Chapter Title : മൈ ഡിയർ യക്ഷി 3 [Ganesh Gaitonde]

ഞാൻ.. എണീറ്റ് കുളിച്ച് വേഷം മാറിയേ... എന്നിട്ട് കിച്ചണിലേക്ക് വാ... കുറച്ച് പച്ചക്കറി നന്നാക്കണം... അതെങ്കിലും ചെയ്ത് താ.. ഇപ്പോ അച്ഛൻ വരും..."

ചെറിയ ആജ്ഞാപന ഭാവത്തോടെ ആൻ്റി ഇത്രയും പറഞ്ഞുകൊണ്ട് അമ്മൂൻ്റെ ബാഗും സാധനങ്ങളും അടക്കി വച്ചു... അമ്മു വീണ്ടും കിടപ്പായി...

കിച്ചണിൽ ചെറിയ ചെറിയ സഹായങ്ങൾ മാത്രേ പെണ്ണ് ആൻ്റിക്ക് ചെയ്ത് കൊടുക്കൂ. ഈ പറയുന്ന പോലെ ആൻ്റിയും ഒരുപാടങ്ങ് അവളെക്കൊണ്ട് ചെയ്യിക്കില്ല.. ഇനി കൊളമാവതെ ഇരിക്കാൻ ആണാവോ...

"ആൻ്റീ....."

ഞാൻ ആൻ്റിയെ മതി എന്ന അർഥത്തിൽ നീട്ടി വിളിച്ചു. ശേഷം കണ്ണുകൊണ്ട് പൊയ്ക്കോ അവള് വരും എന്ന് പറഞ്ഞു ആക്ഷൻ ഇട്ടു...

"ഓ... ശരി ശരി... ചേട്ടനും ചേട്ടൻ്റെ കുഞ്ഞാവയും എന്താന്ന് വെച്ചാ ആയിക്കൊ... നമ്മളില്ലേ..."

ലേശം സെൻ്റി അടിച്ച് ആൻ്റി ഞങ്ങളെ നോക്കി ചിരിച്ചു ... എന്നിട്ട് എൻ്റെ കവിളത്ത് ഒന്ന് പിച്ചിക്കൊണ്ട് ചെറു ചിരിയോടെ കിച്ചണിലേക്ക് പോയി...

"അമ്മൂസേ... എണീക്കഡാ... പോയി കുളിച്ച് വേഷം മാറ്.. അപ്പൊ ഓകെ ആവും..."

അൽപ നേരത്തെ മൗനത്തിനു ശേഷം ഞാൻ കക്ഷിയെ തട്ടി വിളിച്ചു.. ഇവിടെ ആള് അതെ കിടപ്പ് ആണ്.. ഒന്നൂടെ എന്നെ ചുറ്റി പിടിച്ചതല്ലാതെ വെറെ മാറ്റം ഒന്നും ഇല്ല...

"ജിത്തു ചേട്ടാ..."

അതാ വന്നു അടുത്ത ഐറ്റം... നന്ദുട്ടൻ ആണ്... കയ്യിൽ ഐസ്ക്രീമിൻ്റെ പാക്കും ഉണ്ട്...

"ആ... വന്നാ... ഇതെന്തോന്ന് മൊത്തം തീർക്കുമോ... ബാക്കി നാളെ കഴിക്കാടാ.. അല്ലേൽ ചൊമ വരുട്ടോ..."

ബെഡ്ഡിനരികിൽ വന്ന് നിന്ന് ഐസ്ക്രീം കഴിക്കുന്ന നന്ദുട്ടനോട് ആയി പറഞ്ഞു...

"ഇല്ല ചേട്ടാ... ഞാൻ ഇത്തിരി