ആ കടുത്ത ആശയക്കുഴപ്പത്തിനിടയിൽ ആരെയും വിശ്വസിക്കാൻ അവൾ തയ്യാറായിരുന്നില്ല എന്നതാണ് സത്യം. തങ്ങൾ അകപ്പെട്ടിരിക്കുന്ന ഈ ഭയാനകമായ സാഹചര്യത്തിൽ അയാൾക്ക് എന്തെങ്കിലും പങ്കുണ്ടെങ്കിലോ എന്ന ഭയം അവളിൽ ബാക്കിനിന്നു. അവൾ കൂടുതൽ ജാഗ്രതയോടെ അനിയത്തിയെ ഒന്നുകൂടി നെഞ്ചിലേക്ക് ചേർത്തുപിടിച്ചു. കൈയിലിരുന്ന മരക്കഷണം താഴെയിടാതെ അവൾ അഖിലിനെത്തന്നെ ഉറ്റുനോക്കി.

​ലിവിനാകട്ടെ, തങ്ങൾ എവിടെയാണെന്നോ, എന്താണ് തങ്ങൾക്ക് സംഭവിച്ചതെന്നതിനെയോ പറ്റി ഒരു പിടിയും ഇല്ലെങ്കിൽ പോലും അതൊന്നും അവനെ കാര്യമായി അലട്ടുന്ന മട്ടില്ലായിരുന്നു. കുളിരുകൊണ്ട് കൈകൾ നെഞ്ചോട് ചേർത്ത് അവൻ എല്ലാവരെയും മാറിമാറി നോക്കി.

പെൺകുട്ടിയുടെ തറപ്പിച്ചുള്ള നോട്ടം കണ്ട് അഖിൽ രണ്ടടി പുറകോട്ട്